Popular Bible Verses from 'Make 13

Deli

:Gwlor-nyor⧾-a' klehkpeh, an mu a-uh' 'nyeh-:, 'an dhih. Jorwor: nyor :or se-a sea 'de ti 'ye-a' 'dlu-' :jla, :yee' or mu 'puh-:.

A 'bor 'mo-a', a 'dhu-eh 'yli-eh bo, deh no-eh, ti, ti :dao' en mu-a 'de :yi, a se-ih yubo:.

:Mor nyor⧾ kpon a-uh, 'de on 'ye a 'kwla :za 'de 'koti-', eh-a' 'beh-dih:-' a-a' :porluh⧾ 'worn dih 'do deh a mu-a-' :za, eh-a' dhih bo. :Mor eh-a' :zaa-ti :taa 'o nyni, deh a mu-a-' :za, Nyorsoa mu-eh a :torne:. Eh :se a-a' 'jeh :or :se-' :wlu i, jorwor: Gban 'i :ne :Zulu: 'o, :an mu :wlu.

'Bluhba-: 'dekorn: yao-: en mu 'dlu-' :jla, jorwor: 'an wlu :se-' dih :gweh i, :ka ti-a mu-a 'dlu-' :tehn.

:Yee' 'we-eh: :dao'-: 'yluh-buh: :dao'-: ti en mu-a 'de :yi, nyor se-ih yubo:. 'Enjor-nyor:⧾ :on :ne-a 'de Nyorsoa 'bli yai'-a' 'jeh-: 'dekorn: Nyorsoa-a' 'Yu-: on se-eh yubo:. Nyorsoa :due', or-: yubo-eh.

:Mor a 'worn tuh-a' 'nyne, 'de a 'ye tuh-a' kuna'⧾ 'worn :ke, :yee' a-a' :ple-' :fano. Deh no-eh, deh⧾ :daa en :korn en 'ye :no-eh:, jorwor: eh 'see ti-a' 'dlu-' :jla-ti no kele'a:.

Eh-a' dhih, a 'dhu-eh 'yli-eh bo. Deh no-eh, a se ti nyor :klaba' :or :korn-a 'gbu, or mu-a 'de :ya yubo:, :eh beh 'gwie-yluh bo-: :eh beh dholo-' zuee-: :eh beh :zai' :zulu⧾-a' wlu 'da-: :eh beh zorn bo-mlai'-:. :Mor or 'dhobo:, or 'yle, or :ne-' a 'nyinor-' :yeh-dih:. Deh 'an za-a-' 'de a bo, eh-: 'o 'an za-' 'de nyor⧾-a' klehkpeh bo :ke. A 'dhu-eh 'yli-eh bo.

'Bluhba⧾-dlu⧾-: 'bluhba⧾-dlu⧾-: en mu :vorn. :Yee' 'keen-boi'-a mu on 'bei' 'keen-boi' bo :vorn. 'Bluhba-a mu :tleh deh⧾-' dih. 'Moeh-a mu 'de :yi, :eh 'kpa-a Ji Kou'-moeh. :Mor deh⧾ :daa en :taa 'dlu bo mu, :yee' 'do 'kle 'ye-eh-a' glu 'dhu 'da :oo', :eh gweh-a :ka 'kwli-a no-a 'nynor, :or 'bhorn-a :or 'ye-a' :gbano :za.

Jorwor: :mor ti 'ye 'dlu-' :jla, :yee' Nyorsoa-a' tubo-wlu:⧾ 'jeh :korn en 'ye :po-eh: 'de 'dawor'⧾-dlu⧾-a' klehkpeh ken dih.

Nyor⧾ :dhulu', mo-: :an mu 'de 'an 'nyne ken :yi-dih:. Mo-: :an mu :ao', mo-: Nyorsoa-a' 'taan'-yu: 'o, 'de on 'ye nyor⧾ :dhulu' dih :bo-dih:.

Jorwor: a 'dhu a-a' 'jeh :dhororn'. An mu a 'kwla :za 'de 'koti-', 'de on 'ye a bla 'de an-a' 'di :gweh-dih-sla⧾ 'zorn dih. :Yee' a mu 'o 'gomla-nyor⧾-a' nyor⧾ :klaba'⧾-: 'dekorn: 'keen-boi'-: ybei' dih :nyna, 'do 'an dhih bo, 'de a 'ye Nyorsoa-a' tubo-wlu:⧾ 'jeh-a' dhih bo zela: 'de on bo.

Deh no-eh, sih 'tmo :wele-eh: :po-nyor⧾-: 'dekorn: :yuh :an 'da-dih-a an-a' 'jeh 'Klae-: an mu-' :sorn, on 'ye 'yi :to-dih-deh⧾-: 'dekorn: nyor⧾ 'di dih 'ma-dih-deh⧾-: no. An mu deh⧾ :daa :no, on 'ye nyor⧾ Nyorsoa gan-a :sloror' dih :bo-dih:, :mor on 'beh-dih: eh-a' no-a'.

:Yee' :Yusu'-a wlu-' :chio'lo:, or 'da, 'Do ti :dao' 'di, :mor 'kle 'ye-eh: :dao', eh zi, 'yluh :se-' :fan i deh 'jeh, 'de mor 'chuh :se-' :fan i :ke. 'Chuh :dhlaen: :en :ne-a 'de yai', en mu 'zorn 'kpa-:. :Yee' deh⧾-a' klehkpeh :en 'ble-a 'kpih 'do yao :gwlii', en-' 'kpih-a mu 'i gbua:.