Aswamisio 20
20
1Kinapakin ailoŋiloŋa, konyarau Paul ikesisiak, kicor, kotwar kes, konyou kolot Makedonia, 2Nakedaunia aitor atutubeta ŋun, ka aitalakar kakiro nuipu, kodol Yonan. 3Kosalak nen ilapio iuni, ido nakineruniata Iyudayan asurokin ŋes edwar aikwaŋar alosit Suria, kopeleik aboŋor korot loko Makedonia. 4#Asw 17:10; 19:29; Rom 16:21. Kouparos kituŋa kalu, Sopater loka Beroea, okoku loka Puro, ka Arisitariko ka Sekundo Isesalonikan; ka Gaio loka Derube, ka Timoteo; ka Tukiko ka Toropimo luko Asia. 5#Asw 16:8. Konye keliŋara ituŋa ŋul, kidareut sio koTiroa, 6kekwaŋaros isio anyoun koPilipi akaulo kapaarasia nuka imugatin lumam itubuunitoi, kadolokis kes koTiroa kalosit naka apaarasia akany; kasalakis nen apaarasia akanykaarei.
7 #
1 Kor 16:2; Asw 2:42,46. Kapaaran nasodit nakasabato, nakiriamunor tetere kibili emugati, kiner Paul kakes, apele alosit apaaran naatupakini; kiyatak einerike kiton kidiŋebai. 8Kojaas atalai nuipu kagola nakokuju kama kitukokina. 9Iboie etelepat ekekiror Eutuko kadirisa; kilurutu noi ajo; kiyatakinit Paul noi alimonokin, kipikosi ajo, kibiror kwap kagola nakiwuniet, kodakunai etwanit. 10#1 Ika 17:21. Konye kodoka Paul kokukum kamake, kotun, kobala ebe, “Sirikiyaloŋoŋoto; naarai eroko ŋesi ejari.” 11Kodoka bobo kuju, kobil emugati, konyam, kiyatak einer kakes apak naepol, kiton tupuruc, kosodi kolot. 12Koyaut etelepat ejari, kolakara alakara naepol.
13Konye sio kaliŋa alosit ataker, kekwaŋaros kiton Assos, kamunos aitodokun Paul ataker kaŋina; naarai kitemokinit ŋesi kwaŋin, komuno ŋes; aitorit neeonit, 14Nakiriamunor Assos, ketodokutu ŋes ataker, kasodete kadoloto Mitulene, 15Kekwaŋaros anyoun kaŋina kadolo apaaran nakiareit aibois naetereikina ka Kios; apaaran da naatupakini kabwoutu koSamos, ka naatupakini ŋin kadoloto Mileto. 16#Asw 18:21. Naarai abu Paul kitojokite ainac Epeso tetere mam itumor kotoma Asia; naarai kemarani arai epedori adolore Yerusalem eroko apaaran naka Pentekote edolo,
17Nakejaar Mileto kiyakik anyaraun imakio luka ekanisa koEpeso, 18#Asw 18:19; 19:10. Nakedolunioto mamakeŋ, kotema kes atiar,
“Ijenete yesi kwape keboienenoo kayes apak kere ageun kapaaran kanasodit naadolio Asia, 19#Asw 20:3. ejaanakinenei Ejakait kaitasono kere, ka akiyo, ka acoduneta nukadoikinete kobotei luka Iyudayan, 20mam abu kenac alimonokin yes akirot kere naeyaun aiokis, kesisianakinenei yes kaitebeikin, ido kaŋolitog, 21etejenuni lyudayan ka Iyonanin da nuka aitoronikin mama ejai Edeke ka aiyuun da Ejakaitiwok Yesu Kristo, 22#Asw 19:21. Aso kwana, koany, alosi Yerusalem, kaenitai komoyo, mam ajeni akiro nukadoikinete kaŋina, 23#Asw 9:16; 21:4,11. dimarai ketejenuni Emoyo Lokalaunan kaŋolire ebe kedareto aeneta ka areio. 24#2 Tim 4:7; Asw 21:13. Konye mam apodo akaijar araun naketiai kamakaŋ, dimikito kaŋetak akaigerosit ka aijaanakin nakadumuni kama ejai Ejakait Yesu, aitejenun Akiro Nukajokak nuka asianut naka Edeke. 25Aso kwana, koany, ajeni eoŋ ebe yes kere lukerimorit alimonokin ajakanut naka Edeke mam bobo ianyunete akakonyen, 26#Asw 18:6. Kanuka ŋun ketejenuni yes lolo ebe mam akusiwokot kabeikinete eoŋ, 27naarai mam abu kenac alimonokin yes ainerun kere naka Edeke. 28#Sab 74:2; 1 Tim 4:16; 1 Pet 5:2. Kocoito yesi, ka esipan da kere loadakaki Emoyo Lokalaunan yes araut ikaanyanarak, tetere icokiete ekanisa loka Edeke, lokikurauni kakeokot elopet. 29#Mat 7:15; 10:16; Yok 10:12. Ajeni ebe kanyou eoŋ epote ipeen luededeŋ mamakus, mam itimete esipan; 30#1 Yok 2:19; Gal 4:17. bobo da enyounete kotomakus ikiliok luineras nuitapaarete airiar ikesisiak atupar kes. 31#Mk 13:35,37; 1 Ses 2:11. Asokokwenyete, kiitunitos ebe ikar iuni mam abu kenyek aicor ŋinituŋanan paaran ka kuar kakiyo. 32#Ikis 33:3. Kwana da ketitiŋ yes Edeke, ka akirot naka akesianut naepedori aiduk yes ka ainakin da airumet nepepe kaŋul kere luitalaunitai. 33#Mat 10:8; 1 Kor 9:12; 1 Sam 12:3. Mam abu kemiela epuesa karaida esabu karaida inapen luka ituŋanan. 34#Asw 18:3; 1 Kor 4:12; 1 Ses 2:9. Ijenete yesi ebe akakanin nu apotu kiswamata nukeipudika, ka loka ŋul kalukija nepepe keoŋ. 35Kotoma akiro kere ketodik yes ebe kaitaaritoi naikoni nen ibusakinit aiŋarakin luekalanyaka, kaiitunite akiro nuka Ejakait Yesu, nukebala ebe, ‘Ainakin erai nakarereŋ adepar adumun.’ ”
36 #
Asw 21:5. Nakedaunia einer ŋun kokukokin kilip nepepe kakes kere. 37#Asw 21:6; Rom 16:16; 1 Pet 5:14. Komonyata noi kere, kotunata Paul konuata, 38#Asw 20:25. Ekadakinitos noi kanuka akirot ŋin nakinera ebe mam bobo eanyunete akekonyen. Kinyamakis do kiton ataker.
Currently Selected:
Aswamisio 20: AOV1961
Označeno
Deli
Kopiraj
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.