Isaya 63
63
Kutoŋgwa kwamarudzi.
1Ndianiko uyu unobva Edomi, unobva Bozra aneŋguʋo dzakatȿuka kwaɀo? Ndiani uyo wakafuka ɀinobginya, unofamba noʋukuru bgesimba rake? Ndini ndinotaura nokururama, ndinesimba rokuponesa. 2Ko ŋguʋo yenyu yakatȿuka nei? Ɀokufuka ɀenyu ɀakafanana neɀomunhu unotsika muciȿiniro cewaini neiko? 3Ini ndakatsika ciȿiniro cewaini ndoga; kwakaŋga kusinomunhu wamarudzi aʋanhu waiʋa neni; ɀirokwaɀo, ndakaʋatsika pakutsamŋa kwaŋgu, ndakaʋapxanya pahasha dzaŋgu; ropa roʋupenyu bgaʋo rikatsatikira paŋguʋo dzaŋgu, ndikaȿiɓisa ɀokufuka ɀaŋgu ɀose. 4Nokuti ndakafuŋga zuʋa rokutsiʋa mumŋoyo maŋgu; gore raʋakadzikinurwa ʋaŋgu raȿika. 5Ndikatarira, ndikashaiwa unoɓatsira, ndikashamiswa nokuti kwakaŋga kusinaunotsigira; naiɀoɀo ruʋoko rwaŋgu rwakandiʋigira ruponeso, kutsamŋa kwaŋgu ndiko kwakanditsigira. 6Ndikatsika‐tsika marudzi aʋanhu pakutsamŋa kwaŋgu, ndikaʋapeŋgesa neɗoro rokutsamŋa kwaŋgu, ndikaɗurura ropa roʋupenyu bgaʋo pasi.
Ʋanhu ʋaJehova ʋanokumbira kuti ʋanzwirwe nyasha.
7Ndicarumbidza ʋunyoro bgaJehova namaɓasa aJehova anofanira kurumbidzwa, nokuɗa kweɀose ɀatakaitirwa naJehova neɀakanaka ɀizhinji kuimba yaIsraeri, ɀaakaʋaitira nokuɗa kwenyasha dzake, ʋuye nokuɗa kwoʋunyoro bgake. 8Nokuti wakati: Ɀirokwaɀo, ndiʋo ʋanhu ʋaŋgu, ʋana ʋasiŋgazoiti nokunyeŋgera; naiɀoɀo wakaʋa Muponesi waʋo. 9Pakutambudzika kwaʋo kwose naiye ʋo wakaŋga acitambudzika, mutumŋa, wakaʋaziʋisa ciso cake, wakaʋaponesa; wakaʋadzikinura noruɗo rwake netsitsi dzake, akaʋasimudza nokuʋatakura mazuʋa ose akare. 10Asi ʋakamumukira, nokucemedza Mŋeya wake mutȿene; naiɀoɀo wakashanduka, akaʋa muʋeŋgi waʋo, akarwa naʋo amene. 11Ipapo ʋanhu ʋake ʋakaraŋgarira mazuʋa akare, Mosesi naʋanhu ʋake, ʋakati: Uripiko iye wakaʋaɓuɗisa muguŋgwa pamŋe cete nomufudzi weɓoka rake? Uripiko iye wakaisa Mŋeya wake mutȿene pakati paʋo? 12Uripiko iye wakafambisa ruʋoko rwake runokudzwa parutiʋi rwaMosesi, wakaparadzanisa mvura zhinji pamberi paʋo kuti aɀiwanire mukurumbira usiŋgaperi? 13Uripiko iye wakaʋafambisa napakadzika, sebiza murenje, ʋakasagumburwa? 14Mŋeya waJehova wakaʋazorodza, seŋombe dzinoɓurukira kumupata; saiɀoɀo makafambisa ʋanhu ʋenyu, kuti muɀiwanire mukurumbira mukuru‐kuru. 15Tarirai pasi muri kuɗeŋga, muʋone muri paʋugaro bgenyu ʋutȿene ʋunobginya: Kushiŋgaira kwenyu namaɓasa enyu anesimba aripiko? Kushuʋa kwomŋoyo wenyu netsitsi dzenyu ɀadzorwa kwandiri. 16Nokuti muri Ƃaɓa ʋeɗu, kunyaŋge Abrahama asiŋgatiziʋi, naIsraeri asiŋgatiziʋururi; imi Jehova muri Ƃaɓa ʋeɗu; Mudzikinuri weɗu kubva kare nakare, ndiro zita renyu. 17Haiwa, Jehova, munotirega neiko ticitsauka panzira dzenyu, nokuwomesa mŋoyo yeɗu kuti tirege kukutyai? Dzokai nokuɗa kwaʋaranda ʋenyu, iwo marudzi enhaka yenyu. 18Ʋanhu ʋenyu ʋatȿene ʋakaŋga ʋanayo ŋguʋa ɗuku hayo; ʋadziʋisi ʋeɗu ʋakatsika pasi imba yenyu tȿene. 19Isu tafanana naʋasina‐kutoŋgoɓatwa nemi, naʋasina‐kutumidzwa nezita renyu.
Zvasarudzwa nguva ino
Isaya 63: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018