Jeremia 46
46
Nyika yeEgipita icakundwa namambo weBabironi.
1Shoko raJehova, rakaȿika kumuprofita Jeremia pamsoro pamarudzi.
2Pamsoro peEgipita; pamsoro pehondo yaFarao‐neko mambo weEgipita, yakaŋga iri parwizi Ufratesi paKarkemishi, yakakundwa naNebukadrezari mambo weBabironi negore recinna raJehoiakimi mŋanakomana waJosia, mambo waJuda.
3Gadzirai nhoʋo ɗuku nenhoʋo huru, musweɗere kunorwiwa. 4Suŋgai mabiza, kwirai imi ʋataȿi, mumire makadzika ŋgowani dzenyu; rodzai mapfumo, pfekai ŋguʋo dzamatare. 5Ndakaɀiʋonereiko? Ʋakaŋganiswa, ʋadzokera shure; mhare dzaʋo dzakundwa, dzatiza, hadziceukiri shure, kutya kuri pamatiʋi ose — ndiɀo ɀinotaura Jehova. 6Ʋanomhanyisa ŋgaʋarege kutiza, mhare ŋgadzirege kupukunyuka; kurutiʋi rwokumsoro, parwizi rwaUfratesi, ʋakagumburwa ʋakawira pasi. 7Ndianiko uyo unokwira sorwizi rwaNairi, mvura yarwo inotamba senzizi? 8Egipita rinokwira saNairi, mvura yarwo inotamba senzizi; rinoti: Ndicakwira, ndicafukidza nyika, ndicaparadza maguta naʋagere’mo. 9Kwirai, imi mabiza, fambisai imi ŋgoro, mhare ŋgadziɓuɗe, ʋanoti, Kushi naPuti ʋanoshoŋga nhoʋo, naʋaRudi ʋanoɓata nokuwembura ʋuta. 10Nokuti zuʋa iro izuʋa raShe, Jehova wehondo, zuʋa rokutsiʋa kuti aɀitsiʋire ʋadziʋisi ʋake; munondo ucadya nokuguta, ucanwa ropa raʋo ukaguta, nokuti Ishe, Jehova wehondo, uneciɓayiro cake kunyika yokumsoro parwizi rwaUfratesi. 11Kwira uende Gireadi, undotora’ko muti webarsami, iwe mhandara, mukunda weEgipita; wawanza mishoŋga mizhinji isinamaturo, hauporeswi. 12Marudzi akanzwa ɀokunyadziswa kwako, nyika izere nokucema kwako; nokuti mhare dzakaɓonderana nemhare, ʋose ʋari ʋaʋiri ʋakawira pasi.
13Shoko, rakaʋudzwa muprofita Jeremia naJehova, ricireʋa muʋuyire waNebukadrezari mambo weBabironi nomukundire wake nyika yeEgipita.
14Paridzirai paEgipita, ziʋisai paMigdori, ziʋisai paNofi napaTapanesi, muti: Simukai muɀigadzire, nokuti munondo wakadya ɀiri kumatiʋi ako ose. 15Mhare dzako dzakabviswa neiko? Haʋana‐kumira, nokuti Jehova wakaʋadziŋga. 16Wakagumbusa ʋazhinji, ɀirokwaɀo mumŋe wakawira pamsoro pomumŋe; ʋakati: Simukai, tiende ɀe kuʋanhu ʋeɗu, nokunyika kwatakaɓerekerwa, titize munondo unomanikidza. 17Ʋakaɗanidzira’ko, ʋaciti: Farao mambo weEgipita iguhu ɀaro, wakarega ŋguʋa yakatarwa icipfuʋura. 18Noʋupenyu bgaŋgu — ndiɀo ɀinotaura Mambo, unezita rinonzi Jehova wehondo, — ɀirokwaɀo ucaʋuya akaita seTabori pakati pamakomo, ʋuye seKarmeri paguŋgwa. 19Iwe mukunda unogara Egipita, ɀigadzirire kutapxa, nokuti Nofi ricaitwa ɗoŋgo, ricapiswa, risina‐unogara’mo. 20Egipita imhorombe yakaiȿo‐naka, asi ʋuʋu rinobva kurutiʋi rwokumsoro raȿika, raȿika. 21Naʋanhu ʋaro ʋanoripirwa, ʋari mukati maro, ʋakafanana nemhuru dzomuɗaŋga, nokuti naiʋo ʋakadzoka, ʋakatiza pamŋe cete, haʋana‐kumira; nokuti zuʋa renjodzi yaʋo rakaʋuya pamsoro paʋo, iyo ŋguʋa yokurobga kwaʋo. 22Mubvumo waro ucaʋa sowenyoka, nokuti ʋacafamba nehondo, ʋacandorwa naʋo namatemo, saʋatemi ʋemiti. 23Ʋacatema ɗondo raro — ndiɀo ɀinotaura Jehova — nokuti haʋaŋganɀerwi, nokuti ʋakawanda kupfuʋura mhashu, haʋaŋgaʋereŋgwi. 24Mukunda weEgipita ucanyadziswa, ucaiswa mumaʋoko aʋanhu ʋanobva kurutiʋi rwokumsoro. 25Jehova wehondo, Mŋari waIsraeri, unoti: Tarirai, ndicaroʋa Amoni weNo, naFarao, neEgipita naʋamŋari ʋaro, namadzimambo aro, iye Farao naʋose ʋanoʋimba naye. 26Ndicaʋaisa mumaʋoko aʋanotȿaka kuʋaʋuraya, nomumaʋoko aNebukadrezari mambo weBabironi, nomumaʋoko aʋaranda ʋake; ɀino pashure ricagarwa, sapamazuʋa akare — ndiɀo ɀinotaura Jehova. 27Asi usatya hako, iwe Jakobo, muranda waŋgu, usavunduswa, iwe Israeri; nokuti tarira, ndicakuponesa uri kure, naʋana ʋako ʋari panyika kwaʋakatapirwa; Jakobo ucadzoka, ucanyarara nokuzorora, hakuna‐uŋgamutyisa. 28Usatya hako, iwe Jakobo, muranda waŋgu — ndiɀo ɀinotaura Jehova — nokuti ndinewe; nokuti ndicapedza kwaɀo marudzi ose kwandakakudziŋgira; asi iwe handiŋgakupedzi, asi ndicakuraŋga ndiciita nokururama, handiŋgakuregi usina‐kurobga.
Zvasarudzwa nguva ino
Jeremia 46: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018