Popular Bible Verses from Luka 11

Share

Kyasiań kwakooya ini, mukee varekwa, mwishi iniinga vana vanu findo fisha, nkilanya se Nde yanu wa iṛuvewu aniingaa valya vakee intereva Mumuyo wamwi Nsongori?

Na akwaa nniń namuiań: Tereveń amu muniingwaa. Ruyeń amu mukooyaa. Kabekabeń yoondi amu muruywaa!

Fulya ulya woose akee itereva aniingwaa. Na ulya akee iṛuya akooyaa. Na ulya akee ikabakaba yoondi aruywaa.

Kavaia: Mukatereva Iṛuva numbueń kuri: Wui Nde, irina lyafo liindio̱. Umangi lwafo lushe.

Kutitie na sile ta mareko eru, sheeli neese tikee itia valya vantirekio̱. Kutatiotoṛie tiwe nreyoń.

Kutiniinge nnu shoonga teru ta itisindisa.

Taa ya wili ni iriso. Kyasia kwakooya iriso lyafo ni inuru, na wili wafo nato ni nnuru. Kake kwakooya iriso lyafo lyawa ikasha, na wili wafo nato uvaa llema.

Nta eefo nndu aataa taa kairwaa andu a kiṛisi ndi ana aifulutie mengetoń ndi. Kake aivanikaa kivanikoń, amu imulikie woose vaakaa numba.