Popular Bible Verses from Luka 12

Share

Neeni kaań kya umbuura, amu kyeeri kyo mutakusaṛie nkyo Mwana wa nndu ashaa nakyo.

Kake kindo muṛuyaa ni umangi lwa Iṛuva, na ifi fingi mwengeṛio̱o̱.

Nae kavaia: Muṛe kusembekeń unyuku lwa mikae yoose, amu kilya kiniingaa nndu muu mmasaa meengi ndi.

Amu alya masaa anu akaa, wwo na mirima yanu indekaa.

A kunu kwanu ni i amakii yengeṛia kyeeri kya muu wamwi na akwaa ni irambo limwi tubu na kakutimbiṛita ki?

Kaia vanalosho vamwi: Kiimba kya iki namwia: Manya mutakwareese kya muu wanu mwinumbuaa, mulyaa ki, ana kya mivili yanu muṛaa ki.

Kake ini na akwaa mmafuli anu a nrwe mmatale woose. Kyasia manya mutaeṛee, ini mukilie ngyuṛuu shiingi.

Manya mutaeṛee, ini siṛi shinnya! Amu Nde yanu ansenywa imuniinga umangi.

Lleń makurukuru! Nta eeṛaa mbeu ndi ana eelulaa ndi, nta awore andu a iitiṛimu shoonga ana makumbi ndi. Na Iṛuva yye aalelaa. A ini ni ini se mwilanyi ndee deń?

Neeni manya mutaṛuye sheeli mulyaa ana kasa munwaa ana manya mutaawukwawukwa kiimba kyayo!

Kyasia kwakooya Iṛuva avikaa kuri maṛe a ifo nremiń aiyo nnu na ndesi akandeeṛwa muroń, kyasiań ni ini se amwengeṛiaa kikilie, ini va ikusura yaangu?

Amu kiifo kindo kifisie kitalolikaa ndi, ana kindo kiṛike kitata-ṛambukaa numa ndi.