I Samueri 31
31
ƲaIsraeri ʋanokundwa paGirboa. Kufa kwaSauro.
1Ɀino ʋaFiristia ʋakarwa naʋaIsraeri; ʋarume ʋaIsraeri ʋakatiza pamberi paʋaFiristia, ʋakawira pasi ʋaʋurawa pagomo reGirboa. 2ƲaFiristia ʋakateʋerera Sauro naʋanakomana ʋake kwaɀo, ʋaFiristia ʋakaʋuraya Jonatani, naAbinadabi, naMarki‐shua, ʋanakomana ʋaSauro. 3Sauro akakurirwa kwaɀo pakurwa; ʋafuri ʋoʋuta ʋakamuɓata, akatambudzika kwaɀo nokuɗa kwaʋafuri ʋoʋuta. 4Ipapo Sauro akati kunowaiɓata nhumbi dzake dzokurwa nadzo: Vomora munondo wako, undiɓaye nawo, kuti aʋa ʋasina‐kudziŋgiswa ʋarege kuȿika ʋandiɓaye, nokundiɗaɗira. Asi muɓati wenhumbi dzake dzokurwa nadzo wakaramba, nokuti wakaŋga acitya kwaɀo. Naiɀoɀo Sauro akatora munondo wake, akaɀiwisira pauri. 5Ɀino muɓati wenhumbi dzake dzokurwa nadzo wakati aciʋona kuti Sauro wafa, naiye akaɀiwisira pamunondo wake ʋo, akafa pamŋe cete naye. 6Naiɀoɀo Sauro akafa, pamŋe cete naʋanakomana ʋake ʋatatu, nomuɓati wenhumbi dzake dzokurwa nadzo, naʋanhu ʋake ʋose nomusi iwoyo. 7Ɀino ʋanhu ʋaIsraeri, ʋakaŋga ʋari mhiri kwomupata, naʋakaŋga ʋari mhiri kwaJoridani, ʋakati ʋaciʋona kuti ʋanhu ʋaIsraeri ʋatiza, ʋuye kuti Sauro naʋanakomana ʋake ʋakaŋga ʋafa ʋo, ʋakabva pamaguta, ʋakatiza; ʋaFiristia ʋakaȿika, ʋakagara’mo.
8Ɀino fume maŋgwana ʋaFiristia ʋakati ʋaciʋuya kuzokunuŋgura ʋakaʋurawa, ʋakawana Sauro naʋanakomana ʋake ʋatatu ʋafa pagomo reGirboa. 9Ʋakagura musoro wake, nokukunuŋgura nhumbi dzake dzokurwa nadzo, ʋakatuma nhume kumatiʋi ose enyika yaʋaFiristia, kundoziʋisa mashoko iwayo kuimba yeɀifananidzo ɀaʋo, nokuʋanhu. 10Ʋakaisa nhumbi dzake dzokurwa nadzo muimba yaAshtaroti, ʋakasuŋgira citunha cake pamadziro eBeti‐shani. 11Ɀino ʋakaŋga ʋagere Jabeshi‐Gireadi ʋakati ʋacinzwa ɀakaŋga ɀaitirwa Sauro naʋaFiristia, 12mhare dzose dzikasimuka, dzikafamba ʋusiku bgose, dzikatora citunha caSauro neɀitunha ɀaʋanakomana ʋake pamadziro eBeti‐shani, ʋakaenda Jabeshi ʋakaɀipisa’po. 13Ʋakatora mafupa aʋo, ʋakaaʋiga pasi pomuti womutamariski paJabeshi, ʋakaɀinyima ɀokudya mazuʋa manomŋe.
Zvasarudzwa nguva ino
I Samueri 31: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018