Romans 10
10
1Susulud, lappun uchum si piok un iluwalu kan Apudyus lu achi abus chi mataguwan cha kailiyak un Judio! 2Takcheɏak chicha si amod un layedchaʼn malaychayaw kan Apudyus, ngim chakampun un ustu-ustu lan-aawatcha. 3Ti achipuncha ammu in-ilon Apudyus un mangipalintog si tagu. Ot pilachaschaʼn mampalintog si uwachaʼn somsomok un maluɏut si lintog, ked achipuncha itimbuɏuy si kopyaʼn simsimmok Apudyus. 4Ti si Kristu alungus chi lintog taplu losan un mamati mambyalin un lalintog si sangwalan Apudyus.
Losan Un Tagu Matagu
(Eph. 2:1-10)
5Ha inggilin Moses mipanggop si pallakapalintog chi tagu si sangwalan Apudyus gapu si maluɏutan si lintog: “Lu silu cha malungpeɏ si bilin chi lintog, matagu si lintog.”#10:5 Leviticus 18:5, Galatians 3:12 6Ngim lu mipanggop si mampalintog si tagu gapu si pammati, ked chakampun un masapuɏʼn somsomkom lu, “Silu umoy ud langit mangibuun kan Kristu utla pita?” 7Ked achim bo kalan lu, “Silu umoy chaɏom pita un inggewan cha latoy ta taguwola kasin si Kristu?” 8Ngim simma ibyegala? “Adchaliyan kan sika ugud Apudyus, allat si tupoklu ya allat si somsomoklu.” Piolaʼn uguchon, ha ugud Apudyus mipanggop si pammati un ibyegbyegami.#10:8 v. 6-8, Deut. 30:12-14 9Ta lu ibungangayyu un si Jesus chi Ap-apu ya patiyonyu si somsomokyu un tilagun Apudyus siya kasin, matatagu kayu. 10Ti ha mamatiyan taku kan Jesu Kristu, ibilang Apudyus chitaku lalintog ya gapu si mangibungangayan taku un Jesus chi Apu ked siya bo mataguwan taku. 11Ked tuttuwa liigili si ugud Apudyus un kalala, “Losan un mamati kan Siya, achipun mibibiin.”#10:11 Isaiah 28:16 12Ked mipati cha losan un tagu ti lappun laksigon Apudyus, ulay Judio willu Gentil. Ti si Jesu Kristu siya bo Ap-apun cha losan. Ked siya mangachegu tumuɏung kan cha losan un manchawat kan siya. 13Ti kalan chi liigiliʼn ugud Apudyus, “Losan un manchawat si tuɏung kan Apu Jesu Kristu, ked matatagu si ing-inggala.”#10:13 Joel 2:32
14Ngim himma in-ilonchaʼn manchawat si tuɏungla lu achipuncha mamati kan siya? Ya himma in-ilonchaʼn mamati kan siya lu lappun chingchingngeɏcha mipanggop kan siya? Ya himma in-iloncha un manchongeɏ lu lappun umoy mangibyega kan chicha? 15Ked silu bo umoy mangibyega lu lappun mibuun? Ti kalan chi liigiliʼn ugud Apudyus, “Bibiɏu ta alla cha umali mangibyega si Bibiɏuʼn Chameg!”#10:15 Isaiah 52:7
16Ngim achipun cha losan un tagu lamati si Bibiɏuʼn Chameg. Ti kalan Isaiah, “Apu, silu lamati si imbyegbyegami?”#10:16 Isaiah 53:1 17Ked lappun uchum un meɏpuwan chi pammati lu achi manchongɏan si ugud Apudyus, ked lappun uchum un mibyegbyega lu achi mipanggop kan Kristu.
18Ngim ha imusok, tuttuwa kamman un achipuncha chingngeɏ ugud Apudyus? Ha kilatuttuwaala, chingchingngeɏcha ti kalan chi liigili un ugud Apudyus,
“Libyegbyega ugudla si kaili-ili ya lanchilameg si losan un sulin chi lubung.”#10:18 Psalm 19:4
19Ked kasinku imuson, ha laawatan kamman cha Israelita? Sigulachuʼn laawatancha, ti si Moses chi ummulaʼn summongbyat,
“Paaposok chikayu gapu si maminchisyulak kan cha taguʼn achipunyu imbilang taguk.
Pasangaok chikayu gapu kan cha taguʼn imbilangyu lappun
pulus ammucha mipanggop kan sakon.”#10:19 Deut. 32:21
20Awed bo osaʼn inggilin Isaiah, ked lateɏod si Isaiah un langibyega si hachiʼn imbyegan Apudyus,
“Inchesalak kan cha achipun langngit kan sakon,
ya lampailaak kan cha hachiʼn achipun langimus kan sakon.”#10:20 Isaiah 65:1
21Ngim lu mipanggop kan cha iyIsrael, kalala,
“Biligat un iiwwayok chi mansagungancha kan sakon, ulay lu
achipuncha tumuttuwa willu umiisikcha.”#10:21 Isaiah 65:2
Zvasarudzwa nguva ino
Romans 10: HUA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2009, Wycliffe Bible Translators, Inc. in cooperation with Translators Association of the Philippines