Imbombo 1
1
1 #
Luk. 1.1-4
Muchindikiwa Tiyofilasi:
Mwibuku lyane ilyakwanda nkakusimbila nizya vintu vyosi vivyo u Yesu akabomba nukumanyisya ukwandila pakabalilo kako akandagha imbombo yache 2mupaka pisiku lilyo akasendiwanga pakubuka kumwanya. Loli bo atasendiwe, akababuzya na maka agha Muzimu Umuzelu abatumiwa babo akabasala izyakubomba. 3Bo amayimba ghache ghamala, u Yesu akababonekela mumasiku 40 mutubalilo utwinji, pakubasimikizya ukuti naloli akaba mumi. Abene bakamwennya, po akanena nabo nizya Bumwene ubwa Chala. 4#Luk. 24.49Bo babungana poka,#1.4 Bo babungana poka: Pamo bo akwikala poka nabo, pamo bo akulya poka nabo. u Yesu akababuzya akati, “Mutakepemo mu Yelusalemu, loli mulindililaye ichabupi chicho nkababuzya, chicho Utata wane akabalayizya. 5#Mat. 3.11; Mlko. 1.8; Luk. 3.16; Yoh. 1.33U Yohani akozyanga na mizi, loli mumasiku amanandi mukwiza pakoziwanga nu Muzimu Umuzelu.”
U Yesu akusendiwa ukubuka kumwanya
(Mlko. 16.19-20; Luk. 24.50-53)
6Bo abatumiwa babungana poka nu Yesu, bakamulalusya bakati, “Mwene, nkimba pakabalilo aka utangabanyosezya sona Ubumwene aba Izilayeli?”
7U Yesu akababuzya akati, “Utubalilo na masiku tukuyaniziwa nu bulaghili ubwa Tata, sona yite mbombo yinyu pakumanya ukuti zinizi zikwiza pakubombiwa liyi. 8#Mat. 28.19; Mlko. 16.15; Luk. 24.47-48Loli bo u Muzimu Umuzelu iza papinyu, mukwiza pakupokela amaka, po mukwiza pakuba mwe bakaboni bane mu Yelusalemu, na mu Yudeya mosi, sona na mu Samaliya, mupaka na kumpaka iya chisu ichapasi.” 9#Mlko. 16.19; Luk. 24.50-51Bo anena zinizi, akasendiwa pakubuka kumwanya bo bakumwenelezya, po akafisiwa ni bingu.
10Bakaba bachili bakwennya kumwanya bo akubuka, po umwakuchenusya bulo abanavuli babili, babo bakavwala amenda amaswepu bakimilila papipi nabo, 11nukubalalusya ukuti, “Mwee bantu aba mu Galileya, choni chicho mwimiliye panapo mukwennya kumwanya? U Yesu yunuyu yuyo akasendiwa kukwinyu ukubuka kumwanya akwiza pakunyokela bunubu, ukuyana namumo mukamwenezezya akubuka kumwanya.”
Uwakupyana mubuzilo ubwa Yudasi asaliwa
(Mat. 27.3-10)
12Po abatumiwa bakanyokela ku Yelusalemu ukufuma kwi Ghamba ilya Misyunguti. Ubutali bwache bukaba amamita 1,000 ukufuma mu Yelusalemu. 13#Mat. 10.2-4; Mlko. 3.16-19; Luk. 6.14-16Bo binjila mukaya akakulu nkani kala bakakwela muchipinda icha pamwanya mumo bakikalagha. Mulamula mukaba u Pitala nu Yohani nu Yakobo nu Andeleya nu Filipu nu Tomasi nu Batolomeyo nu Matayi nu Yakobo umwana uwa Alufeyo nu Simoni (yuyo akaba uwa kabukatila, kako kakalondagha ukuti mu Izilayeli mubanje ubwabuke), sona nu Yudasi umwana uwa Yakobo. 14Bakabunganagha pipipipi pakwiputa ngati ko kabukatila, poka na bakolo nu Maliya unyina uwa Yesu, sona na bawamwabo.
15Bo ghachilapo amasiku manandi kukaba ulukomano ulwa bitiki. Palapala pakabapo abantu pipipipi 120 bosi poka, po u Pitala akimilila nukuti, 16“Mwee bakamu bane, Amasimbo ghakwanilisiwe, ghagho u Muzimu Umuzelu akanena ukwendela mwa Devedi nizya Yudasi, yuyo akalongozya abantu babo bakamulema u Yesu. 17U Yudasi akaba yumo uwa kabukatila kitu, yuyo akasaliwa pakubomba poka naswe. 18#Mat. 27.3-8Akaghula umughunda ni ndalama zizyo akapokela pachifukwa icha mbibi zizyo akabomba. Panapo akawila umutu, ulwanda lwache lukapunta, sona amala ghache ghakafumila kuzi. 19Abantu bosi babo bakikalagha mu Yelusalemu bakivwa zinizi, po muneno yabo bakawita umughunda ghulaghula ukuti ‘Akelidama,’ chicho chikung'anamula ukuti, ‘Umughunda uwa ibanda.’ 20#Mas. 69.25, 109.8Pakuti zisimbiwe mwibuku ilya Masalimo ukuti,
‘Yileke inyumba yache yibanje chisami;
nayumo umuntu atakikalayemo.’
Zisimbiwe sona ukuti,
‘Umuntu yumo abupyanaye ubulongozi bwache bulabula.’
21“Po chikulondiwa pakusala umuntu weka uwa banavuli, babo babanga poka naswe akabalilo kosi kako u Mwene u Yesu akendagha naswe 22#Mat. 3.16; Mlko. 1.9, 16.19; Luk. 3.21, 24.51ukwanda pakabalilo kako akoziwa nu Yohani mupaka pisiku lilyo akasendiwanga pakubuka kumwanya. Pakuti weka uwa banaba abanje we kaboni nizya kuzyuka kubufwe ukwa Yesu.”
23Po bakasala abanavuli babili: U Yosefu yuyo bakamwitizyanga ukuti Balasabasi (yuyo sona bakamwitizyanga ukuti Yusito) nu Matiyasi. 24Po bakiputa ukuti, “Wee Mwene, uzimenye inyinong'ono izya muntu wesi, po tulanjizye weka pa babili aba yuyo umusalite, 25umwakuti apyane pambombo iya butumiwa mubuzilo ubwa Yudasi, yuyo akayileka nukubuka kubuzilo bubo bukamuyana.” 26Po bakapanga amayele pakasi pabantu babili bala nukusalapo u Matiyasi, yuyo akonjeleziwa ku kabukatila aka batumiwa 11 bala.
Currently Selected:
Imbombo 1: LMBNT2016
Označeno
Deli
Kopiraj
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Več o prevodu Ulufingo Ulupya