SIONE 17
17
I Jisas mo tiutangaroa huri na nona ngwalagelo
1I Jisas mo viti na leo vano hi mo rovo, vunu mo lalangao hake vaki lo taetae, mo viti “Mama. A taroki u maravuti. Ko tabe hakekiau, i nau i Natumu, vae i nau i Natumu, na tabe hakeki na hinamu. #a Sione 11.41; b Mat 26.45; Mak 14.41; Sione 12.23; 13.1; d Sione 13.31-32 2I nigo ku rivukiau ku hile huirana lakweau kwara na hugwe koro na tangaloi doluaki, kwara i nau na hile na ahiana vaki tuai lakwara hinea komo hilera lakweau. #Mat 28.18 3A ahiana vaki tuai aia hika. A tangaloi ranari kikilaiko, i nigo kehekeheki a God kareaki, vake ranari kikilaiau, i nau hi i Jisas Kraes* hinea komo horeau. #1 Tes 1.9; 1 Sione 5.20 4I nau nu tabe hakeki na hinamu lo varamana. Nu vai vunuhi na boloki hinea komo hile lakweau kwara na vai. #a Sione 13.31-32; 14.13; b Sione 4.34 5Mama. Hikani ko tabe hakekiau maiko lo nomu karekarea hokinia hinea nomo hugu maiko lo nodaru karekarea tomua vunu a varamana mori tauana. #Sione 1.1-2; 8.58; 17.24
6“I nau nu matangwasarakinigo lakwa na tangaloi aira hinea komo betera lakweau tina varamana. Aira rau kwareki a nomu, vae i nigo ku betera lakweau. Rau rongohuri na leomu, #Sione 17.26 7vae hikani rau kikilai kwara vatavataha na kinau hi komo betera lakweau, rau vanamai tiuko. 8Nu hilera kina leomu komo betea lakweau, vae rau lavia. Vae rau kikilai bakotoki kwara i nau nu vanamai tiuko, vunu vake rau hauhuri kwara i nigo ku horeau. #Sione 3.2; 16.30
9“I nau nu tiutangaroa hurira. Nahe tiutangaroa te huri na tangaloi na varamana #17.9: A tangaloi na varamana. Kona tagai na leo hi lo savta 14.17 lo leo hinea evina halaradu. vae huri na tangaloi hinea i nigo komo betera lakweau, huri aira rau kwareki a nomu. 10Vunuvunuhira hi a nogu a nomu, vake vunuvunuhira hi a nomu a nogu, vae a tangaloi rana tabe hakekiau hurira. #a Luk 15.31; b Sione 16.15 11Hikani nu vanamai vaki maiko. Nahe hugu te vakevake lo varamana, vae a tangaloi vano hika rau hugu lo varamana radu nga. Mama Kokona. Ko kwiribibira lalahi na huirana na hinamu hinea komo betea lakweau, kwara vae rana kwareki katukwale hokinia i nigo, i nau, taru katukwale. #a Sione 13.1; b Sione 13.1,3; 16.28 12Lolona nomo hugu maira i nau nu kwiribibira kina huirana na hinamu, a hina hi komo betea lakweau. #17.11-12: A leo lo gweregwere ves 11 mana leo lo duviki tomuaki na ves 12 lo Buku Kokona tuaki hinea a tangaloi rau ulira tuai rau viti hikwe kwara, Aira hinea komo betera lakweau, ko kwiribibira lalahi na huirana na hinamu kwara vae rana kwareki katukwale, hokinia i nigo, i nau, taru katukwale. 12 Lolona nomo hugu maira hinea komo betera lakweau, i nau nu kwiribibira kina huirana na hinamu. Nu tuku tagahurira vae hete kwara te katukwale ne sala, kehekeheki a tangaloi aia hi u mataia kwara ne sala. Vae u mule luna hokinia kwara a Uliuli* Kokona ne kworo. #a Sione 6.39; 18.9; b Sam 41.9; 109.4,5,7,8; d 2 Tes 2.3 13Hikani nu vanamai vaki maiko. Nu viti na kinau vano hikani lo varamana hokinia kwara ne havutira haburu kina nogu hahavutiana. #Sione 15.11; 1 Sione 1.4 14Nu hile na leomu lakwara. A tangaloi na varamana rau vai taratarakinira, huri aira vake hete tangaloi na varamana, hokinia i nau hete tangaloi na varamana. #a Sione 15.18-19; b Sione 8.23 15Nahe viti te lakwako kwara kona lavira tina varamana, vae nu viti lakwako kwara kona kwiribibira tina Tangaloi Hati hi i Setano*. #Mat 6.13; 2 Tes 3.3; 1 Sione 5.18 16Hokinia i nau hete tangaloi na varamana, vae aira vake hete tangaloi na varamana. 17A leomu a leo na vitikareaki. Kwara kona vai a leomu hi ne boloki lo mamaurianaga kwara rana kwareki a nomu tangaloi kokona. 18Nu horara tivarea tilo varamana, hokinia hi komo horeau tilo varamana. #Sione 20.21 19I nau nu hileau lakwako kwara na kwareki nomu tangaloi kokona kwara vae aira vake ranari mulemai kina nomu tangaloi kokona kareaki.
20“I nau nahe tiutangaroa te hurira kehekeheki, vae vake hurira hi ranari hauhuri lugu lalahi na noga leo. #Sione 17.9 21Nu tiutangaroa kwara vae rana hariki katukwale. Mama. Nu lengaia kwara rana hariki katukwale ludaru, hokinia hi i nigo ku hariki lugu, i nau nu hariki lumu. Nu lengaia kwara rana hariki katukwale, kwara vae a tangaloi na varamana ranari hauhuri kwara i nigo ku horeau. #a Gal 3.28; b Sione 10.38 22Nu tabe hakekinira, hokinia komo tabe hakekiau kwara vae rana hariki katukwale, hokinia i kitarua taru mo hariki katukwale. #Sione 17.11 23I nau nu hariki luga i nigo ku hariki lugu. Vae nu tiutangaroa kwara lo hala hokinia hi aira rana hariki katukwale lo kinau savia, kwara vae a tangaloi na varamana rana kikilai kwara i nigo ku horeau, vake ku lagwa maira hokinia komo lagwa maiau.
24“Mama. I nigo ku betera lakweau, vae i nau nu lengaira kwara rana hugu maiau lo vanua hi nana hugu eia, hokinia rana tagai na huirana na nogu karekarea. A karekarea hi komo betea lakweau, huri ku lagwa maiau tomua vunu a varamana mori tauana. #a Sione 12.26; b Sione 1.14; d Sione 17.5 25Mama. I nigo ku bakoto vohoki. A tangaloi na varamana rahe kikilaiko tea, vae i nau nu kikilaiko, vake a nogu tangaloi aira vano hi rau kikilai kwara i nigo ku horeau. #a Sione 1.10; 8.55; b Mat 11.27; Luk 10.22; Sione 8.55 26Nu matangwasarakinigo lakwara, vae nana vai kwehi vakevake, kwara vae a nomu lagwaana hi komo lagwa maiau kinia ne toka luga, vae i nau na toka luga vake.” #Sione 17.6
Zvasarudzwa nguva ino
SIONE 17: HWT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Havakinau New Testament © Bible Society of the South Pacific, 2016.