I Madzimambo 1
1
Soromoni unoteʋera ɓaɓa ʋake Davidi paʋushe.
1Ɀino mambo Davidi wakaŋga akwegura, aʋa namakore mazhinji; ʋakamufukidza namacira, asi haana‐kudziyirwa. 2Naiɀoɀo ʋaranda ʋake ʋakati kwaari: Ishe waŋgu mambo ŋgaatȿakirwe mhandara, iye amire pamberi pamambo, aʋaceŋgete, aʋate pacifuʋa cenyu, kuti ishe waŋgu mambo ʋadziyirwe. 3Ipapo ʋakatȿaka musikana wakanaka panyika yose yaIsraeri, ʋakawana Abishagi muShunami, ʋakamuisa kunamambo. 4Uyu musikana wakaŋga akanaka kwaɀo, akaceŋgeta mambo, akamushandira, asi mambo haana‐kupinda kwaari. 5Ɀino Adonia mŋanakomana waHagiti wakaɀikudza, akati: Ini ndicaʋa mambo; akaɀigadzirira ŋgoro naʋataȿi ʋamabiza, naʋarume ʋanamakumi mashanu kuzomhanya pamberi pake. 6Asi ɓaɓa ʋake ʋakaŋga ʋasina‐kutoŋgomuraira paʋupenyu bgake bgose, ʋaciti: Unoitireiko kuɗaro? Wakaŋga ari murume wakanaka kwaɀo pamuʋiri wake; wakaŋga aciteʋera Absaromi pakuɀarwa kwake. 7Akaraŋgana naJoabi, mŋanakomana waZeruya, naAbiatari muprista, iʋo ʋakateʋera Adonia, ʋakamuɓatsira. 8Asi Zadoki muprista, naBenaya mŋanakomana waJehoyada, naNatani muprofita, naShimei, naRei, nemhare dzakaŋga dzinaDavidi, haʋana‐kuteʋera Adonia. 9Adonia akaɓaya makwai nenzombe, nemhuru dzakakora, pabge reZohereti, raiʋa paEni‐rogeri, akaɗana hama dzake dzose iʋo ʋanakomana ʋamambo, naʋarume ʋose ʋaJuda, ʋaranda ʋamambo; 10asi haana‐kuɗana Natani muprofita, naBenaya, nemhare, naSoromoni munuŋuna wake. 11Ipapo Natani akataura naBati‐sheba mai ʋaSoromoni, akati: Hauna‐kunzwa here kuti Adonia mŋanakomana waHagiti, woɓata ʋushe, asi Davidi ishe weɗu haaɀiziʋi? 12Naiɀoɀo ɀino ʋuya ndikupe zano, kuti urwire ʋupenyu bgako, noʋupenyu bgomŋanakomana wako Soromoni. 13Enda upinde kunamambo Davidi, uti kwaari: Ishe waŋgu mambo, hamunakupikira murandakadzi wenyu here, mukati: Ɀirokwaɀo, Soromoni mŋanakomana wako, ndiye ucanditeʋera paʋushe, iye ucagara pacigaro caŋgu coʋushe? Ɀino Adonia unoɓatireiko ʋushe? 14Ɀino tarira, iwe uciri pakutaura namambo, ini ndicapinda ʋo shure kwako, ndicisimbisa mashoko ako. 15Bati‐sheba akapinda kunamambo mumba; ɀino mambo wakaŋga akwegura kwaɀo, Abishagi muShunemi waishandira mambo. 16Ipapo Bati‐sheba akakotama, akanamata kunamambo. Mambo akati: Unoreʋeiko? 17Iye akati kwaari: Ishe waŋgu, imi makapikira murandakadzi wenyu naJehova Mŋari wenyu, mukati: Ɀirokwaɀo, Soromoni mŋanakomana wako ndiye ucanditeʋera paʋushe, ndiye ucagara pacigaro caŋgu coʋushe. 18Asi ɀino tarirai, Adonia woɓata ʋushe; asi imi ishe waŋgu mambo, hamuɀiziʋi. 19Iye waɓaya nzombe, nemhuru dzakakora, namakwai mazhinji, akaɗana ʋanakomana ʋose ʋamambo, naAbiatari muprista, naJoabi mukuru wehondo, asi haana‐kuɗana Soromoni muranda wenyu. 20Ɀino ishe waŋgu mambo, meso aʋaIsraeri ʋose anotarira kwamuri, kuti muʋaʋudze kuti ndianiko unofanira kukuteʋerai pakugara pacigaro coʋushe cashe waŋgu mambo. 21Kana musiŋgaɗaro, kana ishe waŋgu mambo aʋata namadziɓaɓa ake, ini nomŋanakomana waŋgu Soromoni ticaidzwa ʋatadzi. 22Ɀino wakati acataura namambo, Natani muprofita akapinda ʋo. 23Ʋakaʋudza mambo, ʋakati: Natani muprofita waȿika. Iye wakati apinda pamberi pamambo, akakotamira pasi neciso cake pamberi pamambo. 24Ɀino Natani akati: Ishe waŋgu, mambo, makareʋa here kuti Adonia ucakuteʋerai pakuɓata ʋushe, ucagara pacigaro cenyu coʋushe here? 25Nokuti waɓuruka nhasi, akaɓaya nzombe nemhuru dzakakora, namakwai mazhinji, akaɗana ʋanakomana ʋose ʋamambo, naʋakuru ʋehondo, naAbiatari muprista; tarirai, ʋodya nokunwa pamberi pake, ʋaciti: Mambo Adonia ŋgaararame! 26Asi ini muranda wenyu, naZadoki muprista, naBenaya mŋanakomana waJehoyada, nomuranda wenyu Soromoni, haana‐kutiɗana. 27Cinhu ici cinoitwa nashe waŋgu mambo here, mukasaziʋisa ʋaranda ʋenyu kuti ndianiko unofanira kukuteʋerai pakugara pacigaro coʋushe cashe waŋgu mambo? 28Ipapo mambo Davidi akapindura, akati: Ndiɗanirei Bati‐sheba. Iye akapinda kunamambo, akamira pamberi pamambo. 29Ɀino mambo akapika, akati: NaJehova mupenyu, iye wakadzikinura ʋupenyu bgaŋgu panjodzi dzose, 30ɀirokwaɀo, seɀandakakupikira naJehova Mŋari waIsraeri, ndiciti: Ɀirokwaɀo, Soromoni mŋanakomana wako ucanditeʋera paʋushe, ucagara pacigaro caŋgu coʋushe panɀimbo yaŋgu; ɀirokwaɀo ndicaɀiita nhasi. 31Ipapo Bati‐sheba akakotamira pasi neciso cake, akafugamira mambo, akati: Ishe waŋgu mambo Davidi ŋgaararame nokusiŋgaperi. 32Mambo Davidi akati: Ndiɗanirei Zadoki muprista, naNatani muprofita, naBenaya mŋanakomana waJehoyada. Iʋo ʋakapinda kunamambo. 33Mambo akati kwaʋari: Endai naʋaranda ʋashe wenyu, mutaȿise Soromoni mŋanakomana waŋgu pahesera raŋgu, mumuɓurusire Gihoni; 34Zadoki muprista naNatani muprofita ʋamuzodze ipapo, aʋe mambo waIsraeri; muridze hwamanda, muciti: Mambo Soromoni ŋgaararame. 35Ɀino mukwire mucimuteʋera, iye aʋuye kuzogara pacigaro coʋushe, nokuti ucaʋa mambo panɀimbo yaŋgu; ini ndakaraira kuti aʋe mucinda waIsraeri nowaJuda. 36Ipapo Benaya mŋanakomana waJehoyada, akapindura mambo, akati: Ameni! Jehova, Mŋari washe waŋgu mambo, unoɗaro ʋo. 37Jehova seɀaaiʋa nashe waŋgu mambo, saiɀoɀo ʋo ŋgaaʋe naSoromoni, akurise cigaro cake coʋushe, cipfuʋure cigaro coʋushe cashe waŋgu mambo Davidi. 38Ipapo Zadoki muprista, naNatani muprofita, naBenaya mŋanakomana waJehoyada, naʋaKereti naʋaPereti ʋakaɓuruka, ʋakataȿisa Soromoni pahesera ramambo Davidi, ʋakamuisa Gihoni. 39Ɀino Zadoki muprista akatora gonaŋombe ramafuta paTente akazodza Soromoni. Ʋakaridza hwamanda, ʋanhu ʋose ʋakati: Mambo Soromoni ŋgaararame! 40Ɀino ʋanhu ʋose ʋakakwira, ʋakamuteʋera; ʋanhu ʋakaridza nyere, ʋakafara nomufaro mukuru; naiɀoɀo nyika ikawuŋga nenzwi radzo. 41Ɀino Adonia naʋose ʋakaŋga ʋakokwa naye, ʋakaɀinzwa, ʋapedza kudya. Ipapo Joabi wakati acinzwa inzwi rehwamanda, akati: Mhere‐mhere iyi inoitirweiko muguta, ɀaranyoŋganiswa? 42Wakati acataura, Jonatani mŋanakomana waAbiatari muprista, akaȿika; Adonia akati kwaari: Pinda, nokuti uri munhu wakatendeka, unoʋuya namashoko akanaka. 43Ipapo Jonatani akapindura, akati kunaAdonia: Ɀirokwaɀo ishe weɗu mambo Davidi wakagadza Soromoni paʋushe. 44Ʋuye mambo wakatuma Zadoki muprista, naNatani muprofita, naBenaya mŋanakomana waJehoyada, naʋaKereti naʋaPereti, ʋakamutaȿisa pahesera ramambo; 45ʋuye Zadoki muprista, naNatani muprofita ʋakamuzodza paGihoni kuti aʋe mambo; ʋakabva ipapo, ʋakakwira nomufaro, naiɀoɀo guta rinowuŋga. Ndiyo mhere‐mhere yamanzwa. 46Ɀino Soromoni wogara pacigaro coʋushe. 47Ʋuye ʋo, ʋaranda ʋamambo ʋakaenda kuzokudza ishe weɗu mambo Davidi, ʋaciti: Mŋari ŋgaakurise zita raSoromoni, ripfuʋure zita renyu, akurise cigaro cake, cipfuʋure cigaro cenyu coʋushe; mambo akakotama panhoʋo dzake. 48Ʋuye ɀe mambo wakataura akati: Jehova Mŋari waIsraeri ŋgaakudzwe, wakagadza mumŋe nhasi kuti agare pacigaro caŋgu coʋushe, meso aŋgu aciɀiʋona. 49Ɀino ʋose ʋakaŋga ʋakakokwa naAdonia ʋakatya, ʋakasimuka, mumŋe nomumŋe akaenda hake. 50Adonia akatya nokuɗa kwaSoromoni, akasimuka, akandoɓata nyaŋga dzeartari. 51Ɀino Soromoni akaʋudzwa, ɀicinzi: Tarirai, Adonia unotya mambo Soromoni, nokuti wandoɓata nyaŋga dzeartari, akati: Mambo Soromoni ŋgaandipikire nhasi, kuti haaŋgaʋurayi muranda wake nomunondo. 52Ipapo Soromoni akati: Kana akazoʋa munhu kwaye, ruvudzi rwake kunyaŋge rumŋe haruŋgawiri pasi; asi kana ɀakaipa ɀikawanikwa maari, ucafa. 53Naiɀoɀo mambo Soromoni akatuma ʋanhu, ʋakandomubvisa paartari. Akaʋuya, akanamata kunamambo Soromoni. Soromoni akati kwaari: Enda kumba kwako.
Zvasarudzwa nguva ino
I Madzimambo 1: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018