Genesis 46
46
Ja Jacobi, k'ot b'a Egipto
1Yajni el ja stat ja Jose b'a Canaani, ch'ak yi' spetsanil ja jastik sb'aji, yajni k'ot b'a Beerseba, stsikayi smajtan ja Dyos yuj ja stat Isaaki. 2Ja a'kwal jawi, k'umaji yuj ja Dyos ja Jacob b'a yoj swayich, ti alji yab'a:
—Jacob—
—It b'ayona kajwal, xchi ja Jacobi.
3-4Ti alji yab' yuj ja Dyosi:
—Ke'n Dyoson yuj wa tati. Mok xiwan ja oj wajan b'a Egipto, ja ke'n ti oj wajkon a moka. Yuj ja we'n, ja'yuj jel oj pojxuk ja kristyano jumasa, oj cho ka kumxan b'a Canaani. Mi kechanuka, ja yajni la chami, ti oj ajyuk a mok ja Jose—.
5-7Ja'yuj, ja yuntikil ja Jacobi, skoltaye k'e' b'a karreta it sjeka ja mandaranum b'a Egipto. Jach' sb'ej jastal jaw ja ti waj ja Jacob b'a Beerseba b'a schonab'il Egipto, ch'ak yi' spetsanil ja yuntikili, spetsanil ja swakaxi, sok spetsanil ja jas yi'oji.
Ja yintil ja Jacob sok ja Lea
8-14Ja b'i'ilal jumasa iti, ja smoj alijel jumasa ja Jacob ma'tik ch'ak wajuke b'a Egipto, oj k'e' alxuk ja yintil jumasa ja Jacob sok ja Lea.
Ja Rubeni, ye'n b'ankilal, jaxa it jumasa ja yuntikil ye'n:
Hanoc,
Falu,
Hesron,
Carmi.
Ja Simeon sok ja yuntikil jumasa:
Jemuel,
Jamin,
Ohad,
Jaquin,
Sohar,
Ja Sauli, jun ixuk Cananea ja snani.
Ja Levi sok ja yuntikil jumasa:
Guerson,
Quehat,
Merari.
Ja Juda sok ja yuntikil jumasa:
Er,
Onan,
Sela,
Fares,
Zerah.
Ja Er sok ja Onan, ti chamye kan b'a Canaan.
Ja Fares sok ja yuntikil jumasa:
Hesron,
Hamul.
Ja Isacar sok ja yuntikil jumasa:
Tola,
Puva,
Job,
Simron.
Ja Zabulon sok ja yuntikil jumasa:
Sered,
Elon,
Jahleel.
15Ja spetsanil ja yuntikile jumasa ajyi ja Jacob sok ja Lea b'a Padan-arami, sok ja yij jumasa, pilan ja yak'ix Dina, sok ja ye'n aye' jun tajb'e lajune sok oxe (33).
Ja yintile ja Jacob sok ja Zilpa
16-18Ja it jumasa, naka ja yintil jumasa ja Jacob sok ja Zilpa. Ja ixuk iti, ja ya'tijum ixuk ajyi ja Laban it ya'yi ja yak'ix Lea.
Ja Gad sok ja yuntikil jumasa:
Sefon,
Hagui,
Suni,
Esbon,
Eri,
Arodi,
Areli.
Ja Aser sok ja yuntikil jumasa:
Imna,
Isva,
Isvi,
Beria,
Serah.
Ja Beria sok ja yuntikil jumasa:
Heber,
Malquiel.
Wak lajune (16) ja spetsanil ja yintil ja Jacob sok ja Zilpa.
Ja yintile ja Jacob sok ja Raqueli
19-22Ja it jumasa ja yintile ja Jacob sok ja Raqueli:
Ja Jose sok ja yuntikil jumasa:
Manases
Efrain.
Cho ja' it jumasa ja yuntikil ja Jose sok ja Asenat yunin ja pagre Potifera b'a chonab' Oni, sok ti manxiye b'a Egipto.
Ja Benjamin sok ja yuntikil jumasa:
Bela,
Bequer,
Asbel,
Guera,
Naaman,
Ehi,
Ros,
Mupim,
Hupim,
Ard.
Chan lajune (14) ja spetsanil ja yintil ja Jacob sok ja Raqueli.
Ja yintile ja Jacob sok ja Bilha
23-24Ja it jumasa, ja yintil ja Jacob sok ja Bilha, ja ixuk iti ja ya'tijum ixuk ja Laban sk'eb'a yi ja yak'ix Raqueli:
Ja Dan sok ja yunin Husimi.
Ja Neftali sok ja yuntikil jumasa:
Jahseel,
Guni,
Jezer,
Silem.
25Ja spetsanil ja yintil ja Jacob sok ja Bilha, jukwane.
26Spetsanil ja yintil ja Jacob ochye b'a Egipto ox tajb'e wake (66) naka yintil ye'n ja Jacobi, mi ti'uk ay il ja sche'ume ja yuntikil jumasa. 27Jaxa ili nakaxa ti aye ja Jacobi, ja Jose sok ja chab' yuntikil ja Jose manxi b'a Egipto, ja spetsanil janek' ochye b'a Egipto ja Jacobi, ox tajb'e sok lajune (70).
Yila sb'aje ja Jacob sok ja Jose
28Ja mitox elye b'a Canaani, ja Jacobi sjeka ja Juda waj sjob' yi ja Jose jastal oj b'ob' k'otuke b'a chonab' Goseni. Yajni ch'ak k'otuke spetsanile'i, 29ti sk'ana a chapjuk yi ja skarro ja Jose, b'a oj waj sta' ja stati. Yajni yila ja stat ja Jose ajnel waj sluts' ele, jel alb'i ok'i. 30Ti alji yab' yuj ja Jacobi:
—Sok schab'il ja sat wax kila sak'anato. —Ja ya'n ojxa b'ob' chamkon.
31Jaxa Jose ti yal yab' spetsanil ja smoj alijel jumasa:
—Oj k'um jb'aj sok ja mandaranumi, oj kal yab'i, spetsanil ja jmoj alijel jumasa it ti ajyiye b'a Canaani, nakaxa ti aye jmoka. 32Oj kal yab'i, ja a'tel waxa na'awexi, kechan talnuj chante sok naka ti a wi'ojex jan wa chejexi, wa wakaxex sok spetsanil ja jastik a b'ajexi. 33Jaxa yajni spayawex ja mandaranumi, oj sjob' a wi'ex jasunk'a waxa na'awex ya'teltajeli, 34Alawik yab'i, yujni talna chejexa, jach'ni jastal ja jme'xep jtat aweltik jumasa. B'a jach' ti oj sjek ex b'a ti oj ajyanik b'a lu'um Gosen.
Yuj ja egipsiano jumasa, mi sk'ana oj ajyuke sok mojan ja talna chej jumasa.
Currently Selected:
Genesis 46: YABD
Označeno
Deli
Kopiraj
Want to have your highlights saved across all your devices? Sign up or sign in
© Sociedad Bíblica de México 2021