Genesis 33
33
Ja Jacob sok ja Esauji
1Yajni yila ja Jacob ti jakum najat ja Esau sok ja chane syen (400) winik jumasa, ti spila ja yal untiki, ya' yi ja Lea, jaxa tuki ya'yi ja Raqueli, cho ya'yi ja chab' ya'tijum ixuki. 2Ja ya ek' b'ajtan b'a sti' sate ja ya'tijum ixuk jumasa sok ja yuntikili; b'a spatik ja ye'nle'i, ti waj ja Lea sok ja yuntikili, man tsa'an ti jakye ja Raquel sok ja Jose; 3Ti'xa ek' b'ajtan ja Jacobi, yajni wa'n mojxel ja smoj alijeli, juk majke snujts'in sb'aj b'a lu'um b'a wa sje'a yuj wax kiswani.
4Jaxa ye'n ja Esauji ajnel waj sta ja Jacobi, stela ele yujts'an. Schawanile och ok'uke. 5Tsa'an yajni yila ja Esau ja ixuke sok ja yal untik jumasa, ti sjob'o'a:
—¿Spetsanil ja it jumasa, mach'tik junuk b'a?
Ti yala ja Jacobi:
—Ja Dyosi, jel lek jmok, ye'n ya'ki spetsanil ja kuntikil jumasa iti.
6Ja a'tijum ixuk jumasa sok ja yuntikile'i, ochye mojan snujts'in ja s'olome man lu'um. 7Cho jach' sk'u'lan ja Lea sok ja yuntikili, jach'ni ja Jose sok ja Raqueli. 8Ja'yuj, ti sjob'o ja Esauji:
—¿Ja sb'ej ja ke'n waxa wa'ki spetsanil ja chante jumasa it jta'a b'a b'ej b'a?
—Ja sb'ej ja wax ka'wi'i, yuj ja wax majlan b'a mi oj waj tup ja jmul a moki, sok wax k'ana oj ja wil'on lek, —xchi ja Jacobi.
9Jaxa Esauji, ti yala'a:
—Jmoj alijel, spetsanil ja janek' a b'aj we'ni, i'aj kani, jachuk ja ke'n jelxa jitsan ki'oj—.
10Jaxa Jacobi, cho yala pilan majke:
—Sts'akataluka'a, i'ajki ja jas wax k'eb'a wi'i. Jel lek a wi'ajotikon ja yajni a wilawotikoni, jaxa yajni kila jb'ajtik satilajel ab'ali —lajan sok ja' wa'ntik yiljel ja sat ja Dyosi— 11A' syajal a k'ujol yamaki, ja wa majtan it wax ka'wi'i. Ki'aj jan a wi ja yuj jelxa jitsan ya'taki ja Dyosi, sok ay ki'oj spetsanil ja jas wax k'ana.
Yuj ja syajal wa k'ujoli wa sk'ana ja Jacobi, ja'yuj, yi'aj ja Esau ja jas ch'ak k'eb'juk yi'i. 12Tsa'an, ti yala'a:
—Wajtikik la jb'ejyukotikik, ja ke'n oj jmojtayex.
13Jaxa Jacobi, ti yal yab'a:
—Jmoj alijel, ja jachuki miyuk. Ja we'n waxa na'a lek ja yal untiki, juts'in wax k'umb'i. Mi kechanuka, cho jach'ni ja wakax sok ja chej jumasa b'a ch'into ja yuntikili, jel takal wa sk'ana, ta oj k'a b'ejyuk jun k'ak'u smoj, oj ch'ak chamuke. 14Lek ja ek'an b'ajtani, ti oj wajkotikon takala, ja oj ki' ja janek' oj b'ejyuk ja yal untik sok ja jchante jumasa, ti oj waj jlaj a b'a Edom, —xchi ja Jacobi.
15Ti alji yab' yuj ja Esauji:
—Lek ay, kechan majla t'ani oj ka'kan a wi chab' oxuk ja jwinik jumasa.
Jaxa Jacobi, ti yala'a:
—¿Jas yuj lom jach' oj ja k'u'l b'a? —malan sok ja jel lek a wi'ajoni—
16Jachuk ti kumxi b'a Edom ja Esau ja k'ak'u jawi. 17Jaxa ye'n ja Jacobi, ti waj b'a Sucot, jach' ya sb'i'iluk yuj ja ti sk'u'lan yi tiw ja snaj ja swakax jumasa sok ja snaj ye'n.
18-20Yajni kumxi ja Jacob b'a Padan-arami, lek ay lek, tsamal k'ot ja b'a schonab'il ja winik sb'i'il Siquemi, ja Siquemi, ja stat ja Jamori. Ja chonab' jawi, tey b'a slujmal Canaan, jaxa Jacobi smana yi ja slu'um ja yuntikil ja Jamori, stupu sok syen (100) sat sakal tak'in, ja lu'um jawi, ja sb'aje ajyi ja yuntikil ja Jamori, sok tey b'a sti' sat ja chonab'i. Ti sk'u'lan tiw ja snaj k'u'lub'al sok k'u'uts ja Jacobi, cho stojb'es jun altar, ya sb'i'iluk ja Dyos yuj ja israelenio jumasa.
Currently Selected:
Genesis 33: YABD
Označeno
Deli
Kopiraj
Want to have your highlights saved across all your devices? Sign up or sign in
© Sociedad Bíblica de México 2021