Mavhesi emuBhaibheri Ane Mukurumbira kubva kuna Jeremiya 8

Pakurirana nevamwe

Ko imo muGireadhi hamunawo pfuta here? Hamuna here murapi imomo? Zvino seiko urwere, hwavanhu vangu ava husina kurapwa?

Unofanira kuvataurira kuti, zvanzi naTenzi, “Vanhu pavanoputsika, havasumukezve here? Ko kana munhu atsauka mugwara haadzokezve here?

“Inga wani kunyange shuramurove zvaro mudenga umu, rinoziva nguva yaro uye njiva kana mherepere kunyange nhapata dzinochengetedza nguva yadzo yokuuya wani. Asi vanhu vangu havamboziva zvavo murao waTenzi.

Ndakarerekera nzeve ndichiteerera, asi hapana chakanaka chakabuda mumuromo mavo. Hakuna anopfidza uipi hwake achidemba achiti, ‘Ndicho chii ichochi chandakaita.’ Munhu wose yangova njakenjake sezvinongoita bhiza kumhanya kwazvo richipinda muhondo.

“Vangwaru vachanyadziswa, vachapazamiswa musoro nazvo vachibva vabatwa. Hezvika, vakaramba shoko raTenzi; zvino ungwaru hwavanahwo ndohupi?