Aswamisio 21
21
1Kosodi kanen nakidaunia atwarakin, kekwaŋaros kiderit kadoloto Kos, apaaran da naatupakini kadoloto Rodo, kanyout kanen kadolo Patara. 2Kadumutu ataker naekoto aikwaŋar kiton Poenike, kadokasi, kekwaŋaros. 3Nakianyunia Kupuro kipou kenyeisi ŋes kakan nakokediany, kediata kiton Suria, kadokutu koTuro; naarai nen kekotor ataker alemario iboro lueleleba. 4#Asw 11:12; 20:23. Kiidau amoun ikesisiak, kasalakis nen apaarasia akanykaarei. Kolimokis kesi Paul kanuka Emoyo ebe sirikedoka Yerusalem. 5#Asw 20:36. Kosodi kedaunos apaarasiakosi kanen, kanyoutu kasodokinete; apotu ituŋa kere, nepepe kaŋorokec ka idwekec kinyamakis sio kiton kiŋa naka ere; kakukokinos oitolima kelipa kasodete katwarakinos. 6Kadokas isio ataker, koboŋosi do kesi orekec.
7Kasodete nakidaunia alositekosi anyoun koTuro, kadoloto Pitolomai; keyogata iinacan kasalata mamakec apaaran adiopet. 8#Asw 6:5; 8:5,40. Tupuruc kanyoutu kadoloto Kaisarea; kalomasi togo loka Pilipo ekalimonokinan, lokerai ediopet kokanykaarei, kasalata mamake. 9#Asw 2:17. Kejaas ŋol apesur aoŋon abekon, nukeraas akadwarak. 10#Asw 11:28. Nakisalitor nen apaarasia nuipu, kodoku enabi ekekiror Agabo anyoun koYudaya. 11#Asw 20:23. Nakedolunio mamakosi kolem amuny naka Paul, koen elopet akekeje ka akekanin, kotema atiar, “Ebala Emoyo Lokalaunan kwanata ebe, Kwape kwaŋin eeniata Iyudayan luko Yerusalem elopet amuny na, ijaikinete da akanin nuka Imo.” 12#Mat 16:22. Nakiiraria ŋun, isio ka ituŋa luka aibois kaŋin, keŋaiŋaata ŋes sirikedoka Yerusalem. 13#Asw 20:24. Kosodi Koboŋok Paul ebe, “Anyoika iswamaete yesi, aimony ka aibil ekatau? Naarai akapakina mere aenio bon, konye atwanare da kotoma Yerusalem, kanuka ekiror loka Ejakait Yesu.” 14#Mat 26:39; Yok 21:18. Nakegirio akosiiŋaiŋa, kapalutu do kabalas ebe, “Nuekoto Ejakait kiswamai.”
15Akaulo kapaarasia kaŋun, ketemokisi ikosiboro kadokasi kiton Yerusalem. 16Kouparos ice kokesisiak luko Kaisarea kasio, koyaŋaasi sio ore loka Menason loko Kupuro, ekesisian lokolo sek, lokipejoi mamakeŋ.
17Nakidolio Yerusalem kisukunyikis iinacan sio kaiyalama. 18#Asw 15:13; Gal 1:19. Kapaaran naatupakini koloma Paul nepepe kasio mama ka Yakob; kojaas da imakio kere. 19Akaulo kayogan kes, kitatam kisudunyite akiro kere nukiswamai Edeke kama ka Imo kotoma aijaanakinike. 20#Asw 15:1. Nakiirariata, kituroto Edeke. Kotemasi ŋes atiar, “Onacekosi, iany kwape imwaatar ilukumin luka Iyudayan luiyuunito, irumit kes kere ekokote kanuka ikisila, 21#Asw 16:3; Rom 10:4. elimonokinitai kes nukon ebe isisianakini Iyudayan kere luejaas Omo ainyein Musa, ilimonokini kes ebe sirikekepata ikecedwe karaida atupit iponesio. 22Aso ikwaikinio bo do ai? Abeit epupunete ebe ibu ijo. 23#Mar 6:13-21. Aso kiswama nukilimokini jo, Ejaas sio ikiliok iwoŋon lueenit aiyaposit; 24#Asw 18:18. koyaŋa ituŋa lu, kitalaun nepepe kakes, kotacak kes tetere ebarenete akwesikec. Kojenut ituŋa kere ebe akiro kwa nukelimonokinitai kanukon mam ebeito, konye jo elopet iricit aitodol ikisila. 25#Asw 15:20,29. Konye kanuka Imo luiyuunito, kipou kewadikata ebalua katubito ebe kinaca kesi iboro lueinakinio aputosia araut asuban, ka aokot, ka itiaŋ luemiedio, ka adoteu.” 26#Mar 6:1-20; 1 Kor 9:20. Kosodi Paul ayaŋaar ikiliok ŋul, kitalaun elopet nepepe kakes apaaran naatupakini, koloma oyekalu, aitejenun apak naitodolikinere apaarasia nuka aitesegaario naeinakinere asubanit kanuka ŋolidiopet kakesi.
27Keapuut apaarasia akanykaarei aŋetakin, koanyut lyudayan lukepote koAsia ŋes koyekalu, kisidikoto ekodet kere, kikamutu ŋes, 28#Asw 6:13; Esk 44:7. kocelut ebe, “Yes ikiliok luka Isirael, kiŋarakinai sio! Lo ŋes etuŋanan loisisianakini ituŋa kere kaiboisio kere asurokin atekerewok ka ikisila ka aibois na da; ido da ayau ŋesi Iyonanin toma oyekalu, amunaa aibois na nakalaunan.” 29#Asw 20:4; 2 Tim 4:20. Naarai keanyunitos Toropimo Epesot nepepe kaŋes kore, koomitos da ebe ayau Paul ŋes toma oyekalu. 30Kosodi kibwaa ere kere, kokerut ituŋa; kikamutu Paul kibwosasi kiŋa keyekalu, atipet kogolokinoi ikekia. 31Nakemoototor epone loaret, kodolokis akiro ekapolon loka erioŋet ebe enyalinyalun Yerusalem kere. 32Atipet kolem iserikalei ka ikapolokitokokec, koker mamakec; kosodete nakeanyuniata ekapolon ka iserikalei kinyeis aibuŋa Paul. 33#Asw 21:11; 20:23. Kosodi koapik ekapolon kikam ŋes, kicorak aenio kirikoi iarei, Kiŋit ebe, “Iŋai bo lo?” ido ebe, “Anyoika eswama?” 34Kocelas ice kokodet ace, ka ice da ace; namam kepedoria ajenun akiro kanuka ecelet, kicorak ayaŋaario ore loka iserikalei. 35Nakedolio adoketa kodakasi ŋes iserikalei kanuka agogoŋ naka ekodet; 36#Asw 22:22; Luk 23:18. naarai ketupit ekodet loka ituŋa luipu, ecelasi, kobalas ebe, “Kicutasi ŋes!”
37Konye napedwar kes aitolomar ŋes orekec, kiŋit Paul ekapolon ebe, “Ibus kereka eoŋ alimokin jo akirot?” Kobala ŋesi ebe, “Ijeni tope ijo Ayonanin? 38#Asw 5:36,37. Mere kereka ijo Emisiriat je, loitonyounit pac ituŋa ilukumin iwoŋon lukenyaritai Ikaarak, kiŋarenik amodiŋ?” 39#Asw 9:11. Koboŋok Paul ebe, “Arai eoŋ Eyudayat, loko Taruso kotoma Kilikia, lokore lomere loedit; keŋaiŋait, kisiikinai kener kituŋa kalu.” 40Kisiik ŋes, kosodi kobwo Paul kadoketa, kokwet ituŋa; kojau aililiŋ tiiti, kiner kakes kaŋajep nAburaniat, ebe:
Currently Selected:
Aswamisio 21: AOV1961
Označeno
Deli
Kopiraj
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.