Ezekieri 16
16
Kusaʋoŋga nokusatendeka kweJerusarema.
1Shoko raJehova rakaȿika ɀe kwandiri, riciti: 2Mŋanakomana womunhu, ziʋisa Jerusarema ɀinonyaŋgadza ɀaro. 3uti: Ɀanzi naShe Jehova kuJerusarema: Kwawakabva nokwawakaɓerekwa ndiko kunyika yaʋaKanani; ɓaɓa ʋako ʋakaŋga ʋari muAmori, namai ʋako ʋakaŋga ʋari muHiti. 4Kana kuri kuɓerekwa kwako, pazuʋa rokuɀarwa kwako cikuvu cako hacina‐kugurwa, ʋuye haunakushambidzwa nemvura kuti unake; hauna‐kutoŋgokwizwa nomunyu, kana kuputirwa. 5Hakuneziso rakakunzwira tsitsi, kukuitira cinhu cimŋe ceɀinhu iɀi, nokuʋa neŋgoni newe; asi wakarashirwa kusaŋgo, nokuti ʋakasema ʋupenyu bgako nezuʋa rokuɀarwa kwako. 6Ndakapfuʋura kwauri, ndikakuʋona ucipfakanyika muropa rako, ndikati kwauri uri muropa rako: Rarama! Ɀirokwaɀo, ndakati kwauri uri muropa rako: Rarama! 7Ndakakuita ʋazhinji kwaɀo seɀinomera kusaŋgo, ukawanda nokukura, ukaȿikira paʋukomba bgakaiȿo‐naka; mazamu ako akakura, nevudzi rako rakamera, asi wakaŋga usino‐kufuka, wakashama. 8Ndakapfuʋura kwauri, ndikakutarira, ndikaʋona kuti ŋguʋa yako yakaŋga iri ŋguʋa yoruɗo. Ipapo ndakawarira ŋguʋo yaŋgu pamsoro pako, ndikafukidza kushama kwako; ɀirokwaɀo, ndakakupikira, ndikaita suŋgano newe, iwe ukaʋa waŋgu — ndiɀo ɀinotaura Ishe Jehova. 9Ipapo ndakakushambidza nemvura; ɀirokwaɀo, ndakashambidza ropa rako kwauri, ndikakuzodza namafuta. 10Ndakakufukidza ʋo neɀakarukwa, ndikakupfekedza shaŋgu dzamatebge amatenhe, ndakakusuŋga ciʋuno nomuceka wakaiȿo‐naka, ndikakufukidza nesiriki. 11Ndakakushoŋgedza ʋukomba, ndikaisa ɀishoŋgo ɀamaʋoko paɀanza ɀako, neketani pamutsipa wako. 12Ndikaisa cindori pamhino dzako, neɀishoŋgo ɀenzeʋe panzeʋe dzako, nekorona yakanaka pamusoro wako. 13Wakaɀishoŋgedza nendarama nesirveri, ɀokufuka ɀako ɀakaŋga ɀiri ɀomuceka wakaiȿo‐naka nesiriki neɀakarukwa; wakadya ʋupfu bgakatsetseka noʋuci namafuta; wakaŋga wakanaka kwaɀo, ukapfuʋurira mberi kuȿikira kuʋushe. 14Mbiri yako yokunaka kwako yakapararira pakati pamarudzi, nokuti yakaŋga yakakwana kwaɀo nokuɗa kwoʋumambo bgaŋgu bgandakaŋga ndaisa pamsoro pako — ndiɀo ɀinotaura Ishe Jehova.
15Asi iwe wakaʋimba nokunaka kwako, ukapata nokuɗa kwembiri yako, ukaɗurura kupata kwako kunomumŋe nomumŋe waipfuʋura napo, kukaʋa kwake. 16Wakatora dzimŋe ŋguʋo dzako, ukaɀiitira nɀimbo dzakakwirira, dzakashoŋgedzwa namaʋara mazhinji, ukandopata pamsoro padzo. Ɀinhu ɀakaɗai haɀizaifanira kuʋuya kana kuitika. 17Ɀishoŋgo ɀako ɀakanaka wakaɀitora pandarama yaŋgu nesirveri yaŋgu, ɀandakaŋga ndakupa, ukaɀiitira ɀifananidzo ɀaʋarume, ukapata naɀo; 18ukatora ŋguʋo dzako dzakarukwa, ukaɀifukidza nadzo, ukagadza mafuta aŋgu neɀinonhuwira ɀaŋgu pamberi paɀo. 19Ɀokudya ɀaŋgu ɀandakakupa, ibgo ʋupfu bgakatsetseka namafuta noʋuci ɀandakakupa kuti uɀidye, wakaɀigadza pamberi paɀo, ɀiite bgema ʋunonhuwira; ndiɀo ɀawakaita — ndiɀo ɀinotaura Ishe Jehova. 20Ʋuye ɀe, wakatora ʋanakomana ʋako naʋanasikana ʋako, ʋawakandiɓerekera, ukaɀiɓayira iʋo, kuti ʋadyiwe. Ko kupata kwako cakaŋga ciri cinhu ciɗuku here, 21ɀawakazoʋuraya ʋana ʋangu, ukaɀipa iʋo, kuti uɀipinzire iʋo mumŋoto here? 22Ɀino pakati peɀinonyaŋgadza ɀako ɀose nokupata kwako hauna‐kuraŋgarira mazuʋa oʋuɗuku bgako, paŋguʋa yawakaŋga usino‐kufuka, wakashama, ucipfakanyika muropa rako. 23Ɀino shure kweɀakaipa ɀako ɀose (haiwa, unenhamo, unenhamo — ndiɀo ɀinotaura Ishe Jehova), 24wakaɀiʋakira nɀimbo yokufeʋa nokuɀiitira nɀimbo yakakwirira panzira dzose dzomumusha. 25Wakaʋaka nɀimbo yako yakakwirira pakuʋamba kwenzira imŋe neimŋe, ukashandura kunaka kwako ɀikaʋa ɀinonyaŋgadza, ukafukurira ʋose ʋanopfuʋura tsoka dzako, ukawanza kupata kwako. 26Wakafeʋa ʋo naʋaEgipita, ʋakaŋga ʋagere pedyo newe, ʋanemiʋiri mikuru; ukawanza kupata kwako, kuti unditsamŋise. 27Naiɀoɀo tarira, ndakatambanudzira ruʋoko rwaŋgu pamsoro pako, ndikatapudza ɀokudya ɀako ɀaunodya misi yose, ndikakuisa kunaʋanokuʋeŋga ʋakuitire nokuɗa kwaʋo, iʋo ʋakunda ʋaʋaFiristia ʋakanyadziswa nomufambire wako wakashata. 28Wakapata ʋo naʋaAsiria, nokuti wakaŋga usiŋgagoni kuguta; ɀirokwaɀo, wakapata naʋo, asi hauna‐kuriŋganiswa naɀo. 29Wakawanza ʋo kupata kwako kuȿikira kunyika yaʋashambadziri, iko kuKardea; kunyaŋge ɀakaɗaro hauna‐kuriŋganiswa naɀo. 30Mŋoyo wako unoshaiwa simba sei — ndiɀo ɀinotaura Jehova — ɀaunoita ɀinhu iɀi ɀose, ɀinoitwa necifeʋe cisiŋganyari; 31ɀaunoʋaka nɀimbo yako yokufeʋa pakuʋamba kwenzira imŋe neimŋe, nokuita nɀimbo yako yakakwirira panzira imŋe neimŋe yomumusha; asi hauna‐kuita secifeʋe, ɀawakashoʋora muripo. 32Haiwa! Mukadzi wakawanikwa unofeʋa! Unogamucira ʋatorwa panɀimbo yomurume wake! 33Ɀifeʋe ɀose ɀinopiwa ɀipo, asi iwe unopa ʋaɗikani ʋako ʋose ɀipo, uciʋaripira, kuti ʋaʋuye kwauri ʋacibva kumatiʋi ose nokuɗa kwokupata kwako. 34Iwe wakasiyana naʋamŋe ʋakadzi pakupata kwako, ɀakusina‐unokuteʋera kupata newe; ʋuye ɀaunopa muripo iwe, asi iwe haupiwi muripo, naiɀoɀo wakasiyana naʋamŋe.
35Naiɀoɀo iwe cifeʋe, cinzwa shoko raJehova: 36Ɀanzi naShe Jehova: Ndarira yako ɀayakaɗururwa, nokunyadza kwako ɀakwakafukurwa nokupata kwako naʋaɗikani ʋako, ʋuye nokuɗa kweɀifananidzo ɀose ɀeɀinonyaŋgadza ɀako, neropa raʋana ʋako, rawakaɀipa; 37naiɀoɀo tarira, ndicaʋuŋganidza ʋaɗikani ʋako ʋose, ʋawakafarirana naʋo, naʋose ʋawakaŋga uciɗa, pamŋe cete naʋose ʋawakaŋga uciʋeŋga; ndicakuʋuŋganidzira iʋo ʋacibva kumatiʋi ose, nokuʋafukurira kunyadza kwako, kuti ʋaʋone kunyadza kwako kwose. 38Ndicakutoŋga seɀinotoŋgwa ʋakadzi ʋoʋutere naʋanoteʋura ropa; ndicaʋuyisa pamsoro pako ropa rehasha negoɗo. 39Ndicakuisa ʋo mumaʋoko aʋo; ʋacakoromora nɀimbo yako yokufeʋa, nokuputsa nɀimbo dzako dzakakwirira; ʋacakubvisira ŋguʋo dzako, nokukutorera ɀishoŋgo ɀako ɀakanaka; ʋacakusiya usina‐cokufuka wakashama. 40Ʋacaʋuya ʋo neʋuŋgano kuzorwa newe, iʋo ʋacakutaka namabge nokukubvoʋora neminondo yaʋo. 41Ʋacapisa dzimba dzako nomŋoto, nokukuitira ɀakatoŋgwa pamberi paʋakadzi ʋazhinji; ndicakuregesa kupata kwako, iwe haucazoʋapi muripo. 42Saiɀoɀo ndicazorodza hasha dzaŋgu kwauri, goɗo raŋgu ricabva kwauri; ndicanyarara, ndikasazoʋa nokutsamŋa. 43Ɀausina‐kuraŋgarira mazuʋa oʋuɗuku bgako, asi wakanditsamŋisa neɀinhu iɀi ɀose, naiɀoɀo, tarira, ndicaʋuyisa ɀawakaita pamusoro wako — ndiɀo ɀinotaura Ishe Jehova; hauŋgazoiti ɀakashata iɀoɀo neɀinonyaŋgadza ɀako ɀose.
44Tarira, mumŋe nomumŋe unoɓata neshumo, ucaɓata neshumo iyi pamsoro pako, aciti: Seɀakaita mai, ndiɀo ɀakaita mŋanasikana waʋo. 45Iwe uri mŋanasikana wamai ʋako, ʋanosema murume waʋo naʋana ʋaʋo; iwe uri munuŋuna waʋakoma ʋako, ʋakasema ʋarume ʋaʋo naʋana ʋaʋo; mai ʋako ʋakaŋga ʋari muHiti, naɓaɓa ʋako muAmori. 46Mukoma wako ndiSamaria, unogara kuruɓoshwe rwako, iye naʋanasikana ʋake; munuŋuna wako unogara kurudyi rwako, ndiSodoma naʋanasikana ʋake. 47Asi hauna‐kufamba nenzira dzaʋo, kana kuita ɀinonyaŋgadza ɀaʋo; asi iɀo wakati ɀiɗuku, ukaʋapfuʋura iʋo ʋose nenzira dzako dzakaʋora. 48Noʋupenyu bgaŋgu — ndiɀo ɀinotaura Ishe Jehova — munuŋuna wako Sodoma, iye naʋanasikana ʋake, haʋana‐kuita seɀawakaita iwe naʋanasikana ʋako. 49Tarira, ɀakaipa ɀomunuŋuna wako Sodoma heɀi: Kuɀikudza, ɀokudya ɀakawandisa, nokuzorora kusinehanya necinhu, ndiɀo ɀaakaŋga anaɀo naʋanasikana ʋake; haana‐kusimbisa ruʋoko rwaʋarombo naʋanoshaiwa. 50Ʋakaŋga ʋanamanyawi ʋakaita ɀinonyaŋgadza pamberi paŋgu; saka ndiciɀiʋona ndakaʋabvisa. 51Kunyaŋge neSamaria harina‐kuita hafu yeɀiʋi ɀako; asi iwe wakawanza ɀinonyaŋgadza ɀako kupfuʋura ɀaʋo, ukapembedza ʋanuŋuna ʋako neɀinonyaŋgadza ɀako ɀose ɀawakaita. 52Iwe ciʋa nemhoȿa yeɀinonyadzisa ɀako, ɀawakapembedza ʋanuŋuna ʋako; nokuɗa kweɀiʋi ɀako ɀawakaita ɀinonyaŋgadza kupfuʋura ɀaʋo, iʋo ʋaʋa ʋakarurama kupfuʋura iwe; ɀirokwaɀo, ciȿoɗeswa iwe, uʋe nokunyadziswa kwako, ɀawakapembedza ʋanuŋuna ʋako. 53Ndicadzosa ɀe kutapxa kwaʋo, iko kutapxa kweSodoma naʋanasikana ʋaro, nokutapxa kweSamaria naʋanasikana ʋaro, nokutapxa kwaʋatapxa ʋako ʋari pakati paʋo; 54kuti iwe uʋe nokunyadziswa kwako, unyare pamsoro peɀose ɀawakaita uciʋanyaradza. 55Ʋanuŋuna ʋako Sodoma naʋanasikana ʋake ʋacadzokera kumugariro waʋo wakare, naSamaria naʋanasikana ʋake ʋacadzokera kumugariro waʋo wakare, newe naʋanasikana ʋako mucadzokera kumugariro wenyu wakare. 56Nokuti munuŋuna wako Sodoma haana‐kurebga nomuromo wako nezuʋa rokuɀikudza kwako, 57ɀakashata ɀako ɀisati ɀafukurwa, sapaŋguʋa yokushoʋorwa kwako naʋanasikana ʋeSiria naʋose ʋakaʋapoteredza, ʋanasikana ʋaʋaFiristia, ʋanokuɀidza kumatiʋi ose. 58Unemhoȿa yeɀakashata ɀako neɀinonyaŋgadza ɀako — ndiɀo ɀinotaura Jehova. 59Nokuti ɀanzi naShe Jehova: Ndicakuitira ʋo seɀawakaita iwe, wakashoʋora kupika pakuputsa kwako suŋgano. 60Kunyaŋge ɀakaɗaro ndicaraŋgarira suŋgano yaŋgu yandakaita newe pamazuʋa oʋuɗuku bgako, ndisimbise suŋgano isiŋgaperi newe. 61Ipapo ucaraŋgarira nzira dzako; ucanyara, kana ucigamucira ʋakoma ʋako naʋanuŋuna ʋako; ndicakupa iʋo, ʋaʋe ʋanasikana ʋako, asi haɀiŋgaitwi pamsoro pesuŋgano yako. 62Ndicasimbisa suŋgano yaŋgu newe; ɀino ucaziʋa kuti ndini Jehova; 63kuti uraŋgarire, uȿoɗeswe, urege kuzoshamisa muromo wako ɀe nokuɗa kwokunyara kwako, kana ndakukaŋganwira ɀose ɀawakaita — ndiɀo ɀinotaura Ishe Jehova.
Zvasarudzwa nguva ino
Ezekieri 16: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018