Dhuteronomi 6:20-24

“Zvino kana mwanakomana wako akakubvunza pashure, achiti, ‘Ko izvi zvipupuriro, nezvakatemwa, nezvakatongwa, zvamakarairwa naJehovha Mwari wedu, zvinodiniko?’ Unofanira kuti kumwanakomana wako, ‘Isu takanga tiri varanda vaFarao, Jehovha akatibudisa paIjipiti nechanza chine simba; Jehovha akaita zviratidzo nezvinoshamisa kwazvo, zvakaipa, paIjipiti, nokuna Farao, nokuimba yake yose, tichizviona; akatibudisapo, kuti atipinze pano, atipe nyika yaakapikira madzibaba edu. Jehovha akaraira kuti tiite izvi zvose zvaakatema, titye Jehovha Mwari wedu, kuti tiitirwe zvakanaka nguva dzose, atichengete tive vapenyu, sezvatakaita nhasi.