GENESIS 33
33
Yakob hasondau dengan Esau
1Yakob mite Esau dumah hayak epat ratus oloh ayue. Awi te ie mambagi kare anake akan telo kabagi iete akan Lea, Rahel tuntang akan kadadue gundike. 2Ie mina kadadue gundike hayak kare anak ewen intu hila baun. Limbah te Lea dengan kare anake, tinai Rahel tuntang Yosep intu hila likut toto. 3Yakob manajong intu hila baun ewen samandiai, tuntang sambil manokep kakae, ie sontop menyembah sampai uju tingkat. 4Tapi Esau hadari manalih Yakob, balalu mamaloke tuntang manyiume. Kadadue oloh hampahari te sama-sama manangis. 5Metoh Esau mite kakare oloh bawi dengan kare anak te, ie misek, “Eweh ewen je aton dengam toh?”
Tombah Yakob, “Kare anak te ayungku,” tombah Yakob, “Jete tengan Hatalla akangku.” 6Limbah kare gundik miar hayak kare anak ewen, ewen palus sontop manyembah. 7Lea manuntut hayak dengan kare anake, tuntang je pangkarahiae Yosep dengan Rahel manokep, balalu ewen uras sontop manyembah.
8Esau misek, “En kahandakm dengan kare kawan meto je hasondau dengangku endau?”
Yakob tombah, “Jete hapa mampasanang atei kaka.”
9Tapi Esau hamauh, “Jari sukop panatauku, dia usah ih ikau manenga akangku.”
10Koan Yakob, “Ela! Amon aku jari manyanang atei kaka, keleh tarima panenga je iimbitku toh. Akangku, manampayah baun kaka sama kilau manampayah baun Hatalla, basa kaka tau toto dengangku. 11Aku balaku, keleh tarima panenga je iimbitku toh. Hatalla jari bahalap ateie dengangku tagal kare taloh samandiai je imerluku.” Yakob jua-juan balaku sampai kajariae Esau manarima panenga te.
12Esau hamauh, “Keleh itah batatap mangat haguet, aku kareh mananjong helo hila baum.”
13Yakob tombah, “Kaka katawan je kare anak balemo, aku patut batawat dengan kakare meto je magon impatoso. Amon iimbit kaje-kajeng, aloh baya ije andau ih, te hapus kawan meto te kareh matei. 14Keleh mananjong labih helo, aku manuntut rahian rangka-rangkah. Aku kareh miar sakalepah kacapatku hayak dengan kare meto tuntang kare anakku toh sampai olih manjake kaka intu Edom.”
15Koan Esau, “Amon kalote, ayo ih aku mampelai dengam pire-pire oloh ayungku.”
Tapi Yakob tombah, “Dia usah heka-heka, aku baya nahuang manyanang atei kaka.”#33:15: Aku baya nahuang manyanang atei kaka atawa amon kaka dia mangeme babehat. 16Kalote ampie andau te Esau haguet haluli akan Edom. 17Tapi Yakob haguet akan Sukot, palus mampendeng huma akae kabuat tuntang eka manyandehan akan metoe. Jete sababe eka te inggare Sukot.#33:17: Sukot: Riman aran toh huang basa Ibrani iete: “eka manyandehan”.
18Hong panjalanae bara Mesopotamia, te Yakob sampai dengan salamat intu lewu Sikhem hong tanah Kanaan, palus mampendeng kemahe hong ije janah tokep lewu. 19#Yos. 24:32; Yoh. 4:5 Janah eka kemah te imilie bara oloh turonan Hemor, bapa Sikhem, je regae seratus duit perak. 20Limbah te ie mampendeng mesbeh intu hete tuntang manampa arae “El, Hatallan Israel!”
Currently Selected:
GENESIS 33: NIJ
Označeno
Deli
Kopiraj
Want to have your highlights saved across all your devices? Sign up or sign in