Ruka 1:68-75

“Ngaarumbidzwe Tenzi Mwari wavaIsiraeri, nokuti akashanyira vanhu vake, akavanunura; akatimutsira Muponesi ane simba mumba maDhavhidhi muranda wake, sokutaura kwaakaita nemiromo yavaporofita vake vatsvene vakare, kuti atinunure kumhandu dzedu, nomumaoko avose vanotivenga, kuri kuratidza tsitsi sokutsidza kwaakamboita kumadzitateguru edu, nokuyeukawo Chitenderano chake chitsvene, nechitsidzo chaakaita kuna baba vedu Abhurahamu, chokuti kana tanunurwa mumaoko emhandu dzedu, timushandire tisingatyi, tichiita mabasa edu tiri vatsvene vakarurama pamberi pake mazuva edu ose.