Genesis 39
39
Ja Jose sok ja sche'um ja Potifari
1Ja b'olmalanum jumasa yajni yi'aje och ja Jose b'a Egipto ja smana ja Potifar ma' niwan ya'tel yuj ja mandaranumi, cho ye'n kapitan yuj ja talnanum jumasa. 2Ja Jose jel lek wajum ja b'a snaj ja yajwal b'a Egipto, yujni ti'ni ay sok ja Dyos ja ye'na. 3Ja Potifari, yila jastal wax koltaji yuj ja Dyos ja Jose, wax cho a'ji el lek spetsanil ja jas wa sk'u'lani. 4-6Ja'yuj ja Potifari, jel wa syajta ja Jose, yal ya'yi b'a oj stalna ja snaji, sok spetsanil ja jastik sb'aji. Man k'ak'u jawi, sts'akatal ja Jose, ja'yuj jel lek ilji ja Potifar yuj ja Dyosi, ch'ak a'juk yi spetsanil ja jas oj makunuk yuji, ja ye'n mixa jas wax cham sk'ujol mixani ja jas oj yab'i.
Yuj ja jel tsamal sok jel lek ja Jose, 7ja'yuj ja sche'um ja Potifari sk'ela lek sok jel tsamal yila ja Jose, ti yal yab'a:
—La', la wayan jmok—.
8Ja Jose mi sk'ana, ti yal yab'a:
—Ja kajwali, ay sniwanil sk'ujol jmok, ja'yuj yal kab' oj talna ja snaj sok spetsanil ja jas sb'aji. Ja ye'n mixa jas wax cham sk'ujol. 9Me'x yalata mi jas oj b'ob' jyame, ja b'a na'its iti mey pilan ma' ay jas oj yale kechan ke'n wax na'a. Jaxa we'ni, we'n sche'uma. Ja oj jta' jb'ajtiki, kechan b'a oj ta' jmultik b'a sti' sat ja Dyosi, —xchi ja Jose.
10A'nima spetsanil k'ak'u jach' wa'n yaljel ja ixuk jawi, jaxa Jose mi sk'ana. 11Jun k'ak'u och ja Jose b'a yoj na'its b'a oj sk'u'luk ja ya'teli. Jaxa ixuki, yajni yila mi mach' ay b'a yoj na'itsi, ti 12syama yi ja sk'u'i, t'ilan wa st'ena ja Jose:
—Wayan jmok, —wax yutaj—
Jaxa Jose yala a'nima tix i'ji kan yi ja sk'u'i, jaxa ye'n el ajnel b'a yoj na'itsi. 13Jaxa ixuki, yajni ti syama kanyi ja sk'u' ja Jose, 14Ti och awanuk tsatsa, spaya ja a'tijum jumasa, ti yal yab'a:
—K'elawilex ja jas wa'n sk'u'lajel ja tan hebreo it yi'ajan ja jtatami, kechan yi'aj jan b'a jak sk'u'l b'a mi sb'ejuk— Och jana ili, wa sk'ana oj yixtala'ukon, jaxa ke'n och awanukon tsats chikan janek' ja kipi. 15Yajni yab' och awanukon wax paya ma oj skoltayoni, spaka ajnel —Ti'xa ya'kan ja sk'u'i'—
16Jaxa ixuki snolo kan yi ja sk'u' ja Jose, man kumxi ja statami. 17Yajni k'ot ja Potifari, ti och yal spetsanil ja jas ch'akta yali: —Ja tan a'tijum hebreo it a wi'aj jani, wa sk'ana oj yixtala'ukon ajyi. 18Yajni yab' och awanukon wax paya ma oj skoltayoni, ti'xa ya'kan ki ja sk'u'i, spaka ajnel b'a yoj na'itsi—.
19Yajni ch'ak yab' ja Potifar ja jas ch'ak yal ja sche'umi, jel tajki. 20Ti syama ja Jose slutu, ja'ni b'a lutan ja tuk jumasa ja mandaranumi.
A'nima lutub'al 21ti'ni wax koltaji yuj ja Dyos ja Jose, wax je'ji lek yi ja syajal sk'ujol ja Dyosi, ya sna' ja talna preso a syajta lek. 22Jachuk ja tanuman ja ma'tik lutani, yal yab' ja Jose a sk'el spetsanil ja ma'tik lutani sok spetsanil ja a'tel jumasa wax ajyi ja tiwi. 23Ja talnanum jawi, mi t'ilanuk wa sk'ela ja ye'n, Dyosni wax koltaji yuj ja Jose sok spetsanil ja jas wax a'ji sk'u'luki yujni lek oj eluka.
Currently Selected:
Genesis 39: YABD
Označeno
Deli
Kopiraj
Want to have your highlights saved across all your devices? Sign up or sign in
© Sociedad Bíblica de México 2021