Mapisarema 148:1-6

Hareruya! Rumbidzai Jehovha, imi muri kudenga; Murumbidzei panzvimbo dzokumusoro. Murumbidzei imi vatumwa vake vose; Murumbidzei imi hondo dzake dzose. Murumbidzei imi zuva nomwedzi; Murumbidzei imi nyeredzi dzose dzinovhenekera. Murumbidzei imi kudenga kwokudenga-denga, Newe mvura zhinji, iri kumusoro kwokudenga-denga. Ngazvirumbidze zita raJehovha; Nokuti iye akaraira, zvikasikwa. Akazvisimbisawo nokusingaperi-peri; Akatema chirevo chisingafaniri kudarikwa.