Popular Bible Verses from 'Make 12

Deli

'De :Yusu' 'da, 'Tele'⧾-a' klehkpeh-a' 'dlu, :wor 'dhu, A :to :dou'⧾, a :mor 'Ezlea-nyor:⧾, :a-a' :Gwlor :baa' Nyorsoa, or :due', or-: 'dhu :Gwlor :baa'-'. :Yee' :ybeh :an-a' :Gwlor :baa' Nyorsoa-', 'do :an-a' :porluh⧾-a' klehkpeh-: :an-a' :febeh'-a' klehkpeh-: 'dekorn: :an-a' 'kpih-a' klehkpeh-: bo. 'Tele'⧾-a' 'sororn' :neh :eh :kma-a 'gabaa :neheh', :eh tba-a 'o :tehn 'i neh 'de dih, eh-: :dhe dih. :Ybeh nyor⧾ :on :ne 'ti-a :dha :due'-', :ka :on no-a :an-a' 'jeh-a' :ybeh-a'. 'Tele' :neheh' se 'i 'beh, eh se 'o 'tele'⧾ 'sororn' :daa-' :zi.

:Yeh or 'ye-a 'nynor :dao', :yee' or 'da or-a'a: bo :na-nyor⧾ 'weh 'do or bo, or 'dae:, Dhih 'jeh, 'an zela a :gwluhuh', :dhoba: 'nynor :dao' :or se-a deh-a' :za-da 'ble, 'wlii: or po-a 'de, en :zi 'o 'wlii: nyor⧾-a' klehkpeh on po-a 'de 'weh. Deh no-eh, eh-: 'dhu, nyor⧾ :on po-a 'de 'wlii: :dhulu', en-' :yih on 'ble-a, :en :sie:-a ken, me-: 'o, on po 'de. Jorwor: 'nynor :dao' :or se-a deh-a' :za-da 'ble, deh-a' klehkpeh or 'ble-a, 'de deh-a' klehkpeh or dhe-a :gwlii', eh-: 'o, or po 'de.

:Yee' :Yusu' 'koan'-dih: 'o :dha nyor⧾-a po-a 'wlii, 'do Nyorsoa-a' 'sla-a' dhih bo, 'de or :dhe dih 'do mor. 'De or 'ye nyor⧾ :doru', an po 'de 'wlii, 'de Nyorsoa-a' 'sla-a' 'wlii 'di :po :gbloron'-yu 'di. Bhaan-nyor:⧾ :dhulu' po 'de 'wlii: :dhulu'. :Yeh or pobo-a 'o, :yee' :dhoba: 'nynor :due' :or se-a deh-a' :za-da 'ble, or-: 'yle, 'de or po 'de deh 'di 'wlii-yor 'sororn' :en 'beh-dih: :en 'ye-a' 'kaba-yor-eh :due' no.

:Yee' :gwlor-nyor :korn or 'ye Nyorsoa-' :ybeh 'do or-a' :porluh⧾-a' klehkpeh bo. :Yee' nyor⧾ :ne or 'ti-a :dha :due'-', or :korn or 'ye-uh'-' :ybeh, :ka or no-a or-a' 'jeh-a' :ybeh-a', eh-: :zi 'o Nyorsoa-a' 'slaa: :za-dih-deh⧾-a' klehkpeh nyor⧾-a po-a 'yli-: 'dekorn: or-a' gban 'i 'dhu-dih-deh⧾-a' klehkpeh-:.

'De or 'dae:, A 'nyi 'Wloon-nyor⧾-a' 'keen deh :eh :korn-a 'de or bo, :yee' a 'nyi Nyorsoa deh :eh :korn-a 'de or bo. :Yeh or 'da :ao' 'de on bo, :yee' or-a' deh 'ma-dih: an-a' :porluh⧾ 'weh.