Iromayon 3
3
1Itelekarit kereka Eyudayat kinyo? Arai anyoin bo ajokis naka akepio? 2#Rom 9:4; Ikis 4:7,8; Sab 147:19,20; 103:7; 1 Pet 4:11. Itelekarit noi kaŋolipone. Nasodit, naarai isiŋadikinitai Iyudayan akiro nuka Edeke. 3#Rom 9:6; 11:29; 2 Tim 2:13. Anyoika bo arai ice kakesi araas lumere lumunon? Amamus amunonutukec itapalauni tope amunonut naka Edeke? 4#Sab 51:4; 116:11. Madi akuj! Korai Edeke lokabeit, ŋinituŋanan da ikeŋalan, kwape iwadikatere ebe,
“Tetere itojokio araut loedolit kakirokon,
Ipikori da kotoma atubokiniokon.”
5Konye arai amamus adolitewok iticasi adolit naka Edeke, kenera anu? Ebe Mam Edeke erai loedolit aitican oni kanyunyura? (Enera kopone loka etuŋanan.) 6Madi akuj! Kanuka ŋun ikonakini ai Edeke etubokini akwapin? 7Konye arai kanuka aiŋalaka iyatanakini abeit naka Edeke aitodiar akeibuses, kanukinyo eriŋa katubokinitere eoŋ kwape ekadiakanaran? 8#Rom 6:1,2. Ido kanukinyo mam kibalar ebe, “Keswamata nukaronok tetere epote nukajokak”? kwape kisabanakiniata icetuŋa sio ebe kinera isio kwaŋin, Edolit atubokiniokec.
9 #
Rom 1:18–2:24. Biai bo do? Kijokuka oni aitelekarit ice? Mam cut, nepepec da; naarai kidau aosan Iyudayan ka Iyonanin da kere ebe eyait adiakanar kes, 10#Sab 14:1-3; 53:1-3. kwape iwadikatere ebe:
“Emamei ikadoliton, karaida idiopet;
11Emamei yenejenuni, emamei da yenemoot Edeke. 12Apaasi kere, emamei kes kere ajokis;
Emamei yeniswamai nuejok, emamei karaida idiopet.”
13 #
Sab 5:9; 140:3. “Elogorotokec ŋes ailit naeŋaara;
Ijodijodete kaŋajepakec,
Eiai aisorit naka emusaga kwap kaŋajepakec.”
14 #
Sab 10:7. “Ileleba aitukekec elamit ka adwaris.”
15 #
Isa 59:7-8. “Erurukito akejenekec abukor aokot,
16Ejai amudiar ka aburun orotinikec,
17Mam apotu kojenut erot loka ainapakin.”
18 #
Sab 36:1. “Emamei ayoŋit Edeke kakonyenekec.”
19 #
Rom 2:12; Gal 3:22. Aso kijeni ebe akiro kere nuelimito ikisila, inerasi mama ejaas ŋul lueyaito ikisila, tetere itubutario ŋiniituk, akwap kere da kojau otube loka Edeke. 20#Sab 143:2; Gal 2:16; Rom 7:7. Kanuka ŋun emamei yenejai akuan yenitojokio araut yenedolit kakonyeneke kanuka aswamisio nuka ikisila, naarai kanuka ikisila ŋes ejenunor adiakar.
21 #
Asw 10:43; Rom 1:17. Konye kwana edeleleu adolit naka Edeke komameete ikisila, itejenunitai kokisila ka inabin da, 22#Gal 2:16. ŋes adolit naka Edeke naejai kanuka aiyuun Yesu Kristo, mama ejaas kere luiyuunito. Naarai emamei atiaketait; 23#Rom 9:19; 5:2. naarai adiakasi kere, komam edolokinito aibuses naka Edeke, 24#Rom 5:1; Pes 2:8. akesianut naeinakini atitai ŋes itojokit kes araut luedolito, kanuka alakunio naejai toma Kristo Yesu, 25#Leb 16:12-15; Bur 4:16; Pes 1:7. loibwaikinit Edeke araut aitupucet kanuka aiyuun akeokot, tetere itodikini akedolit kanuka ajalakin adiakanareta nukolo nueŋirikinit Edeke; 26kosodi kitodik adoliteke kapak kana, tetere eraun loedolit ka loitojoki da ŋin yeniyuuni Yesu araut loedolit.
27 #
1 Kor 1:9,31. Aso ai bo ejai aolobobot? Agolor kiŋa, Kanuka ikisila inyoika tope?
Luka aswamisio? Mam cut, konye kanuka ikisila luka aiyuun. 28#Gal 2:16. Naarai kitogogoŋit ebe itojokio ituŋanan araut yenedolit kanuka aiyuun, komameete aswamisio nuka ikisila. 29#Rom 10:12. Erai kereka Edeke loka Iyudayan bon? Mam kereka erai loka Imo da? Eebo, loka Imo da, 30#Ikis 6:4; Gal 3:20; Rom 4:11,12. naarai erai Edeke ediopet; loitojoki luekepitai kotoma aiyuun, ka lumam ekepitai da kanuka aiyuun ŋipeŋin. 31#Rom 4:3; 8:4; Mat 5:17. Aso kitapalauni kereka ikisila kanuka aiyuun ŋin? Madi akuj! Konye kiticasi ikisila.
Currently Selected:
Iromayon 3: AOV1961
Označeno
Deli
Kopiraj
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.