Mapisarema 21:1-13

Mambo ucafara nesimba renyu, Jehova; Ucafarira kuponesa kwenyu ɀikuru sei! Makamupa ɀakaɗikanwa nomŋoyo wake, Hamuna‐kuramba kukumbira kwemiromo yake. Nokuti munomuciŋgura nemikomborero yeɀakanaka; Munodzika korona yendarama yakaiȿo‐naka pamusoro wake. Wakakumbira ʋupenyu kwamuri, mukamupa ibgo; Namazuʋa mazhinji nokusiŋgaperi‐peri. Kurumbidzwa kwake kukuru nokuɗa kwokuponesa kwenyu, Makaisa pamsoro pake kukudzwa noʋumambo. Nokuti munomukomborera ɀikuru nokusiŋgaperi; Munomufadza nomufaro pamberi penyu. Nokuti mambo unoʋimba naJehova, Noʋunyoro bgoWokumsoro‐soro haaŋgazunuŋguswi. Ruʋoko rwenyu rucawana ʋaʋeŋgi ʋenyu ʋose; Ruʋoko rwenyu rworudyi rucawana ʋose ʋanokuʋeŋgai. Mucaʋaita seʋira romŋoto neŋguʋa yokutsamŋa kwenyu. Jehova ucaʋamedza nehasha dzake, Mŋoto ucaʋaparadza. Mucaparadza ɀiɓereko ɀaʋo panyika, Naʋana ʋaʋo pakati paʋana ʋaʋanhu. Nokuti ʋakafuŋga kukuitirai ɀakaipa; Ʋakafuŋga zano rakaipa, asi haʋagoni kuɀiita. Nokuti mucaʋafuratidza, Mucagadzira huŋgiso dzoʋuta bgenyu kuʋafura paɀiso ɀaʋo. Simukai Jehova, nesimba renyu; Naiɀoɀo ticaimba nokukudza cikuriri cenyu.