GENESIS 36
36
Turonan Esau
(1 Kro. 1:34-37)
1Toh turonan Esau je inyewut kea Edom. 2#Gen. 26:34 Esau kawin dengan telo bawin oloh Kanaan, iete: Ada, anak Elon oloh Het; Oholibama; anak Ana tuntang eson Sibeon#36:2: Pire-pire salinan je bara jaman horan manyewut: “anak Sibeon”. oloh Hewi; 3#Gen. 28:9 Basmat, anak Ismael andi Nebayot. 4Ada manak Elipas, Basmat manak Rehuel. 5Oholibama manak Yeus, Yaelam tuntang Korah. Uras anak te inakan intu tanah Kanaan.
6Limbah te Esau malihi Yakob haguet akan lewu beken mimbit kakare sawae, anake tuntang uras oloh je aton intu humae. Imbite kea kare meto tuntang ramo je jari dinoe hong Kanaan. 7Esau hapisah dengan Yakob tagal panatau ewen paham are sampai ewen dia tau belom hinje. Tinai intu lewu je ielai ewen te jaton sukop panginan akan meton ewen je are toto te. 8Te Esau je inyewut kea arae Edom manetep intu tanah bukit Seir.
9Toh turonan Esau, tato hiang oloh Edom. 10-13Sawan Esau je ara Ada manak ije biti anak hatue, arae Elipas. Elipas aton lime anake hatue, iete: Téman, Umar, Sepo, Gaetam tuntang Kenas. Elipas aton bara gundik je arae Timna. Ie manak anak hatue je arae Amalek.
Sawan Esau je arae Basmat manak ije biti anak hatue je arae Rehuel. Rehuel aton epat anake hatue, iete: Nahat, Serah, Sama, tuntang Misa.
14Sawan Esau je arae Oholibama, iete anak Ana tuntang eson Sibeon,#36:14: Pire-pire salinan je bara jaman horan manyewut: “anak Sibeon”. manak telo anak hatue iete: Yeus, Yelam tuntang Korah.
15Jetoh pamimpin kare suku turonan Esau: Elipas, anak bakas ain kare suku je inyewut hong penda toh: Téman, Omar, Sepo, Kenas, 16Gaetam tuntang Amalek. Ewen te samandiai turonan Ada, sawan Esau.
17Rehuel anak Esau, jete tato hiang kare suku je inyewut hong penda toh: Nahat, Serah, Sama tuntang Misa. Uras kare ewen te turonan Basmat, sawan Esau.
18Kare suku toh iete turonan Esau bara sawae je arae Oholibama anak Ana, iete: Yeus, Yaelam tuntang Korah. 19Uras suku te turonan Esau.
Turonan Seir
(1 Kro. 1:38-42)
20-21Oloh asal tanah Edom imbagi jadi kare suku turonan Seir, oloh Hori. Kare suku te iete: Lotan, Sobal, Sibeon, Ana, Dison, Eser tuntang Disan.
22Lotan iete tato hiang jalahan Hori tuntang Hemon. (Lotan aton paharie bawi, iete Timna).
23Sobal iete tato hiang jalahan: Alwan, Mahanat, Ebol, Sepo, tuntang Onam.
24Sibeon aton anake due hatue, iete Aya tuntang Ana. (Ana toh je sondau kare kalindanum danum balasot intu padang pasir, metoh ie kanjerae manyakatik kare kalidai bapae). 25-26Ana iete bapa Dison, tuntang Dison tato hiang jalahan: Hemdan, Esban, Yitran, Keran. Ana kea aton anake je bawi, arae Oholibama.
27Eser tato hiang jalahan: Bilhan, Saawan, tuntang Akan.
28Disan tato hiang marga Us tuntang Aran.
29-30Toh kare suku Hori intu lewu Edom: Lotan, Sobal, Sibeon, Ana, Dison, Eser tuntang Disan.
Kare raja Edom
(1 Kro. 1:43-54)
31-39Helo bara raja je marentah intu Israel, mije-mije kare raja toh jari marentah intu tanah Edom hatuntut:
Bela anak Beor bara Dinhaba.
Yohab anak Sera bara Bosra.
Husam bara tanah Téman.
Hada anak Bedad bara Awit (iete je mampakalah oloh Midian hong parang intu tanah Moab).
Samla bara Masreka.
Saul bara Rehobot intu saran sungei.
Baal-Hanan anak Akbor.
Hadar bara Pahu (sawae arae Mehetabeel, anak Matred tuntang eson Mesahab).
40-43Esau tato hiang kare suku Edom iete: Timna, Alwa, Yetet, Oholibama, Ela, Pinon, Kenas, Téman, Mibsar, Magdiel tuntang Iram. Aran genep suku jadi aran ekae melai.
Currently Selected:
GENESIS 36: NIJ
Označeno
Deli
Kopiraj
Want to have your highlights saved across all your devices? Sign up or sign in