SIONE 18
18
Ramo lavi Jisas
(Mat 26.47-56; Mak 14.43-50; Luk 22.47-53)
1I Jisas mo tiutangaroa mo rovo vunu aia mana nona ngwalagelo ramo vano utuhi na kwai kelekele Ketron. Takwahini a talutalu na violev. I Jisas mana nona ngwalagelo ramo vano tilolona. #Mat 26.36; Mak 14.32 2I Sutas, aia hi mo tiraki Jisas tilo kaba na nona tavaluivuro u kikilai na tanotano hi, huri i Jisas mana nona ngwalagelo rau vano vaki eia tigwaravu. #Luk 21.37; 22.39 3Hokinia i Sutas mo vano vaki lolo talutalu hini u lai a tangaloi na vuro nona ngwera Rom ratuaki mana kaitagahuri na Vanua* Kokona noi God ratuaki. A tangaloi* lingilingi lalakua mana Varisi* maira, aira rau horara ramo huri Sutas, rau lai noga vivilagoki na vuro, rau lai a laeti, rau tutu kabu ramo vano. #Sione 7.32,45 4I Jisas u kikilai vunu ba kwara rana vai aha maia, mo gwale vaki tomua, mo kwaha maira mo viti “?Tulu soro harohe?”
5Aira ramo darakinia ramo viti “I Jisas a ngwera Nasaret.”
Aia mo viti “I nau hika.” #18.5: I nau hika. A leo hi lo leo nona gwaloana noi Isrel u taritarisa mana leo hika “I nau i Tatoka” hinea a hina kokona noi God.
I Sutas, aia hi mo tiraki Jisas tilo kabaga, u tu maira. 6Lolona hini i Jisas mo viti lakwara kwara “I nau hika,” ramo susu vaki takuni ramo sovi tilo tano. 7I Jisas mo uduhuri kinira taliku, mo viti kwara, “?Tulu soro harohe?”
Ramo viti “I Jisas a ngwera Nasaret.”
8I Jisas mo viti kwara, “Nu viti lakwakamu ba kwara i nau hika. Diko i kamu tulu tuku soro haroau, tulu tiraki na tangaloi vano hi rau hugu maiau rana vano.” 9Aia u viti kwehi kwara a leona hinea mo viti tomua ne mule luna, hi mo viti “Mama. Nahe vakasalakinia tea kwara te katukwale hinea komo betera lakweau.” #Sione 6.39; 17.12
10I Saemon Pita a nona bue eia. Mo ruruhia tivarea mo tai suati na matuai gwero na tangaloi* boloki vuroki bulana hugwe na tangaloi lingilingi. A hina na tangaloi boloki hi i Malkas. #Luk 22.36,38 11I Jisas mo kwaha mai Pita mo viti kwara, “Ko tau na nomu bue taliku vaki lo tanotanoki. ?Ku domi kwara nanahe inu te lo laha na rongoana hati hinea i Tamagu mo betea lakweau?” #Mat 20.22; 26.39; Mak 10.38; 14.36; Luk 22.42
I Jisas mo tu lo nako i Anas
12A tangaloi na vuro nona ngwera Rom mana noga kaitovo na vuro, mana gwaloana noi Isrel* aira hi a kaitagahuri na Vanua* Kokona noi God, ramo lavi Jisas ramo gwarua, 13ramo lavia tomuaki vaki mai Anas, huri i Anas i tama i vavinehi i Kaeavas. I Kaeavas u kwareki a hugwe na tangaloi* lingilingi lo hukao aia hi. #Luk 3.2; Sione 18.24 14I Kaeavas aia hini mo kwaha mana kaitomuaki nona gwaloana noi Isrel tomua mo viti u karea kwara a tangaloi katukwale ne mate huri na tangaloi doluaki. #Sione 11.49-51
I Pita mo herevuniki i Jisas
(Mat 26.69-70; Mak 14.66-68; Luk 22.55-57)
15I Saemon Pita mana ngwalagelo noi Jisas katukwale vake raru huri i Jisas. A ngwalagelo kairuaki hi, a hugwe na tangaloi* lingilingi u kikilaia u karea, hokinia aia mo soro mai Jisas vaki lolo loloiara na ingwa na hugwe na tangaloi lingilingi. #Sione 20.3 16Vae i Pita u tu varea garagarani mana matakihala. A ngwalagelo kairuaki hi, aia hi a hugwe na tangaloi lingilingi u kikilaia u karea, mo ngwalua tivarea taliku, mo kwaha mana vavine lo matakihala mo lavi Pita vaki lolo loloiara na ingwa hi. #Mat 26.58; Mak 14.54; Luk 22.54-55 17Hikani a natu vavine hini, a kaitagahuri na matakihala hi, mo kwaha mai Pita mo viti kwara, “?I nigo a ngwalagelo katukwale nona tangaloi hi?”
Vae i Pita mo daraki mo viti “!Hetea! !I nau hetea!” #Sione 18.25
18U kangwkangwa haburu, hokinia a tangaloi boloki mana kaitagahuri rau huruki na kabu ramo tu dalia, ramo manihu. Vae i Pita u tu maira vake, u manihu.
A hugwe na tangaloi lingilingi mo uhi Jisas kina leo uhiuhi
(Mat 26.59-66; Mak 14.55-64; Luk 22.66-71)
19Hikani a hugwe na tangaloi* lingilingi hi mo uhi Jisas huri na nona ngwalagelo mana nona huhuiana. 20I Jisas mo daraki lakwae, mo viti kwara, “I nau nu kwaha tigwaravu lo nako na tangaloi savia. Tigwaravu nu huhui lolo vale* na tiutangaroa, vake lolo Vanua* Kokona noi God hinea a tangaloi tatada doluakinira ramo toko vanamai tabulutaki eia. I nau nohe viti na kinau tea tavuniki. #a Sione 7.26; b Mat 4.23; 26.55; Sione 6.59; 7.14 21?Vunu kworoho komo uhiau kwehi? Ko uduhuri kina tangaloi hinea ramo rongoau. Ko uduhuri kinira kwara nu viti aha lakwara. Aira rau kikilai a havakinau hi i nau nomo viti.”
22I Jisas mo viti hokinia hi, a kaitagahuri katukwale u tu takwa-hi mo rabae, mo viti kwara, “?Kworohokinia komo viti kwehi lakwa na hugwe na tangaloi lingilingi?” #a Bol 23.2; b Sione 19.3
23I Jisas mo daraki lakwae mo viti kwara, “Diko i nau nu viti te kinau he taritarisa tea, ko vitia lakwa na tangaloi savia hike. ?Vae diko i nau nu bakoto lo havakinau hi nomo viti, kworoho komo rabeau?”
24Vunu i Anas mo horae, mana kaigwaruna, vaki mai Kaeavas a hugwe na tangaloi lingilingi. #Luk 3.2; Sione 18.13
I Pita mo herevuniki i Jisas taliku
(Mat 26.71-75; Mak 14.69-72; Luk 22.58-62)
25Hikani i Saemon Pita u tu radu nga u manihu. Vunu a tangaloi katukwale tiura hi ramo tu mai Pita mo kwaha maia mo viti kwara, “?I nigo hi katukwale vake a ngwalagelo nona tangaloi hi?”
Vae i Pita mo harovia mo viti “!Hetea! !I nau hetea!” #Sione 18.17
26Hikani a tangaloi* boloki vuroki bulana hugwe na tangaloi* lingilingi, aia a bela na tangaloi hinea i Pita mo tai suati na gwerona, mo kwaha maia mo viti kwara, “I nau nu domi kwara nu tagaiko maia lolo talutalu na violev.” #a Mat 26.51; Mak 14.47; Luk 22.49-50; Sione 18.10; b Sione 18.1
27I Pita mo haro taliku, vae heheriki a toa mo tarere. #Mat 26.34; Mak 14.30; Luk 22.34; Sione 13.38
I Jisas mo tu lo nako i Paelet
(Mat 27.1-2,11-14; Mak 15.1-5; Luk 23.1-5)
28Hikani a kaitomuaki nona gwaloana noi Isrel* ramo lavi Jisas tina tata i Kaeavas vaki mana ingwa lakua nona kavman. U sirovobongi bise. A kaitomuaki nona gwaloana noi Isrel rahe soro lai tea vaki lolo ingwa hika huri a korokoro luna. Kwara vae diko a gwaloana noi Isrel rana soro vaki lolo ingwa na tangaloi tavalavarea tina gwaloana noi Isrel rana hogora, vae ranahe kani lai te hinaka na Kanikani* na Tivekiana. 29Hokinia i Paelet* mo soro tivarea vaki maira mo kwaha mo viti kwara, “?Lo hava leo tulu mo vai na tangaloi hika huria?”
30Ramo daraki ramo viti kwara, “Kwara vae diko aia hete tangaloi hati haburu, kwara vae kenahe lavia tea vaki maiko.”
31I Paelet mo kwaha maira mo viti kwara, “I kamu tulu lavia, tulu kahi haro na doridorina vae tulu mo hagwe te hatiki luna, tulu neri vai kadia lo hala na nomiu tangwata.”
Ramo daraki ramo viti kwara, “I kami kehe taritarisa tea kwara kena kwohi mate te tangaloi.” #a Sione 19.6-7; b Sione 19.6; d Bol 18.15 32Vunu hokinia i Jisas a nona leo aia hi u vosangi kwara vae ne mate kworohokinia vae u kworo. #Mat 20.19; 26.2; Sione 3.14; 8.28; 12.33
33I Paelet mo mule taliku vaki lo ingwa na arekiana nona kavman mo kware i Jisas mo uduhuri kinia mo viti kwara, “?I nigo a Hugwe Lakua nona gwaloana noi Isrel?”
34I Jisas mo daraki mo viti kwara, “?I nigo ku uduhuri kwehini, i nigo ku domiki sibomu, diko te tangaloi rau vitiau lakwako?”
35I Paelet mo daraki mo viti kwara, “?I nigo ku domi kwara i nau a gwaloana noi Isrel? Aira a tangaloi tatamu mana tangaloi* lingilingi lalakua rau beteko lakweau. ?I nigo ku vai na havakinau?” #Sione 1.11
36I Jisas mo viti kwara, “I nau nu hugwe koro na tangaloi hete hoki na tangaloi na varamana ramo hugwe koro na tangaloi lo varamana. Kwara vae diko nu hugwe koro na tangaloi hokinira, a nogu ngwalagelo rana vai vuro kwara rana kwiribibiau tina kaba na kaitomuaki nona gwaloana noi Isrel. Vae hetea. Hete tangaloi na varamana hika u rivukiau kwara na hugwe koro na tangaloi.”
37Hokinia i Paelet mo uduhuri kinia mo viti “?Kareaki, i nigo a Hugwe Lakua?”
I Jisas mo daraki mo viti kwara, “Aia hokinia hi kwara kona kwareau a Hugwe Lakua. Aia i nau nu vora, nu vanamai tilo varamana huri na domikiana katukwale vohoki kwara na viti huri na vitikareaki. Te tangaloi u lagwa mana vitikareaki ne rongohuriau.” #a 1 Tim 6.13; b Sione 3.32-33; d Sione 8.47; 1 Sione 4.6
38I Paelet mo uduhuri kinia mo viti “?A vitikareaki a havakinau?”
I Jisas vae ne mate
(Mat 27.15-31; Mak 15.6-20; Luk 23.13-25)
Vunu i Paelet* mo ngwalua tivarea vaki mana gwaloana noi Isrel* mo kwaha maira mo viti kwara, “I nau nahe hagwe na kinau te vohoki kwara vae na viti ne mate luna. 39Aia lo doridorimiu lo Kanikani* na Tivekiana, tigwaravu nu tuku tiraki a tangaloi katukwale tina ingwa na gwarugwaru. ?Vae i kamu tulu lengaiau kwara na tiraki na Hugwe Lakua nona gwaloana noi Isrel?” 40Aira ramo daraki karakara lakwae ramo viti “!Hetea! !A tangaloi hika hetea! !Keu lengai Baravas!” I Baravas aia hini a tangaloi uabalu tangaloi. #Bol 3.14
Zvasarudzwa nguva ino
SIONE 18: HWT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Havakinau New Testament © Bible Society of the South Pacific, 2016.