Mavhesi emuBhaibheri Ane Mukurumbira kubva kuna Muparidzi 3

Pakurirana nevamwe

Chinhu chimwe nechimwe chine nguva yacho, uye basa rimwe nerimwe rine nguva yaro pasi pedenga

nguva yokuberekwa nenguva yokufa, nguva yokusima nenguva yokudzura; nguva yokuuraya nenguva yokuporesa, nguva yokuputsa nenguva yokuvaka

nguva yokuchema nenguva yokuseka, nguva yokuungudza nenguva yokudzana; nguva yokurasa mabwe nenguva yokuaunganidza pamwe chete, nguva yokumbundikira nenguva yokurega

nguva yokubvarura nenguva yokusona, nguva yokunyarara nenguva yokutaura; nguva yokuda nenguva yokuvenga, nguva yehondo nenguva yorugare.

nguva yokutsvaka nenguva yokurega zvirasike, nguva yokuchengeta nenguva yokurasa

Ndinoziva kuti zvose zvinoitwa naMwari zvichagara nokusingaperi; hapana chingawedzerwa pazviri uye hapana chingabviswa pazviri. Mwari anozviita kuti vanhu vamukudze.

Ndakafunga mumwoyo mangu ndikati, “Mwari achatonga vose vakarurama nevakaipa, nokuti pachava nenguva yebasa rimwe nerimwe.”