II Samueri 12:19-25

Asi Davidi wakati aciʋona kuti ʋaranda ʋake ʋanoita zeʋe‐zeʋe, Davidi akaziʋa kuti mŋana wafa; Davidi akati kuʋaranda ʋake: Mŋana wafa here? Iʋo ʋakati: Wafa. Ipapo Davidi akasimuka pasi, akashamba, akazora mafuta, akafuka dzimŋe ŋguʋo, akapinda mumba maJehova, akanamata; ipapo akaenda kumba kwake, akakumbira ɀokudya, ʋakamupa, akadya. Ipapo ʋaranda ʋake ʋakati kwaari: Ndokuɗiniko? Aciri mupenyu makaɀinyima ɀokudya, mukacema mŋana, asi ɀino mŋana wakati afa, mukasimuka mukadya ɀokudya. Iye akati: Mŋana aciri mupenyu ndakaɀinyima ɀokudya, ndikacema, nokuti ndakati: Ndianiko uŋgaziʋa, ɀimŋe Mŋari uŋgandinzwira tsitsi, mŋana akararama hake? Asi ɀino wafa hake, ndicaɀinyimireiko ɀokudya? Ndiŋgamudzosa ɀe here? Ini ndicaenda kwaari, asi iye haaŋgadzokeri kwandiri. Davidi akanyaradza mukadzi wake Bati‐sheba, akapinda kwaari, akaʋata naye, iye akaɓereka mŋanakomana, akamutumidza zita rinonzi Soromoni. Iye akaɗikanwa naJehova. Jehova akatuma shoko nomuromo waNatani muprofita, akamutumidza zita rinonzi Jedidia, nokuɗa kwaJehova.

Zvemahara. Hurongwa neZviverengwa zveKuzvipira maringe neII Samueri 12:19-25