Iromayon 4
4
1Aso kinera anyoika nuka Aburaam papaakosi kwape ejaar akuan? 2Naarai arai kitojokitai Aburaam kanuka aswamisioke, ejai naeolobobaa, konye mere kakonyen nuka Edeke. 3#Age 15:6; Gal 3:6; Yak 2:23. Naarai inerasi biai nuiwadikatai? Ebe, “Abu Aburaam kiyu Edeke, kimarakinai ŋes araun adolit.” 4#Rom 11:6; Mat 20:7,14. Konye mama ejai ekeswaman, mam ekeropit imarakinio kanuka asianut, dimarai iburao. 5Kwabo mama ejai yenimam iswamai, konye iyuuni ŋol loitojoki luetumaaka, imarakinio akeiyuun araun adolit. 6#Sab 32:1,2. Kwape inerar Daudi ebe isirereŋitoi ituŋanan yenimarakinit Edeke araun ikadoliton komameete aswamisio; 7#Sab 32:1-2. Ebe, “Isirereŋitoi luisionio aronisio, ka luerapitai da adiakanareta; 8Isirereŋitoi etuŋanan lomam Ejakait imarakinit adiakar.”
9 #
Age 15:6. Aso ca isirereŋitoi ŋol loekepitai arai bo ŋol lomam ekepitai da? Naarai kinera ebe, Kimarakinai aiyuun naka Aburaam araun adolit. 10Kimarakinio biai? Kedaun aikep, arai bo eroko kekepa? Mere kedaun aikep, dimarai eroko ekepa, 11#Age 17:10,11. Abu ŋesi kodum akepio araun aanyunet arai nakaipucakinet naka adolit naka akeiyuun eroko ekepa, tetere eraun papa loka lukeyuunak kere karaida mam ekepitai, tetere imarakinio kes adolit. 12#Mat 3:9; 1 Pet 2:21; 2 Kor 12:18. Eraun da papa loka akepio mere mama ejaas ŋul luekepitai bon, konye mama ejaas ŋul da luetupito ikukut luka aiyuun naka papaakosi Aburaam nakejaatar eriŋa ekepa.
13 #
Age 17:4-6; 22:17-18; Gal 3:29. Naarai aisumunet ŋin mama ejai Aburaam ka aurike da ebe eraun ekeruman loka akwapin, mam kebuni kokisila, dimarai kanuka adolit naka aiyuun, 14#Gal 3:18. Naarai arai luka ikisila kes ikerumak, eraun aiyuun atitai, aisumunet da itapalaunio. 15#Rom 3:20; 5:13; 7:8,10. Naarai eyaŋaunete ikisila anyunyura, konye naemameatar ikisila emamei apaar.
16 #
Gal 3:7. Kanuka ŋun ebuni aisumunet kotoma aiyuun, tetere egoŋakina aisumunet asianut, kitogogoŋoi da mama ejai aur kere, mere mama ejaas ŋul luka ikisila bon, dimarai mama ejaas ŋul luka aiyuun naka Aburaam, (loerai papaawok kere, 17#Age 17:5; Isa 48:13. kwape iwadikatere ebe, “Kadakaki jo araun papa loka atekerin nuipu,”) kakonyen nuka Edeke loiyuunit ŋesi, loeinakini lukatwak aijar, loenyarauni da iboro luemameete bala luejaas. 18#Age 15:5. Kemamei amun abu kiyuu kotoma amun, tetere eraun papa loka atekerin nuipu; kwape kelimokinere ebe, “Kwape kwaŋin ejaun akoniwur.” 19#Age 17:17. Mam abu akeiyuun kononokiar, naaomitor ejautene loka akuanake naketwanit, nakeraar loka ikar bala akwatat, ka akoik da naka Sara nakerakakinit, 20#Bur 11:7,11,34. konye mam abu kobuonokin kanuka aisumunet naka Edeke kamamus aiyuun, dimarai kogogoŋor kaiyuun, kitopoloo Edeke, 21kojeni cut ebe epedori Edeke aswam nuisumunit. 22#Age 15:6. Kanuka ŋun, “kimarakinai ŋes adolit.” 23#Rom 15:4. Konye mam kiwadikatai kanukeŋ bon ebe, “Kimarakinai ŋes”, 24#1 Pet 1:21. dimarai kanuwok da, Kiponio aimarakin oni da lukiyuunit ŋol lokitajaruni Yesu Ejakaitiwok kokatwak, 25#Isa 53:4-5; 1 Kor 15:17. lokeinakinio kanuka aibucanaretawok, kitajarunai da aitojok oni araun luedolito.
Currently Selected:
Iromayon 4: AOV1961
Označeno
Deli
Kopiraj
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.