2 ƲaKorinte 4:1-12

Saka, ɀatinako kushumira uku, patakanzwirwa ŋgoni napo, hatineti; asi takaramba ɀinhu ɀakaʋanzika ɀinonyadza, tisiŋgafambi nokunyeŋgera, tisiŋgashatisi shoko raMŋari; asi pakuratidza kweɗu ɀokwaɗi, tinoɀitendisa kuhana dzaʋanhu ʋose pamberi paMŋari. Ɀino kana Evaŋgeri yeɗu yakafukidzwa, yakafukidzwa kunaʋanorashika; kunaʋasiŋgatendi ʋakapofumadzirwa ndaŋgariro namŋari wenyika ino, kuti ʋarege kuvenekerwa neciedza ceEvaŋgeri yokubginya kwaKristu, uri mufananidzo waMŋari. Nokuti hatiɀiparidzi isu, asi Kristu Jesu kuti ndiye Ishe; nesu kuti tiri ʋaranda ʋenyu nokuɗa kwaJesu Nokuti Mŋari, wakareʋa kuti ciedza ciɓuɗe parima, ndiye wakavenekera mumŋoyo yeɗu, kuti atipe ciedza cokuziʋa kubginya kwaMŋari kunoʋonekwa paciso caJesu Kristu. Asi fuma iyi tinayo mumidziyo yevu, kuti ʋukuru bgesimba bguʋe bgaMŋari, bgurege kuʋa bgeɗu. tinotambudzika pamatiʋi ose, asi hatimanikidzwi; tinokaŋganiswa, asi hatina‐kurasha mŋoyo; tinotambudzwa, asi hatinakusiyiwa; takawisirwa pasi, asi hatinakuparadzwa; tinoramba ticitakura ŋguʋa dzose mumuʋiri weɗu kufa kwaJesu, kuti noʋupenyu ʋo bgaJesu bguratidzwe mumuʋiri weɗu. Nokuti isu ʋapenyu tinogara ticiŋgoiswa pakufa nokuɗa kwaJesu, kuti noʋupenyu ʋo bgaJesu bguratidzwe munyama yeɗu inofa. Saiɀoɀo kufa kunoɓata matiri, asi ʋupenyu mamuri.