Mapisarema 32
32
Mufaro womunhu wakakaŋganwirwa ɀiʋi ɀake.
Pisarema raDavidi. Rwiyo rweMashiri.
1Wakakomborerwa wakakaŋganwirwa kuɗarika kwake, wakafukidzirwa ɀiʋi ɀake.
2Wakakomborerwa munhu usiŋgaʋereŋgerwi ɀakaipa naJehova;
Usino‐kunyeŋgera pamŋeya wake.
3Paŋguʋa yandakaramba ndinyerere, mafupa aŋgu akasakara
Nokuʋuʋura kwaŋgu zuʋa rose.
4Nokuti ruʋoko rwenyu rwakaŋga rucirema pamsoro paŋgu masikati noʋusiku;
Ʋunyoro bgaŋgu bgakashandurwa ʋukaʋa kuwoma kwecirimo.
5Ndakakuziʋisai ciʋi caŋgu, handina‐kuʋanza cakaipa caŋgu;
Ndakati: Ndicaɀireʋurura kuɗarika kwaŋgu kunaJehova;
Imi mukandikaŋganwira kuipa kweciʋi caŋgu.
6Saka ʋose ʋanotya Mŋari ŋgaʋanyeŋgetere kwamuri paŋguʋa yamuŋgawanikwa;
Ɀirokwaɀo kana mvura zhinji icikukura, haiŋgaȿiki kwaari.
7Ndi’mi ciʋando caŋgu; mucandiceŋgeta ndirege kuwira pakutambudzika.
Mucandikomberedza nenziyo dzokurwirwa.
8Ndicakudzidzisa nokukuraira nzira yaunofanira kufamba nayo;
Ndicakupa njere neziso raŋgu, riri pamsoro pako.
9Regai kuʋa sebiza, kana sehesera, ɀisiŋganzwisisi;
Ɀinofanira kufambiswa norwauro netomu pamakashu aɀo,
Haɀiŋgazoɗi kusweɗera kwauri.
10Wakaipa ucaʋa nenjodzi zhinji;
Asi unoʋimba naJehova ucakombga netsitsi.
11Farai munaJehova, mufarisise, imi makarurama;
Pururudzai nomufaro, imi mose makarurama pamŋoyo.
Zvasarudzwa nguva ino
Mapisarema 32: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018