Acts 27
27
Illiyoycha Si Paul Ud Rome
1Chillumtong pu eɏgew un ingkami kan cha Paul ud Italy. Impuɏangcha si Paul ya cha uchum un byaɏud kan Julius un kapitan cha susuɏchachuʼn ngadlonchan, “Man-aachug kan Emperador.” 2Lanlugen kami si bapur un lampeɏpuʼd Adramyttium un umoy kan cha ili-ili si probinsiya ud Asia. Kadwami si Aristarchus un iMacedonia un lampeɏpuʼd Thessalonica.
3Labigat pun, lanchegas kami ud Sidon. Ot kummachegu si kapitan Julius kan Paul ot impalubusla siya un umoy manggeggakay kan cha gagayyomla ta idchencha siya si kasapuɏala. 4Lallubbyat kami kasin, ot lalliglig kami si igidlaʼd Cyprus un maseilan, ti liyabot chi bidbid kan chikami. 5Chilemangmi byeybyey ud Cilicia ya Pamphylia, ot lanchissaeg kami ud Myra si probinsiyan chi Lycia. 6Udchi langchesan kapitan Julius si osaʼn bapur un lampeɏpuʼd Alexandria un umoy ud Italy ot siya lanlugalanmi. 7Ilam-ammaan chi lugenmi si pigan eɏgew ot lampaligat kami un gummatong ud Cnidus. Gapu ta pummigsa bidbid achipun makaoyon chi bapur, ot lalliglig kami si igid Crete ot lilausanmiʼd Salmone. 8Ngim ulay lu langigiigid kami ud Crete, laligatan kami bo inggala gummatong kami si osaʼn lugeɏ un kalanchaʼn Bibiɏuʼn Iillongan chi Bapur, adchaliyan si ili ud Lasea.
9Gapu ta labyeyeg kami udchi ked kaog-ogyat chi mangituɏuy si biyahimi ti lagamput chi eɏgew un mamakawalan si byasuɏ. Ot bilegbyegaan Paul chicha, un kalala. 10“Bubuɏun, lu ipatut taku ituɏuy mambiyasi, ammuk un achu cha mayam-an kan cha keɏga taku ya ulay chi allaʼn bapur ya awed bo matoy.” 11Ngim ha kapitan, achipunla tiluttuwa imbyegan Paul, ti siyad tiluttuwala imbyegan chi kapitan chi bapur ya singkuwa si bapur. 12Kaachuwan kan cha kalugenmi, pioncha un mantuɏuy, ti lawwik udchi un inggewan chi bapur si timpun chi bilali. Ot kalancha pachason taku ichuum ud Phoenix, osaʼn iillongan chi bapur ud Crete, ta udchi inggewan taku si timpun chi bilali, ti achipun lansagung si meɏpuwan chi bidbid.
Ha Byali Si Byeybyey
13Hachi ked, gummatong chi bidbid un lampeɏpuʼd chaya ot kalancha lu makwa un ituɏuycha chi panggopcha. Ot giluyudcha impangatu chi kagan sasanguɏ un mampaillong si bapur ot lallubbyat kami langigiigid si kapit ud Crete. 14Ngim achipun labyeyeg, gummatong chi lapigsan bidbid un leɏpud chi lagud chi Crete. 15Ot chilongseɏla bapur ot lappun in-ilonchaʼn mansagung si bidbid ot impatuɏaymi un iturung chi bidbid chi bapur si ayala. 16Langoy kami si igid chi paat un ili ud Cauda, illugenmi cha byangka un pin-an chi bapur guyguyuchon ti laseilan kamì akit, ngim lampaligat kami un langigga si bapur. 17Lagamput pun lipuwistu cha byangka, tilakodcha si mangkachakkeɏʼn tali chi bapur ta achi machosyang. Inchedcheɏacha bo layeb ta am-ammaan chi bapur un miyalud ti lachalagencha un michongseɏ si kaleglegelan ud Syrtis. 18Ngim intuɏutuɏuylaʼn bummali si lapigsa, ot labigat pun, illugichaʼn langibyellu kan cha keɏga si byeybyey ta lumangpaw. 19Si mikatluʼn eɏgew, lan-ibyellucha kan cha lamintan chi bapur. 20Lummaus pu achuʼn eɏgew, un lappun intullongmi si ilit willu cha bituwon ked intuɏutuɏuylaʼn bummali si lapigsa inggala lappun lamlamami un matagu.
21Ked labyeyeg boʼn achipun kami langan ot summiked si Paul ot kalala, “Bubuɏun, lu tiluttuwayu otyan chi imbyegak un achi taku ummoyon ud Crete, lappun otyan layam-an ya libyellu. 22Ngim si sala, achi kayu machalagen ti lappun matoy kan chitaku. Ha bapur abus chi mayam-an. 23Ti si labi lampaila anghel Apudyus un singkuwa kan sakon un chaychayawok ya mansimbiyak. 24Kalala, ‘Achika umogyat Paul, ti masapuɏʼn maimbistigeɏka si sangwalan Emperador. Ked mipagapu kan sika, kilacheguwan Apudyus cha kalugenlu, ked lappun matoy kan chicha.’ 25Ked pakoscheɏonyu somsomokyu, ti mantegochak kan Apudyus un matungpeɏ cha losan un imbyegala kan sakon. 26Ngim masapuɏʼn mipeɏakleg chi bapur si osaʼn iliʼn langgawa si byeybyey.”
27Lummaus pu chuwaʼn chuminggu malipud si lugin chi byali, sissiyan lipepeɏakleg kami si gawan chi byeybyey un Adriatic. Gawan labi pun ladlaw cha marinero un lichuum kami si igid chi byeybyey. 28Ilisongcha pun chi kachaɏom chi chelum, umoy si chuwampuɏun chopa kachaɏomla.#27:28 umoy un 120 ft. Lapalos pun chi chummedcheliyanmi, ilisongcha kasin ot umoy si lasawaɏan si liman chopa. 29Ot ummogyatcha lu michongseɏ bapur si kabyetbyetuwan. Ot incheɏacha opat un kilagan sanguɏ si ammutan chi bapur ta paillongola, ot illuwaluchaʼn pumadpadcha. 30Ot pioncha marinero un umawid. Ot impacheɏacha byangka si byeybyey, un ag-agincha un igga cha uchum un kilagan sanguɏ si sangwalan chi bapur. 31Ngim imbyegan Paul si kapitan ya cha suɏchachula, “Lu achipun inggew cha marinero si allaʼn bapur, lappun matagu kan chikayu.” 32Ot pilogsat cha susuɏchachu talin cha byangka ot bilay-ancha un liyalud.
33Alla pun un pumadpadcha, ilàaɏuk Paul chicha losan ta mangancha, un kalala, “Chuwaʼn chuminggu lummaus un lappun langlangalanyu, ti labyey-an si ogyatyu. 34Kewayu ta mangan kayu ta awed ikoscheɏyuʼn matagu si allaʼn byali. Achi kayu manchaleg, ti lappun mit laing matoy kan chitaku. Ulay masugatan.” 35Lagamput pun Paul imbyega hachi, langaɏa si tilapay ot lanyaman kan Apudyus si sangwalan cha losan. Ot pilispis-igla ot ilugilaʼn mangan. 36Intullongcha pu hachi, lasegeg cha losan ot langancha. 37Umoy si chuwanggasut ya pitumpuɏu ya olom kami losan un illinggew si bapur. 38Lagamput kami pun langan, imbyellucha wheat si byeybyey ta lumangpaw chi bapur.
Ha Layam-alan Chi Bapur
39Pummadpadcha pun, intap cha marinero chi igid chi byeybyey. Achipuncha mailasin lu silu iliʼn hachi. Ngim intullongchaʼn leglegen chi igidla ot simsimmokchan siya mangipooyancha si bapur, lu makwa. 40Ot pilogsatcha talin litakochen cha kilagan sanguɏ ot tilelancha si byeybyey, ya ilukasancha bo cha taliʼn takod chi chalaibla. Oli pun impangatucha layeb si sangwalan chi bapur ta ipooy chi bidbid chi bapur si teɏanteg.
41Ngim lichongseɏ chi bapur si legen ot lisubsub un ustu sangwalanla ked achipun makagichi. Ngim ha ammutala, silaksakyabyen chi challuyun ot lachosyang.
42Panggop cha susuɏchachuʼn otoyon cha byaɏud ta lappun mangkiyat ya umawid. 43Ngim impalit chi kapitan, ti piolaʼn matagu si Paul. Ot imbilinla kan cha sin-ammun mangkiyat ta lumayugcha si byeybyey ta umulacha umoy si igid. 44Ked cha uchum mitun-udcha un mallakit si tabla willu layam-an un long-eg chi bapur. Ot lichuum kami si teɏanteg un lappun lakwa kan chikami.
Zvasarudzwa nguva ino
Acts 27: HUA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2009, Wycliffe Bible Translators, Inc. in cooperation with Translators Association of the Philippines