Ʋatoŋgi 16
16
Samsoni unonyeŋgerwa naDerira.
1Ɀino Samsoni wakaenda Gaza, akaʋona’po mukadzi waiʋa cifeʋe akapinda kwaari. 2ƲaGaza ʋakaʋudzwa, ɀicinzi: Samsoni waȿika pano. Iʋo ʋakamukomba, ʋakamuʋandira ʋusiku bgose pasuʋo reguta, ʋakaramba ʋanyerere ʋusiku bgose, ʋaciti: Maŋgwana kana kwaedza ticamuʋuraya. 3Samsoni akaʋata kuȿikira pakati poʋusiku, akamuka pakati poʋusiku, akaɓata masasa esuʋo reguta, namatanda aro maʋiri, akaavomora pamŋe cete nomuzariro waro, akaaisa pamafudzi ake, ndokuatakurira kugomo riri pamberi peHebroni.
4Ɀino pashure akaɗa mukadzi wakaŋga agere pamupata weSoreki, wainzi Derira. 5Madzishe aʋaFiristia akakwira kumukadzi, akati kwaari: Munyeŋgetedze, uʋone kunobva simba rake guru, ʋuye kuti tiŋgamukunda sei, kuti timusuŋge timumanikidze; ipapo mumŋe nomumŋe weɗu ucakupa mashekeri#16:5 Mari ineŋge pondo dizinezana namakumi mashanu. esirveri anegumi ramazana nezana rimŋe. 6Ɀino Derira akati kunaSamsoni: Ndiʋudze hako kuti simba rako guru rinobvepi, ʋuye kuti uŋgasuŋgwa neiko, umanikidzwe. 7Samsoni akati kwaari: Kana ʋakandisuŋga namarunda matȿa manomŋe acigere kuwomeswa, ndicashaiwa simba, ndikaʋa somumŋe munhu. 8Ipapo madzishe aʋaFiristia akamuʋigira marunda matȿa manomŋe acigere kuwomeswa, iye akamusuŋga nawo. 9Ɀino wakaŋga anaʋaʋandiri ʋakaŋga ʋakaʋandira muimba yomukati. Akati kwaari: Samsoni, ʋaFiristia ʋaȿika! Iye akaɗambura marunda, seɀinoɗamburwa rwonzi rworucinda kana rwanzwa mŋoto. Naiɀoɀo simba rake harinakuzikanwa. 10Ipapo Derira akati kunaSamsoni: Tarira, wandiɗaɗira, nokundireʋera nhema; ɀino cindiʋudza hako kuti uŋgasuŋgwa nei. 11Akati kwaari: Kana ʋakaŋgondisuŋga haʋo namaɓote matȿa, asina‐kumboɓatisa, ndicashaiwa simba, ndikaʋa somumŋe munhu. 12Ipapo Derira akatora maɓote matȿa, akamusuŋga nawo, akati kwaari: Samsoni, ʋaFiristia ʋaȿika! Ʋaʋandiri ʋakaŋga ʋakaʋandira muimba yomukati. Ipapo akaaɗambura pamaʋoko ake sorucinda. 13Derira akati kunaSamsoni: Kuȿikira ɀino wakaŋga uciŋgondiɗaɗira, ucindireʋera nhema; cindiʋudza hako kuti uŋgasuŋgwa nei. Akati kwaari: Kana ukarukira mhotsi nomŋe dzevudzi romusoro waŋgu pamŋe cete nomuceka unorukwa. 14Iye akarisuŋga nembambo, akati kwaari: Samsoni, ʋaFiristia ʋaȿika! Ipapo akapepuka pahope dzake, akavomora mbambo yeɗanda pamŋe cete nomuceka wakarukwa. 15Iye akati kwaari: Ɀino uŋgataura seiko uciti: Ndinokuɗa, kana mŋoyo wako usiŋganditendi? Ɀino wandiɗaɗira katatu, usiŋgandiʋudzi kuti simba rako guru rinobvepi. 16Ɀino wakati aciŋgomutambudza mazuʋa ose namashoko ake, acimugombedzera, mŋoyo wake ukanetswa kuȿikira pakufa. 17Akamuʋudza nomŋoyo wake wose akati kwaari: Musoro waŋgu hauna‐kutoŋgoʋeʋurwa neciȿo, nokuti ndiri muNaziri waMŋari kubva paɗumbu ramai ʋaŋgu; kana ndikaʋeʋurwa, simba raŋgu ricabva kwandiri, ndiŋgashaiwa simba, ndikaita somumŋe munhu. 18Ɀino Derira wakati aʋona kuti wamuʋudza nomŋoyo wake wose, akatuma munhu kundoɗana madzishe aʋaFiristia, akati: Kwirai henyu ʋuno ŋguʋa ino, nokuti wandiʋudza nomŋoyo wake wose. Ipapo madzishe aʋaFiristia akakwira kwaari, ʋakaʋuya nemari mumaʋoko aʋo. 19Iye akamuʋatisa pamabvi ake, akaɗana munhu kuzoʋeʋura mhotsi nomŋe dzevudzi romusoro wake; akataŋga kumumanikidza; simba rake rikabva kwaari. 20Akati: Samsoni, ʋaFiristia ʋaȿika! Ipapo Samsoni akapepuka pahope dzake, akati: Ndicaɓuɗa ŋguʋa ino ʋo sapanedzimŋe ŋguʋa, ndikaɀisunuŋgura; asi wakaŋga asiŋgaziʋi kuti Jehova wakaŋga abva kwaari. 21Ɀino ʋaFiristia ʋakamuɓata, ʋakamutumbura meso, ʋakaɓuruka naye Gaza, ndokumusuŋga neɀisuŋgo ɀendarira, akakuya mutoroŋgo. 22Asi vudzi romusoro wake rakataŋga kureɓa ɀe shure kwokuʋeʋurwa kwake.
23Ɀino madzishe aʋaFiristia akaʋuŋgana pamŋe cete kuzoɓayira Dagoni mŋari waʋo ciɓayiro cikuru, ndokufara; nokuti ʋakati: Mŋari weɗu wakaisa mumaʋoko eɗu muʋeŋgi weɗu Samsoni. 24Ɀino ʋanhu ʋakati ʋacimuʋona, ʋakarumbidza mŋari waʋo, nokuti ʋakati: Mŋari weɗu wakaisa mumaʋoko eɗu muʋeŋgi weɗu, nomuparadzi wenyika yeɗu, wakaʋuraya ʋazhinji ʋeɗu. 25Ɀino mŋoyo yaʋo yakati yofara, ʋakati: Ciɗanai Samsoni, atitambire. Ʋakandoɗana Samsoni mutoroŋgo, akatamba pamberi paʋo, ʋakamuisa pakati pembiru. 26Ɀino Samsoni akati kumukomana wakaŋga akaɓata ruʋoko rwake: Nditendere kuti ndiɓate mbiru dzakatsigira imba, ndisendamire padziri. 27Ɀino imba yakaŋga izere naʋarume naʋakadzi; namadzishe aʋaFiristia akaŋga ari’mo ose; napamsoro peɗeŋga pakaŋga panaʋarume naʋakadzi ʋaneŋge ɀuru ɀitatu, ʋakaŋga ʋacitarira kutamba kwaSamsoni. 28Ipapo Samsoni akaɗana kunaJehova akati: Ishe Mŋari, ndiraŋgarirei henyu, ndisimbisei henyu ŋguʋa ino ɓedzi, imi Mŋari, nditsiʋirwe meso aŋgu maʋiri kuʋaFiristia. 29Samsoni akaɓata mbiru mbiri dzapakati, dzakaŋga dzakatsigira imba, akadzisunda, imŋe noruʋoko rwake rworudyi neimŋe noruʋoko rwake rworuɓoshwe. 30Ipapo Samsoni akati: Ŋgandife haŋgu pamŋe cete naʋaFiristia. Akakotama nesimba rake rose, imba ikawira pamsoro pamadzishe, napamsoro paʋanhu ʋaiʋa’mo. Naiɀoɀo ʋakafa ʋaakaʋuraya pakufa kwake, ʋakaŋga ʋari ʋazhinji kunaʋakaʋurawa naye aciri mupenyu. 31Ɀino hama dzake, naʋose ʋeimba yaɓaɓa ʋake, ʋakaɓuruka, ʋakamutora, ʋakakwira naye, ndokumuʋiga pakati peZora neEshtaori, pabgiro bgaManoa, ɓaɓa ʋake. Iye wakatoŋga ʋaIsraeri makore anamakumi maʋiri.
Zvasarudzwa nguva ino
Ʋatoŋgi 16: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018