Genèse 44
44
Kokwi Joseph te gozhém Benjamin
1Joseph a ngaɗa na ndo mɓer gi na: Ndha ta dau a gozhèm tengaʼa, dèʼa deɓ kɗèh, a ka hul Suli staɗ staɗ tèlèba, a ka menda ta a deɓa a gozhèm. 2Kokwi verzhègenè ga, a ka co a ka va na a gozhèm ntabawaʼa, a géɗ dau a Suli dau na. A nengaʼa a ngau, ara man Joseph a gaɗa na. 3A prèk te gai, ta pra ta ndohai a kɗèhi ta. 4Mshkè ta auda tʼhwaɗ kokwar ma, to do dra di ɓai, Joseph a ngaɗa na ndo mɓer gi na: Hu a verzi ndohai, aman ka da ngats ta, a ka gaɗa ta: Kin menda skwi mbelaʼa a deɓa a skwi ambaɓiaʼa èhèmè? Kin cèmay kokwi verzhègenè ga èhèmè? 5Nengaʼa man bi ga a si skwi te pa ka ɓi ɗè, a ɗèl skwi a vna ka ɓi ɗè? Kin gau skwi man ambaɓai. 6Aman a nʼngats ta, a ngaɗa ta ar haha. 7A ta mbeɗa na a ma: Bi nga a goɗ ar haha èhèmè? Ɓèlèlihi ngaya ta slaha ta gi arsa azbai! 8Suli ba man nga ngots te gozhèm, nga mendkoɗa deɓa te kokwar Canaan. A nga za gi metsar verzhègenè a guro te gi bi ngaya ɗè? 9Nengaʼa man ka ngècè skwi sa te gozhèm nengaʼa, da mets na, a nga woy a nga gi ɓèl bai. 10A ngaɗa ta: Da gu ara ngèɗ kinè. Nengaʼa a man ta da ngècèʼa a sam nengaʼa, nengaʼa ɓèl ga. Kinè njèkèɗiaʼa, kin dè kinè. 11Staɗ staɗ a mpreda gozhèm na a hai, a ta winèʼa. 12A nengaʼa a ntor ri a va dau, a hinè a sam tsuvomaʼa, ha a ndikè na ma ntabawaʼa. A nʼngots kokwi te gozhèm Benjamin.
13A ta kuratseda maslaka tengaʼa aussa a va, a ta peda gozhèm a deɓ kɗèh zaʼa, a ta mena a deɓa a kokwar. 14A Juda a ndo a gi Joseph a nda kramamhi nengaʼa. Jospeh a zhè dai. A ta kalahi a deɓ sak nengaʼa. 15Joseph a ngaɗa ta: Kin gai haha mè? Kin hur ndo gar iyè a da shinè skwi haha azɓi ɗè? 16A Juda a mʼmbeɗa na a ma: Nga da gaɗa na bi nga kè, a nga da tsi gèɗ auda te mè? Zhiklè a ngudko mali ɓèlèlihi ngaya auda a di pats ma. Na haha, nga ɓèlèlihi bai, nga tèlèba, a nda nengaʼa man ta ngots kokwi a sam na. 17Aman nengaʼa a ngaɗa: Aʼai, i gi arsa azɓai! Sèi nengaʼa man ta ngots kokwi te gozhèm na, da ga a ɓèl ga. Aman kinè njèkèɗiaʼa, vo-do kinè a deɓa a sam bab kinè a gumai!
Juda a tsi rai a géɗ Benjamin
18Juda a nherda na va, a ngaɗa: Ɗakwa, bi ga, va na civèɗ a ɓèl ngaya, a ka tsena ngèɗè ga staɗ. Ka gu ndav a géɗ ɓèl ngaya ɓai! Ka mbiaʼa lèmèlèmè ara Pharaon. 19Bi ga, ka dzhaɗ ta ɓèlèlihi ngaya: Bab kinè, a kramam kinè a zhè di ɗè? 20A nga gaɗa ka: Bi nga, bab nga a zhè, nhala ma, a kramam nga a zhè, man a myu te babgi ma. Kramam nengaʼa a mʼmets na, njèkè kramam na, man ta mba a mama a vna staɗ, a bab nengaʼa a woya a ndav na. 21A ka gaɗa ta ɓèlèlihi ngaya: Vo-ckoɗa sam nga, a i rkaʼa. 22A nga gaɗa ka, bi nga: Kra a slaha a njèkeda bab na azbai; aman a da jèkeda bab na, ar bab na a metsi na. 23A ka gaɗa ta ɓèlhi ngaya: Aman ntabaw kinè a shkè a verzi kinè azɓai, kin menkaɗa deɓa a sam ga asaɓai. 24Aman ngo do a deɓa a sam bab nga, ɓèl ngaya, nga ngra na ma ngaya, bi nga. 25Te deɓaʼa bab nga a gaɗa: Vo-do a deɓa a kin shum skwi nʼndi nga kètè. 26Aman nga gaɗa na: Nga slaha nga dè azbai, sèi man ntabaw ngaya a dè a verzi nga di kla, a nga dè. Nga slaha nga zlècè a sam ndo ngata azɓai, aman ntabaw nga az a verzi nga ɓai. 27A ɓèl ngaya, bab ga, a ngaɗa nga: Kinè ba kin sun te gèɗ kinè, ngwoz ga a myu wudahi cèw genè. 28Staɗ a njè-kyè, a i hur i gaɗa: skwi ngiɗè a nʼndedama, ha patsna i ngots a deɓa ɓai. 29A kin cè nengaʼa a vaʼa, a skwi a da ga na a civèɗ, bab kinè nhala ma, kin ndevdyè a nlèyè. 30Aman i dè a deɓa a sam ɓèl ngaya, bab ga, a kra a te ri nga ɓai, man ndav nengaʼa a woya holholaʼa, 31a da metsi na, te man a rka, kra az a verzi nga ɓai. 32Iyè ɓèl ngaya, i voko na va ga a hai a bab ga, a i gaɗa na: Aman i da cko ka kra a deɓa ɓai, mali ga a zhè a sam bab ga, ha i metsi ga. 33Gar haha, va na civèɗ a ɓèl ngaya, a nzi a ɓèlè bai te di man a kramam ga. Kra do do a verzi kramamhi nengaʼa. 34Aman kra a te ri ga ɓai, i slaha a i dè a deɓa a sam bab ga ɗè? I slaha a i rka nkuɗi bab ga man a da kuɗiaʼa ɓai.
Aktuálne označené:
Genèse 44: MOF89
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Alliance Biblique du Cameroun 1989