Mapisarema 66
66
Rwiyo rwomufaro pamsoro pokukunda.
Kumutuŋgamiriri wokuimba. Rwiyo nePisarema.
1Pururudzai kunaMŋari, imi nyika dzose;
2Imbirai mukurumbira wezita rake;
Rumbidzai kudzo yake.
3Itiyi kunaMŋari: Maɓasa enyu anotyisa sei!
Ʋaʋeŋgi ʋenyu ʋacaɀiisa pasi penyu nemhaka yoʋukuru bgesimba renyu.
4Pasi pose pacanamata kwamuri,
Pacakuimbirai;
Ʋacaimbira zita renyu.
5Ʋuyai, muʋone maɓasa aMŋari;
Unotyisa paneɀaanoitira ʋana ʋaʋanhu.
6Wakashandura guŋgwa rikaʋa nyika yakawoma;
Ʋakayambuka rwizi netsoka;
Ipapo takafara maari.
7Unoɓata ʋushe nokusiŋgaperi nesimba rake;
Meso ake anocerekedza ndudzi;
Ʋanomumukira ŋgaʋarege kuɀikudza.
8Ʋoŋgai Mŋari, imi ʋanhu,
Inzwi rokumurumbidza ŋgarinzwike;
9Iye unopa mŋeya yeɗu ʋupenyu,
Usiŋgatenderi tsoka dzeɗu kuti dzitedzemuke.
10Nokuti imi Mŋari makatiidza;
Makatiidza seɀinoidzwa sirveri.
11Makatipinza pamumbure;
Makatitakudza mutoro unorema paɀiʋuno ɀeɗu.
12Makafambisa ʋanhu pamsoro pemisoro yeɗu;
Takapinda nomumŋoto nemvura;
Asi makatiɓuɗisa kunɀimbo ineɀakawanda.
13Ndicapinda mumba menyu neɀipiriso ɀinopiswa,
Ndicakuitirai mhiko dzaŋgu,
14Dzakarebga nemiromo yaŋgu,
Dzakataurwa nomuromo waŋgu pakutambudzika kwaŋgu.
15Ndicakuɓayirai ɀipiriso ɀinopiswa ɀeɀakakora,
Neɀinonhuwira ɀamakondobge;
Ndicaɓayira nzombe pamŋe cete nembudzi.
16Ʋuyai munzwe, imi mose munotya Mŋari,
Ndicakuɗudzirai ɀaakaitira mŋeya waŋgu.
17Ndakacema kwaari nomuromo waŋgu,
Akarumbidzwa ɀikuru norurimi rwaŋgu.
18Kana ndikaraŋgarira ɀakaipa mumŋoyo maŋgu,
Ishe haaŋgandinzwi;
19Asi ɀirokwaɀo Mŋari wakanzwa;
Wakaterera inzwi rokunyeŋgetera kwaŋgu.
20Mŋari ŋgaaʋoŋgwe,
Iye usina‐kuramba munyeŋgetero waŋgu, kana kubvisa tsitsi yake kwandiri.
Zvasarudzwa nguva ino
Mapisarema 66: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018