II Samueri 14
14
Absaromi unodzokera Jerusarema.
1Ɀino Joabi mŋanakomana waZeruya, wakaʋona kuti mŋoyo wamambo wakaŋga uciɗa Absaromi. 2Joabi akatumira Tekoa, akatora’ko mukadzi wakaŋga akaŋgwara, akati kwaari: Uɀiite hako somucemi, ufuke ŋguʋo dzokucema, usaɀizora mafuta, asi uɀiite somukadzi wakaŋguʋa acema wakafa; 3ɀino upinde kunamambo, utaure naye ɀokuti neɀokuti. Naiɀoɀo Joabi akaisa mashoko mumuromo make. 4Ɀino mukadzi weTekoa wakati acitaura namambo, akawira pasi neciso cake, akakotama, akati: Ndiɓatsirei, mambo waŋgu! 5Mambo akati kwaari: Unonzweiko? Akapindura, akati: Ɀirokwaɀo, ndiri cirikadzi, murume waŋgu wakafa. 6Murandakadzi wenyu wakaŋga anaʋanakomana ʋaʋiri, iʋo ʋaʋiri ʋakarwa kusaŋgo; kwakaŋga kusinomunhu wakaʋanunura, mumŋe akaroʋa mumŋe, akamuʋuraya. 7Ɀino tarirai, imba yose yamukira murandakadzi wenyu, ʋakati: Tipei uyo wakaʋuraya munuŋuna wake, timuʋuraye pamsoro poʋupenyu bgomunuŋuna wake waakaʋuraya, tiʋuraye nomudyi wenhaka ʋo; naiɀoɀo ʋacadzima zimbe raŋgu rakasara, ʋakasasiyira murume waŋgu zita kana mumŋe wakasara panyika. 8Mambo akati kumukadzi: Enda hako kumba kwako, ndicaraira shoko pamsoro pako. 9Mukadzi weTekoa akati kunamambo: Ishe waŋgu mambo, mhoȿa ŋgaiʋe kwandiri nokuimba yaɓaɓa ʋaŋgu, asi mambo necigaro cake coʋushe ŋgaɀirege kuʋa nemhoȿa. 10Mambo akati: Aninani unotaura cinhu kwauri, ʋuya naye kwandiri, haaŋgazokugunɀi ɀe. 11Ipapo iye akati: Mambo ŋgaaraŋgarire Jehova Mŋari wenyu, kuti mutsiʋi weropa arege kuramba aciparadza, ʋarege kuzoparadza mŋanakomana waŋgu. Iye akati: NaJehova mupenyu, ruvudzi rumŋe rwomŋanakomana wako haruŋgawiri pasi. 12Ɀino mukadzi akati: Murandakadzi wenyu ŋgaatenderwe hake kutaura shoko rimŋe kunashe waŋgu mambo. Iye akati: Taura hako. 13Mukadzi akati: Ɀino makaraŋgarireiko kuitira ʋanhu ʋaIsraeri cinhu cakaɗai? Nokuti pakutaura kwenyu shoko rakaɗai, mambo wafanana nomunhu unemhoȿa, nokuti mambo haadzoseri ɀe kumusha kwake mŋanakomana wake waakadziŋga. 14Nokuti tinofanira kufa, takafanana nemvura yakateʋurirwa pasi, isiŋgagoni kuworerwa ɀe; Mŋari haatoreri munhu ʋupenyu, asi unofuŋga mano kuti wakadziŋgwa arege kurashwa cose naye. 15Naiɀoɀo ɀino, ndaʋuya ini kuzotaura shoko iri kunashe waŋgu mambo, nokuti ʋanhu ʋakandityisa; murandakadzi wenyu akati: Ndicataura ɀino namambo; ɀimŋe mambo ucatenda ɀinokumbirwa nomurandakadzi wake. 16Nokuti mambo ucaterera hake, akarwira murandakadzi wake paruʋoko rwomunhu unoɗa kundiparadza ini pamŋe cete nomŋanakomana waŋgu, tirege kudya nhaka yaMŋari. 17Ɀino murandakadzi wenyu akati: Ndinokumbira kuti shoko rashe waŋgu mambo riʋe rokunyaradza; nokuti ishe waŋgu mambo wakafanana nomutumŋa waMŋari pakuziʋa ɀakanaka neɀakaipa; Jehova Mŋari wenyu ŋgaaʋe nemi. 18Ipapo mambo akapindura, akati kumukadzi: Usandiȿisira hako shoko randinokubvunza. Mukadzi akati: Ishe waŋgu ŋgaataure hake ɀino. 19Mambo akati: Joabi wakaɓatsirana newe paɀinhu iɀi ɀose here? Mukadzi akapindura, akati: Noʋupenyu bgomŋeya waŋgu, ishe waŋgu mambo, hakunomunhu uŋgatsauka kurudyi kana kuruɓoshwe pashoko rimŋe rakataurwa nashe waŋgu mambo; nokuti muranda wenyu Joabi ndiye wakandiraira, ndiye wakaisa mashoko awa ose mumuromo womurandakadzi wenyu. 20Muranda wenyu Joabi wakandiraira kushandura shoko iri kuɗai; asi ishe waŋgu wakaŋgwara, nokuŋgwara kwakafanana nokwomutumŋa waMŋari, nokuti munoziʋa ɀose ɀiri panyika. 21Ipapo mambo akati kunaJoabi: Tarira ɀino, ndatenda haŋgu cinhu ici; naiɀoɀo cienda undotora jaya Absaromi. 22Joabi akawira pasi neciso cake, akakotama, akaʋoŋga mambo. Joabi akati: Nhasi muranda wenyu unoziʋa kuti ndanzwirwa nyasha nemi, ishe waŋgu mambo; nokuti mambo wakaita ɀakumbirwa nomuranda wake. 23Naiɀoɀo Joabi akasimuka, akaenda Geshuri, akadzosera Absaromi Jerusarema. 24Mambo akati: Ŋgaatsaukire kumba kwake, asi ŋgaarege kuʋona ciso caŋgu. Naiɀoɀo Absaromi akatsaukira kumba kwake, akasaʋona ciso camambo.
25Ɀino pakati paʋaIsraeri ʋose kwakaŋga kusinomunhu wairumbidzwa kwaɀo saAbsaromi pamsoro pokunaka kwake; kubva patsoka dzake kuȿikira kumusoro wake kwakaŋga kusinecinhu cakaremara kwaari. 26Ŋguʋa yaaigurira vudzi rake, (ɀino wairigurira pakupera kwegore rimŋe nerimŋe, nokuti ʋudzi rake raimuremera, naiɀoɀo wairigurira), waiyera vudzi romusoro wake, rikaȿika mashekeri anamazana maʋiri,#14:26 Ɀimŋe mapaundi matatu kana manna. acienzanisa neciyero camambo. 27Absaromi akaɓerekerwa ʋanakomana ʋatatu nomŋanasikana mumŋe, wainzi Tamari; iye waiʋa mukadzi wakaŋga aneciso cakanaka.
28Ɀino Absaromi akagara makore maʋiri paJerusarema asiŋgaʋoni ciso camambo. 29Ipapo Absaromi akaɗana Joabi, kuti amutumire kunamambo; asi wakaramba kuʋuya kwaari; akatuma ɀe rwecipiri, asi wakaramba ɀe kuʋuya. 30Ɀino akati kuʋaranda ʋake: Tarirai munda waJoabi uri pedyo nowaŋgu, ʋuye unebari’po; endai mundoupisa. Ʋaranda ʋaAbsaromi ʋakandopisa munda. 31Joabi akasimuka, akaenda kunaAbsaromi kumba kwake, akati kwaari: Ʋaranda ʋako ʋapisireiko munda waŋgu? 32Absaromi akapindura Joabi, akati: Tarira, ndakatuma shoko kwauri, ndiciti: Ʋuya pano, ndikutume kunamambo, undoti: Ndakabvireiko Geshuri? Ɀaiʋa ɀirinani kuti ndiʋe’po naɀino; naiɀoɀo ɀino nditendere ndiʋone ciso camambo; kana ndinemhoȿa, ŋgaandiʋuraye hake. 33Naiɀoɀo Joabi akaenda kunamambo, akamuʋudza; iʋo ʋakaɗana Absaromi, akaȿika kunamambo, akakotamira pasi neciso cake pamberi pamambo, mambo akaȿeta Absaromi.
Zvasarudzwa nguva ino
II Samueri 14: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018