Jeremia 4
4
1Ɀanzi naJehova: Kana muciɗa kudzoka, imi Israeri, kana muciɗa kudzokera kwandiri, kana muciɗa kubvisa ɀinonyaŋgadza ɀenyu pamberi paŋgu, hamuŋgafaniri henyu kudzuŋgaira. 2Ipapo mucapika, muciti: NaJehova mupenyu, neɀokwaɗi, neɀakarurama, nokururama; ipapo marudzi acaɀiropafadza maari, nokuɀirumbidza maari.
Kutsamŋa kwaJehova kucaʋuyisa ʋaʋeŋgi.
3Nokuti ɀanzi naJehova kuʋanhu ʋaJuda naʋeJerusarema: Ɀiʋundirei gombo idɀa, musadɀara pakati peminzwa. 4Ɀidziŋgisirei Jehova, mubvise ɀikanda ɀapamberi ɀomŋoyo, imi ʋanhu ʋaJuda naʋagere Jerusarema; kuti kutsamŋa kwaŋgu kukuru kurege kuɓuɗa somŋoto, upise kusinomunhu unogona kuudzimura, nokuɗa kweɀakaipa ɀamakaita. 5Taurai pakati paJuda, muparidze muJerusarema, muti: Ridzai hwamanda panyika, ɗanidzirai, muti: Ʋuŋganai, tindopinda mumaguta akakomberedzwa. 6Simudzirai mureza kurutiʋi rweZioni, tizai, musamira; nokuti ndicaʋuyisa ɀakaipa ɀinobva kurutiʋi rwokumsoro, nokuparadza kukuru. 7Shumba yaɓuɗa icibva muɗenhere rayo, muparadzi wamarudzi waʋa munzira, waɓuɗa panɀimbo yake, kuti aparadze nyika yenyu, maguta enyu aitwe matoŋgo, kusina‐ʋanogara’mo. 8Naiɀoɀo ɀisuŋgei ɀiʋuno ɀenyu namakudza, muceme nokuwuŋgudza; nokuti kutsamŋa kukuru kwaJehova hakuna‐kudzorwa kwatiri. 9Ɀino — ndiɀo ɀinotaura Jehova — nezuʋa iro mŋoyo wamambo ucaʋora, nemŋoyo yamacinda ʋo; ʋaprista ʋacashamiswa naʋaprofita ʋacakanuka. 10Ipapo ndikati: Haiwa, Ishe Jehova, ɀirokwaɀo makanyeŋgera kwaɀo ʋanhu aʋa naʋeJerusarema, ɀamakati: Mucaʋa norugare, nyamba munondo unoɓaya kuȿikira pamŋeya. 11Neŋguʋa iyo ʋanhu aʋa naʋeJerusarema ʋacaʋudzwa, ɀicinzi: Tarirai mhepo inopisa, inobva kuɀikomo ɀisinemiti murenje, inoʋuya kumukunda waʋanhu ʋaŋgu, isiŋgaʋiŋgi kurudza kana kunatsa; 12mhepo inesimba, inobva ikoko, icandiʋuyira; ɀino ndicareʋa ʋo ɀandakatoŋga pamsoro paʋo. 13Tarirai, ucaʋuya samakore, ŋgoro dzake dzicaita secampupuri; mabiza ake anokurumidza kukunda makondo. Tinenhamo, nokuti taparadzwa. 14Haiwa, Jerusarema, suka ɀakaipa ɀiri pamŋoyo wako, kuti uponeswe. Ndaŋgariro dzako dzakaipa dzicagara mukati mako kuȿikira riniko? 15Nokuti inzwi rinotaura ricibva Dani, rinoparidza njodzi ricibva paɀikomo ɀeEfraimi. 16Ʋudzai marudzi iɀoɀo; tarirai, paridzirai Jerusarema, kuti nharirire dzinobva kunyika iri kure, dzinotaurira maguta aJuda ɀakaipa. 17Dzinoʋakomberedza saʋarindi ʋanokomberedza munda, nokuti ʋakandimukira — ndiɀo ɀinotaura Jehova. 18Mufambire wako neɀawakaita ndiɀo ɀakakuʋuyisira ɀinhu iɀi; ndiko kutadza kwako; nokuti ɀinoʋaʋa, nokuti ɀinoȿikira kumŋoyo waŋgu.
19Maiwe! ʋura bgaŋgu, ʋura bgaŋgu! Ndinorwadziwa mumŋoyo maŋgu mumene; mŋoyo waŋgu unoɗeɗera mukati maŋgu, handigoni kunyarara, nokuti wanzwa, iwe mŋeya waŋgu, wanzwa kurira kwehwamanda nemhere‐mhere yokurwa. 20Kunonzi: Kuparadzwa kunoteʋera kuparadzwa; nokuti nyika yose yaitwa ɗoŋgo; matente aŋgu aparadzwa kamŋe‐kamŋe, namaseiri amatente aŋgu pakarepo. 21Ndicaʋona mureza kuȿikira riniko, nokunzwa kurira kwehwamanda? 22Nokuti ʋanhu ʋaŋgu mapenzi, haʋandiziʋi; ʋakaita ʋana ʋamapenzi, ʋasinenjere, ʋakacenjera pakuita ɀakaipa, asi haʋaneziʋo pakuita ɀakanaka.
23Ndakatarira nyika, ndikaiʋona yaparadzwa, isinecinhu; ndikatarira ɗeŋga rose, asi rakaŋga risineciedza. 24Ndakatarira makomo, ndikaʋona aciɗeɗera, neɀikomo ɀose ɀicizunuŋguka. 25Ndakatarira, ndikasaʋona munhu, neshiri dzose dzokuɗeŋga dzakaŋga dzatiza. 26Ndakatarira, ndikaʋona nyika yakaŋga iciɓereka ɀakanaka yashanduka renje, namaguta ayo ose akaŋga akoromoka pamberi paJehova, napamberi pokutsamŋa kwake kukuru. 27Nokuti ɀanzi naJehova: Nyika yose icasiyiwa yaparadzwa, asi handiŋgaipedzi cose. 28Nemhaka iyi nyika icacema, neɗeŋga rose kumsoro ricaȿiɓa; nokuti ndakaɀitaura, ndakafuŋga kuɀiita, handina‐kuɀiɗemba, handiŋgadzoki pacinhu ici. 29Maguta ose anotiza nokuɗa kwomubvumo waʋataȿi ʋamabiza naʋafuri ʋoʋuta; ʋanopinda mumatenhere, ʋanokwira pamatombo; maguta ose akasiyiwa, hakunomunhu unogara’mo. 30Ɀino iwe, kana waparadzwa, ucaiteiko? Kunyaŋge ukafuka muceka mutȿuku, kunyaŋge ukashoŋga ɀishoŋgo ɀendarama, kunyaŋge ukazodza meso ako nomuti mutema, uŋgaɀinatsa pasina; ʋaɗikanwa ʋako ʋanokuɀidza, ʋanotȿaka kukuʋuraya. 31Nokuti ndakanzwa inzwi seromukadzi unosurumuka, serounotambudzika pakupona ɗaŋgwe rake, inzwi romukunda weZioni, unofemedzeka, unotambanudza maʋoko ake, aciti: Ndinenhamo ɀino! nokuti mŋeya waŋgu waziya pamberi paʋaʋurayi ʋaŋgu!
Zvasarudzwa nguva ino
Jeremia 4: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018