GENESIS 32
32
Yakob batatap manyondau Esau
1Yakob manontong pangguaete. Balalu pire-pire malekat dumah manalih ie. 2Metoh Yakob mite ewen, ie hamauh, “Toh kemah Hatalla,” awi te eka te inenga arae Mahanaim. #32:2: Mahanaim: Riman aran toh huang basa Ibrani iete “die eka kemah”.
3Limbah te Yakob manyoho pire-pire sarohan mananjong helo bara ie akan lewu Edom manyondau Esau kakae. 4Yakob hamauh dengan ewen, “Sanan akan kakaku Esau, kilau toh, ‘Aku Yakob, rewarm. Katahin toh aku jari melai dengan Laban. 5Toh aku aton sapi, kalidai, tabiri, kambing tuntang kare rewar. Aku mangirim kabar akan tempongku, hayak maharap tempongku kareh sanang atei.’ ”
6Metoh kare sarohan buli talih Yakob, ewen hamauh, “Ikei jari haguet manalih Esau, kakam, tuntang ie toh hong pangguete kahetoh manyondau tuan. Ie dumah hayak epat ratus biti.” 7Mahining te, Yakob paham mikeh hayak gogop. Palus kare oloh je aton dengae imbagie akan due kabaris; kalote kea tabirie, kambinge, sapie tuntang ontae. 8Koan tiroke, “Amon Esau dumah hayak mantakan baris je solake, aton baris je kaduee kareh sampet manyalamat arepe.”
9Limbah te Yakob balakudoa, “Hatalla je inyembah bueku Abraham, tuntang bapaku Isaak, keleh hining auhku! Tuhan jari manyoho aku buli akan lewungku tuntang tundah kolangku. Tuhan jari hajanji handak mawi taloh samandiai bahalap akangku. 10Aku dia patut mandino kare sintam tuntang kataum je jari imparahan Tuhan akangku. Metoh aku haguet dimpah Sungei Yordan, aku dia mimbit taloh en-en beken bara tongkeh. Toh aku buli dengan due baris toh. 11Aku balaku toto-toto, manyalamat aku bara kakaku Esau. Aku mikeh, suro ie dumah mantakan tuntang mampatei kakare ikei, aloh bawi atawa anak oloh. 12#Gen. 22:17 Ingat je Tuhan jari hajanji handak mawi taloh samandiai bahalap akangku tuntang manenga akangku are turonan. Ije mahin jaton je tau misee awi karee kilau baras hong saran tasik.”
13-15Limbah bamalem hete, Yakob manduan belahe bara metoe je handak inengae akan Esau. Panenga te: 200 kambing bawi, 20 kambing hatue, 200 tabiri bawi, 20 tabiri hatue, 30 onta je kanjerae mampatoso dengan anake, 40 sapi bawi, 10 sapi hatue, 20 kalidai bawi, 10 kalidai hatue. 16Kare meto te imbagie akan pire-pire baris, palus genep baris inyarahe akan ije reware. Koae dengan ewen, “Tanjong, helo bara aku, tuntang ite mangat aton helang je mamisah baris ije helo dengan baris je manuntut rahian.” 17Yakob marentah reware je pangkabaun, “Amon kakaku Esau hasondau dengam, tuntang misek, ‘Eweh tempom? Handak kakueh? Eweh tempon kare meto je imbitm toh?’ 18Te nombah, ‘Ayun rewarm, Yakob. Ie mangirim jetoh kilau panenga akan Esau, tempoe. Rewarm Yakob kabuat je kanjerae manuntut ikei.’ ” 19-20Rewar je kaduee, kateloe tuntang uras oloh je inyohoe mahaga kare kawan meto te, inengae parentah je sama kilau te kea. Awi Yakob manirok je ie olih mangatau Esau hapan panenga te, te amon kareh hasondau, Esau maku mampun ie. 21Palus ie mangirim helo panenga te, tapi ie kabuat bamalem intu kemah.
Yakob hakalahi intu Pniel
22Alem te kea Yakob misik palus mimbit kadadue sawae, kadadue gundike tuntang sawalas anake, dimpah sungei Yabok. 23Limbah mampadimpah ewen, ie haluli tuntang mangirim kare ramoe akan dipah silae. 24#Hos. 12:3-4 Tapi ie melai kabuate.
Te dumah ije biti oloh hatue hatangkarap dengan Yakob sampai tokep andau sawah. 25Metoh oloh te mangkeme je ie dia tau manang hong kalahi te, ie manampar sapan tulang kahang Yakob sampai talukas. 26Palus koan oloh te, “Lapas aku, hanjulo tinai matanandau lembut.”
Tombah Yakob, “Aku dia maku malapas tuan, amon tuan dia mamberkat aku.”
27“Eweh aram?” pisek oloh te.
“Yakob,” koae tombah.
28 #
Gen. 35:10
Oloh te hamauh, “Aram dia tinai Yakob. Ikau jari hatangkarap dengan Hatalla tuntang dengan olon, tuntang ikau manang; awi te aram manjadi Israel.” #32:28: Israel: Aran toh auh sewute sama kilau auh kotak Ibrani je rimae “ie hakalahi dengan Hatalla” atawa “Hatalla hakalahi”.
29 #
Hak. 13:17-18
Koan Yakob, “Suman aran tuan.” Tapi oloh te tombah, “Dia usah ikau misek eweh arangku!” palus ie mamberkat Yakob.
30Limbah te Yakob hamauh, “Aku jari hatampayah bau dengan Hatalla, tuntang aku magon belom.” Awi te ie manenga aran eka te Pniel.#32:30: Pniel: Aran toh auh sewute sama kilau auh kotak Ibrani je rimae “baun Hatalla”. 31Metoh matanandau lembut, Yakob malihi Pniel, ie balalu batimpang, awi sapan tulang kahange talukas. 32Sampai andau toh turonan Israel dia kuman isin meto je manutup sapan tulang kahang meto, awi Yakob jari buah tampar intu kahange.
Currently Selected:
GENESIS 32: NIJ
Označeno
Deli
Kopiraj
Want to have your highlights saved across all your devices? Sign up or sign in