Popular Bible Verses from Luka 14

Share

Mutchu arwa wa Miyo, óhícha atithinnya ni amannya, ni mwariye, ni anamwane, ni anna, ni arokorawe, ahe ni okumi awe ene wa yowo mwanene, hanawerya okhala óhuserya’ka.

Nave mutchu yowo ahinatesha mwikimanyo awe wa mwanene mekhiye, ni orwa vachuli vaka, hanawerya okhala óhuserya’ka.

Ntakhara mutchu yowo anisinnuwiha anarwa‐ayevihiwa; nave awiyeviha anarwa‐annuwihiwa.

Ntakhara awe vano mutchu mukina a mwa nyuwo ahinaleva sothe sene oriyeno hanawerya okhala óhuserya’ka.

Vawi tani a nyuwo anahawela oteka empa yorekama, hanalika okilathi, álakhanyerya esisapo aya, one árino sovelihano? Wi akhweya áhinohiha, atikithenrye vathi maluku a othipela waya, nave ahiwerya oveliha, atchu othene óvarerya enapacherya omutheya yowo, ni olocha wi, Mutchu’la ápacherya oteka, nave hawenrye oveliha.

Nyenya wáryeheryaka yólya witchane óhawa, órakala, ótuthunya, évasi; nave onarwa‐okhala óréla; ntakhara yawo hiyanono yokokiherya weyo yamahala: vawi enarwa‐ekokiheryiwa yamahala va ovinya’tho wa ékhaikhai murima.

Wawihihá mwapa ori wosiva; nyenya mwapa owo wonwa onasivihiwa ti sheni? Honaphwanela oheliwa va’machani nari va’chúrwani, onayehiwa vate. Yowo orino maru awíwa iwe.