II Samueri 17
17
Mano aAhitoferi anokundwa namano aHushai.
1Ɀino Ahitoferi wakati kunaAbsaromi: Nditenderei ɀino nditsaure ʋarume ʋaneɀuru ɀinegumi neɀiʋiri, ndisimuke, nditeʋerere Davidi ʋusiku bguno; 2ndimuʋambe akaneta, asinesimba, ndimutyise, ʋanhu ʋose ʋaanaʋo ʋatize; ini ndicaʋuraya mambo oga. 3Ipapo ndicadzosera ʋanhu ʋose kwamuri; kana mawana munhu mumŋe wamunotȿaka, ʋanhu ʋose ʋacadzoka; naiɀoɀo ʋanhu ʋose ʋacaʋa norugare. 4Shoko iro rikafadza Absaromi naʋakuru ʋose ʋaIsraeri.
5Ipapo Absaromi akati: Ƌanai Hushai muArki ʋo, tinzwe ɀaanotaura. 6Hushai wakati aȿika kunaAbsaromi, Absaromi akataura naye akati: Ahitoferi wataura ɀokuti neɀokuti; ɀino toita seɀaakataura here? Kana tisiŋgafaniri kuɗaro, taura iwe. 7Hushai akati kunaAbsaromi: Zano ramapiwa ŋguʋa ino naAhitoferi harina‐kunaka. 8Hushai akawedzera, akati: Munoziʋa ɓaɓa ʋenyu naʋanhu ʋaʋo, kuti ʋanhu ʋoʋumhare, ɀino ʋaneshuŋgu pamŋoyo paʋo, seɓere ratorerwa ʋana ʋaro kusaŋgo; ɓaɓa ʋenyu munhu wokurwa, haʋaŋgaʋati naʋanhu. 9Tarirai, ɀino ʋandoʋanda paɓako, kana pamŋe; ɀino kana ʋamŋe ʋakataŋga kuʋurawa, aninani unoɀinzwa ucati: Ʋanhu, ʋanoteʋera Absaromi, ʋoʋurawa. 10Ipapo kunyaŋge munhu wemhare, unomŋoyo wakafanana noweshumba, ucaʋora mŋoyo, nokuti ʋaIsraeri ʋose ʋanoziʋa kuti ɓaɓa ʋenyu imhare, naiʋo ʋaʋanaʋo ʋanhu ʋoʋumhare ʋo. 11Ɀino zano raŋgu ndiro, kuti ʋaIsraeri ʋose ʋaʋuŋganidzwe kwamuri, kubva paDani kuȿikira paBeeri‐sheba, ʋawande sejeca riri paguŋgwa; nemi ʋo muende mumene kuhondo. 12Naiɀoɀo ticamuʋamba paaneŋge aciwanikwa, tigomhara pamsoro pake somumharire weʋeta pasi; hatiŋgasiyi kunyaŋge mumŋe waʋo, kunyaŋge iʋo kunyaŋge ʋanhu ʋaʋanaʋo. 13Ʋuye, kana ʋakapinda muguta, ʋaIsraeri ʋose ʋaŋgaʋuya namaɓote kuguta iro, tirikweʋere murwizi, kuȿikira pacishaikwa kunyaŋge ibge rimŋe ɗuku. 14Ipapo Absaromi naʋarume ʋose ʋaIsraeri ʋakati: Zano raHushai muArki rakanaka kukunda zano raAhitoferi. Nokuti Jehova wakaŋga atema kuti zano rakanaka raAhitoferi rikoneswe, kuti Jehova apinze Absaromi panjodzi.
15Ɀino Hushai akati kunaZadoki nokunaAbiatari ʋaprista: Ahitoferi wakapa Absaromi naʋakuru ʋaIsraeri zano rokuti nerokuti, asi ini ndakaʋapa zano rokuti nerokuti. 16Naiɀoɀo ɀino, tumai munhu pakarepo, aʋudze Davidi, ati: Regai kuʋata ʋusiku bguno kumazambuko erenje, asi munofanira kuyambuka, kuti mambo arege kumedzwa naʋanhu ʋose ʋaanaʋo. 17Ɀino Jonatani naAhimazi ʋakaŋga ʋari paEni‐rogeri, murandakadzi akaenda kundoʋaʋudza; iʋo ʋakandoʋudza mambo Davidi, nokuti haʋazaifanira kuʋonekwa ʋacipinda paguta. 18Asi mumŋe mukomana wakaʋaʋona, akandoʋudza Absaromi; iʋo ʋaʋiri ʋakakurumidza kuenda, ʋakaȿika paimba yomumŋe munhu paBahurimi; iye wakaŋga anetsime paruʋazhe rwake, iʋo ʋakaɓurukira’mo. 19Mukadzi akatora cokufukidzira naco, akaciwarira pamsoro pomuromo wetsime, akanika ɀiyo ɀakaswiwa pamsoro paco; hakunecinhu cakazozikanwa. 20Ɀino ʋaranda ʋaAbsaromi ʋakaȿika kumukadzi kumba, ʋakati: Ahimaazi naJonatani ʋaripiko? Mukadzi akati kwaʋari: Ʋayambuka rukoʋa. Iʋo ʋakaʋatȿaka, ʋakaʋashaiwa, ʋakadzokera Jerusarema. 21Ɀino ʋakati ʋabva, iʋo ʋakaɓuɗa mutsime, ʋakandoʋudza mambo Davidi; ʋakati kunaDavidi: Simukai, mukurumidze kuyambuka mvura, nokuti Ahitoferi wakapa zano rokuti nerokuti pamsoro penyu. 22Davidi akasimuka, naʋanhu ʋose ʋaakaŋga anaʋo, ʋakayambuka Joridani; kwakati kwoedza maŋgwanani, kwakaŋga kusinomumŋe waʋo wakaŋga acigere kuyambuka Joridani. 23Ɀino Ahitoferi wakati aciʋona kuti ʋakaŋga ʋasinehanya nezano rake, akaisa cigaro pamsoro pemboŋgoro yake, akasimuka, akaenda kumba kwake kuguta rake, akaraira ʋose ʋeimba yake, akaɀisuŋgirira, akafa, akaʋigwa mubgiro bgaɓaɓa ʋake.
24Ɀino Davidi akaȿika Mahanaimi. Absaromi akayambuka Joridani, iye naʋarume ʋose ʋaIsraeri, ʋaakaŋga anaʋo. 25Absaromi akagadza Amasa aʋe mutuŋgamiriri wehondo panɀimbo yaJoabi. Amasa wakaŋga ari mŋanakomana womunhu wainzi Jitra muIsraeri, wakaŋga apinda kunaAbigairi, mukunda waNahasi, munuŋuna waZeruya, mai ʋaJoabi. 26ƲaIsraeri naAbsaromi ʋakadzika matente aʋo panyika yeGireadi.
27Ɀino Davidi wakati aciȿika paMahanaimi, Shobi mŋanakomana waNahashi weRaba, waʋana ʋaAmoni, naMakiri mŋanakomana waAmieri weRo‐debari, naBarzirai muGireadi weRogerimi, 28ʋakaʋuya nenhoʋo, nehari, nemidziyo yevu, neɀiyo, nebari, noʋupfu, neɀiyo ɀakakaŋgwa, nenyimo, nenyemba, neɀakakaŋgwa, 29noʋuci, namafuta, namakwai, namapundu omukaka, kuti Davidi naʋanhu ʋose ʋaakaŋga anaʋo ʋadye; nokuti ʋakati: Ʋanhu ʋanenzara, ʋaneta, ʋanenyota murenje.
Zvasarudzwa nguva ino
II Samueri 17: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018