Mapisarema 147
147
Rumbidzai Jehovha nokuti ngoni dzake dzinoonekwa pose-pose
1Hareruya!
Nokuti zvakanaka kuti Mwari
wedu aimbirwe nziyo dzokurumbidza;
Zvinofadza, uye kurumbidza kwakafanira.
2Jehovha anovaka Jerusaremu;
Anounganidza vakadzingwa vaIsiraeri.
3Anoporesa vane mwoyo yakaputsika,
Anosunga mavanga avo.
4Anotara kuwanda kwenyeredzi;
Anodzipa dzose mazita adzo.
5Ishe wedu mukuru, anesimba guru;
Njere dzake hadziperi.
6Jehovha anobatsira vanyoro;
Vakaipa anovawisira pasi.
7Imbirai Jehovha muchimuvonga,
Imbirai Mwari wedu nziyo
dzokurumbidza nembira;
8Iye anofukidza denga namakore,
Anogadzirira pasi mvura,
Anomeresa uswa pamakomo.
9Anapa zvipfuwo zvokudya zvazvo,
Navana vamakunguo, anochema.
10Haafadzwi nesimba rebhiza;
Haafariri makumbo omurume.
11Jehovha anofara navanomutya,
Navanotarira ngoni dzake.
12Rumbidza Jehovha, iwe Jerusaremu;
Rumbidza Mwari wako, iwe Zioni.
13Nokuti wakasimbisa mazarira amasuo ako;
Akaropafadza vana vako mukati mako.
14Anoisa rugare panyika yako;
Anokugutisa nezviyo zvakaisvonaka.
15Anotuma mirairo yake panyika;
Shoko rake rinomhanya kwazvo.
16Anopa vanhu chando samakushe amakwai,
Anoparadzira chando samadota.
17Anokanda chimvuramabwe chake sezvimedu;
Ndianiko angamira pachando chake?
18Anotuma shoko rake, ndokuzvinyausa;
Anovhuvhutisa mhepo yake mvura ndokuyerera.
19Anozivisa Jakobho shoko rake,
NaIsiraeri mitemo yake nezvaakatonga.
20Haana kutongoitira rumwe rudzi saizvozvo;
Kana zviri zvaakatonga, havana kuzviziva.
Hareruya!
Zvasarudzwa nguva ino
Mapisarema 147: SNA2002
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Shona Union Version 2002