Popular Bible Verses from Luka 15

Share

Nave yowo ávinya, arwa wa atithinnya. Nyenya árwiye worekama, atithinnya ámóna, amoriwa ikharari, atchimaka, amuwela va’shikoni vawe, amunúlasha.

ntakhara mwana’ka ola ári ókhwa, nave anakhala’tho mkumi; ári óriméla, nave ophwanyiwa. Nave yápacherya otheya.

Kinalocha wa nyuwo, wi wawihihá onarwa‐okhala otheya wirimu ntakhara a mulipa‐otcheka mmoha órukunuwa murima, opwaha ni atchu ékhaikhai makhumi mathanu na masheshe ni ówapulaya athanu na sheshe, yawo ohináthowa orukunuwa murima.

Kinavinya kirowe wa atithaka, nave kinalochano, Atithi kátchekela wirimu ni va mithoni vanyu

Nave mwana owo áhi wa yowo, Atithi kátchekela Wirimu ni va mithoni vanyu, nkinakhala óphwanela’tho nari weriwa mwaninyu.

Mutchu tani a nyuwo orino ipuchepuche makhumi khumi, nave voriméla emoha ya iho, manki hanahiya mu’takhwani sikina iho makhumi mathanu na masheshe ni sowapula thanu na sheshe, atcharatchara yoriméla eyo ophiyerya aphwannye?