II Samueri 16
16
1Ɀino Davidi wakati apfuʋura musoro wegomo ɀishoma, akaʋona Ziba, muranda waMefibosheti osoŋgana naye, anemboŋgoro mbiri dzakaŋga dzatakudzwa ɀiŋgwa ɀinamazana maʋiri, namasumbu amazambiriŋga akawomeswa anezana, nemicero yezhezha inezana, nehomo yewaini. 2Mambo akati kunaZiba: Unoɗiniko neɀiɀi? Ziba akati: Mboŋgoro ndinopa ʋeimba yamambo kuti ʋataȿe; ɀiŋgwa nemicero yezhezha ndiɀo ɀokudya ɀamajaya, newaini kuti ʋanoziya murenje ʋanwe. 3Mambo akati: Mŋanakomana washe wako uripiko? Ziba akati kunamambo: Tarirai, wakasara Jerusarema, nokuti wakati: Nhasi imba yaIsraeri ʋacandidzosera ʋushe bgaɓaɓa ʋaŋgu. 4Ipapo mambo akati kunaZiba: Tarira, ɀose ɀaMefibosheti ndeɀako. Ziba akati: Ndinokotamira pasi; ndinzwirei nyasha, ishe waŋgu mambo.
5Ɀino mambo Davidi wakati aȿika paBahurimi, mumŋe munhu weimba yaSauro, wainzi Shimei, mŋanakomana waGera, akaɓuɗa’po; 6akaɓuɗa, akafamba aciŋgotuka, akaposhera Davidi namabge, naʋaranda ʋose ʋamambo Davidi; ɀino ʋanhu ʋose naʋarume ʋose ʋesimba ʋakaŋga ʋari kurudyi rwake nokuruɓoshwe rwake. 7Shimei akatuka, akati: Cibva, cibva, iwe munhu weropa, iwe munhu wakaiȿo‐ipa; 8Jehova wakadzosera pamsoro pako ropa rose reimba yaSauro, wawakaŋga wakaɓata ʋushe panɀimbo yake. Jehova wakapa ʋushe muruʋoko rwaAbsaromi mŋanakomana wako; tarira, waɓatwa neɀakaipa ɀako, nokuti uri munhu weropa. 9Ipapo Abishai mŋanakomana waZeruya akati kunamambo: Imbga iyi yakafa iŋgatuka seiko ishe waŋgu mambo? Nditenderei henyu ndiyambukire mhiri, ndimugure musoro. 10Mambo akati: Ndinemhoȿa yeiko nemi, imi ʋana ʋaZeruya; ŋgaatuke hake, kana Jehova aciŋge ati kwaari: Tuka Davidi, ndianiko uŋgati: Waitireiko kuɗai? 11Davidi akati kunaAbishai, nokuʋaranda ʋake ʋose: Tarirai, iye mŋanakomana waŋgu wandakaɓereka, unotȿaka kundiʋuraya; ndoɗa ɀino muBenjamini uyu! Muregei, ŋgaatuke hake, nokuti Jehova wakamuraira. 12Ɀimŋe Jehova ucaʋona ɀakaipa ɀandakaitirwa, ɀimŋe Jehova ucandiitira ɀakanaka pamsoro pokundituka kwake nhasi. 13Naiɀoɀo Davidi naʋanhu ʋake ʋakaramba ʋacifamba haʋo nenzira, Shimei akaramba acifamba nomujiŋga megomo pakatarisana naDavidi, akafamba aciŋgotuka nokumuposhera namabge, nokumupfumburira guruʋa. 14Mambo naʋanhu ʋose ʋakaŋga ʋanaye ʋakaȿika ʋaneta, ʋakazorora’po.
15Absaromi naʋanhu ʋose, iʋo ʋarume ʋaIsraeri, ʋakaȿika Jerusarema, Ahitoferi anaye ʋo. 16Ɀino Hushai muArki, shamŋari yaDavidi, wakati aȿika kunaAbsaromi, Hushai akati kunaAbsaromi: Mambo ŋgaararame, mambo ŋgaararame! 17Absaromi akati kunaHushai: Ndiɀo ɀakanaka ɀaunoitira shamŋari yako? Wakaregereiko kuenda neshamŋari yako? 18Hushai akati kunaAbsaromi: Kwete, asi iye wakatsaurwa naJehova ʋuye naʋanhu aʋa, ʋuye naʋarume ʋose ʋaIsraeri, ndiye wandicaʋa wake, ndiye wandicagara naye. 19Ʋuye ndiŋgafanira kushumiraniko? Handifaniri kushumira mŋanakomana wake here? Seɀandakashumira ɓaɓa ʋenyu, ndicakushumirai ʋo imi saiɀoɀo. 20Ipapo Absaromi akati kunaAhitoferi: Tipei zano rako, tinofanira kuiteiko? 21Ahitoferi akati kunaAbsaromi: Pindai kuʋaroŋgo ʋaɓaɓa ʋenyu ʋaʋakasiya, kuti ʋaceŋgete imba; ipapo ʋaIsraeri ʋose ʋacanzwa kuti mosemŋa naɓaɓa ʋenyu; ipapo maʋoko aʋose ʋamunaʋo acasimbiswa. 22Naiɀoɀo ʋakadzikira Absaromi tente pamsoro peimba, Absaromi akapinda kuʋaroŋgo ʋaɓaɓa ʋake ʋaIsraeri ʋose ʋaciɀiʋona. 23Ɀino mano aAhitoferi aakapa mazuʋa iwayo, akaŋga akaita samashoko akabvunzwa kunaMŋari; ndiɀo ɀakaŋga ɀakaita mano aAhitoferi aakapa Davidi naAbsaromi ʋose.
Zvasarudzwa nguva ino
II Samueri 16: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018