LUKA 10
10
Yesu mwavatuma vaze makumi atanu naavali
1Jino vyumevi hakukuma #7.13.Mwata atongwele #9.1-2, 51-52.veka makumi atanu naavali, kaha avatumine #Mako 6.7.Vavali navavali kulutwe lwenyi kulimbo hilimbo kwosena asakile Ivene ngwenyi, ayenga.
2Avambile ngwenyi, #Mateu 9.37-38; Yowa. 4.35.Camwenemwene jimbuto jinavulu nakwaha, oloze vaka-kuzata vanapu vavandende. Xikaho mulombenu Mwenyawande mangana atume vaka-kuzata vayenga vamwahilenga.
3 #
9.3-5; 22.35-36; Mateu 10.7-16; Mako 6.8-11. Yenunga, talenu, nguli nakumituma nge vana vamikoko mukaci katungunge.
4Kanda mukambata kangongako, cipwe lipakumuna, cipwe mendelo, kaha kanda mukalimeneka namutu mujilako.
5Mwose muzuvo namukengila, vangilenu kwamba ngwenu, #Samwe. 1, 25.6.Muzuvo yino mupwenga kuunda.
6Kaci nge muli mwanakuunda, kaha kuunda cenu nacitwamanga hali ikiye. Oloze kaci nge pimbi, kaha nacikahiluka ceka kuli enu vavene.
7Katwamenunga muzuvo yize vene nakulya nakunwa vize navakamihana, mwomwo #Mateu 10.10; Koli. 1, 9.14; Cimo. 1, 5.18.muka-kuzata atela kutambula fweto yenyi. Kanda mukanungwojoka kumazuvo eka naekako.
8Mwose mwimbo namukengila kaha navakamitavila, ijivenu kulyanga vize navakatumbika kumeso enu.
9Vaka-kuviza valimo kavahindulenunga, kavambulilenunga ngwenu, Wangana waKalunga uneza lyehi kwakamwihi nayenu.
10Oloze mwose mwimbo namukengila kaha navakakana kumitavila, kalovokenu muye mujijila jalyo, mukavambulile ngwenu,
11 #
9.5. Cipwe lukungu lwahembo lyenu elu lunatukakacila kumahinji etu natulitotomonalwo cipwenga unjiho kuli enu, oloze tacikizenu ngwenu, wangana waKalunga uneza kwakamwihi.
12Nangumilweza ngwami, #Mateu 11.24.Halikumbi lize #Kupu. 19.24-25; Yuta v. 7.vihuli vyavaka-Sotome navikakuminamo, vize vyavakalimbo lize navikalitulaho.
Mama lelo hamembo anakane kupihilila
(Mateu 11.20-24)
13Ove Kolajine, mama lelo hali ove! Ove Mbetesaita, mama lelo hali ove! Mwomwo vilinga vyangolo vize vanalingila lyehi muli enu, kaci vavilingilile kuTule nakuXitone, kaci valumuka lyehi mwaka #Kuso. 11.3.nakuvwala vikelei nakutwama muuto.
14Oloze halikumbi lyakupayisa vatu Vihuli vyavaka-Tule navaka-Xitone navikakuminamo, vyayenu navikalitulaho.
15Nayove nawa, ove Kapelenau, navakakuzezula mbwe namwilu numba? Navakakuxikumwisa mbwe #10.15:Kwaya vafu.nakuHetese.
16 #
9.48; Mateu 10.40; 18.5; Mako 9.37; Yowa. 13.20. Ou mwamivwililenu ali nakungwivwililAmi, #Yowa. 12.48; Teso. 1, 4.8.kahou mwamileununenu ali nakunguleununAmi, kahou mwanguleununAmi ali nakumuleununa Uze angutumine.
Vaze makumi atanu naavali navakinduluka
17Kaha vaze makumi atanu naavali vahilukile nakuwahilila, vamwambile ngwavo, Ove Mwata, cipwe vandemone veji kwononokanga kuli etu halijina lyove.
18Oloze avambile ngwenyi, #Kuso. 12.9; Yowa. 12.31.Ngwamumwene Satana kuholoka mwilu nge muveso.
19Ivwenu, ngunamihane #Mako 16.18.ngolo jakulyata manoka natuvwanda, nakuhonesa ngolo jamuka-kole josena, kaha kakwexi cuma cimwe nacikamikolesako cipwe cacindende.
20Cipwe ngoco, kanda mukawahilila ngwenu, Vaxipilitu veji kwononokanga kuli etuko, oloze wahililenunga ngwenu, #Kulo. 32.32; Samu 69.28; Isa. 4.3; Ndanye. 12.1; Fwili. 4.3; Hepe. 12.23; Kuso. 3.5; 13.8; 21.27.Majinetu vawasoneka lyehi mwilu.
Yesu mwawahilila
(Mateu 11.25-27; 13.16-17)
21Halwola luze vene Yesu alisambile muli Xipilitu wajila, ambile ngwenyi, Ove Tata, Mwenyalilunamavu, ngunakusakwila, mwomwo #Koli. 1, 1.26-29. vyumevi wavaswekavyo vakamangana navaka-kunangakana, unavisolwela kuli vakemba. Mwomwo vene, Ove Tata, mwomwo mukiko mwawahila kumeso ove.
22 #
Mateu 28.18; Yowa. 3.35; 13.3. Vyuma vyosena vananguhanevyo kuli Tata, kaha naumwe pimbi #Yowa. 10.15; 17.25.atacikizomu apwa MwanaKalunga, kuvanga Ise kaha, nomu apwa Ise nawa, kuvanga Mwanenyi kaha, nawexowo nawa navazanga kumusolwelayo kuli Mwanenyi.
23 #
Mateu 13.16-17. Kaha hakwalumuka kuli tumbaji twenyi ahanjikilile kupenge muxi ngwenyi, Anatokwa meso ali nakumona vyuma muli nakumonenu.
24Mwomwo nangumilweza ngwami, #Yowa. 8.56; Hepe. 11.13; Petu. 1, 1.10-12.Kwapwile vapolofweto navamyangana vavavulu vasakile ngwavo, vamone vyumevi muli nakumonenu, oloze kavavimweneko, vasakile ngwavo, vevwe vyumevi muli nakwivwenu, oloze kavavivwileko.
KaSamaliya muka-kutetela mukwavo
25 #
Mateu 22.34-40; Mako 12.28-31. Jino kumana, kwemanyine #Mateu 22.35.muka-jiximbi nakumweseka ngwenyi, #18.18; Mako 10.17; Mateu 19.16. Ove muka-kunangula, nangulinga muka mangana ngukaswane kuyoya cahaya myaka yosena?
26Amwihwile ngwenyi, Kujiximbi vasoneka ngwavo ika? Unatange ngacilihi?
27Kaha ikiye amukumbulwile ngwenyi, Ngwavo, #Luxi. 6.5; Levi 19.18; Loma 13.9; Ngale. 5.14; Yako. 2.8.Muzangenga Yehova Kalunga kove namucima wove wosena namwono wove wosena nangolo jove josena namanganove osena, kaha ngwavo, Zanganga mukwenu nganomu walizangilove lyavene.
28Amwambile ngwenyi, Unakumbulula mwakwoloka. #Levi 18.5; Mateu 19.17.Linganga ngoco, kaha naukayoya.
29Oloze ikiye asakile ngwenyi, alisambise, xikaho amwihwile Yesu ngwenyi, Kaha iyaze ou napu mukwetu?
30Yesu amukumbulwile ngwenyi, Kwapwile mutu apwile nakufuma kuYelusalema nakuxikumuka kuYeliko. Kaha alitulukilile navihwanga, vakivo vamuzulile mahinenyi, vamuvetavetele, vafumineko nakumuseza nge mufu kaha.
31Jino kwejile kapilixitu nakuxikumuka mujila yize, kaha hakumumona amukondolwele kutenga.
32Ngacize nawa nakaLevi nawa, hakuheta kuze, hakumumona amukondolwele kutenga.
33Oloze kwejile #9.51-56; 17.11-19; Yowa. 4.4-42.kaSamaliya hakutambuka mujila yenyi, ahetele kuze apwile uze mutu, kaha hakumumona amwivwilile keke,
34apandamine kuli ikiye, akaxile mahina havito vyenyi, ahingunwinyineho maji navinyo, amunyinyixile hakanyama kenyi, amutwalile kuzuvo yavangeji nakumulama.
35Hakuca alowele #10.35:Tala 7.41.jindenali jivali, ajihanyine kuli mwenyazuvo, kaha amwambile ngwenyi, Mulame kanawa, kaha jexojo jikwavo nauhanyinaho, omu nangukakinduluka ami nangukakuxixixilamo ceka.
36Kuli vaze vatatu, ove ngwove, iyaze ou apwile mukwavo wayauze alitulukilile navihwanga?
37Ikive amwambile ngwenyi, Uze amutetelele. Yesu amwambile ngwe nyi, Yako ukalingenga ngoco nayove nawa.
Yesu mwavemeneka vaMalita naMaliya
38Jino vakivo hakuya, engilile mwimbo limwe, mwapwile pwevo, lijina lyenyi apwile ikiye #Yowa. 11.1, 5, 19-27, 30, 39; 12.2.Malita, amwitavilile muzuvo yenyi.
39Apwile nasongo yenyi wapwevo, vavulukilenga lijina lyenyi ngwavo, Maliya, ikiye atwamine kutungi yaMwata nakwivwilila mazu enyi.
40Oloze Malita apwile nakuzakama nakuzazata milimo yayivulu, kaha ayile kuli Ikiye amwambile ngwenyi, Ove Mwata, kawacihakile kumucima woveko tahi, omu nangusuvila songo yami nguzatenga uka wami? Xikaho mulweze ngwove, angukwaciseko.
41Oloze #7.13.Mwata amukumbulwile ngwenyi, Ove Malita, ove Malita, uli nakulizakamina nakuliyanjisa navyuma vyavivulu.
42 #
Yowa. 6.27; Samu 27.4. Cuma cimwe kaha cinatela kulinga. Mwomwo Maliya nasakula cazano kana camwenemwene, cikiko kavexi kumutambulacoko.
Zvasarudzwa nguva ino
LUKA 10: LUE70
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Luvale Bible © Bible Society of Zambia, 1970.