Genèse 43
43
Wudahi Jacob ta dè a deɓa a nda Benjamin
1A mi a gi a herkeda holholaʼa. 2Dau man ta suma te kokwar Egypte a ndev na ma, a bab ta a ngaɗa ta: Vo-do a deɓa, a kin da sumka nga skwi nʼndi kètè! 3A Juda a ngaɗa na: Masli sa a nfa nga a gèɗ a wuɗai: Kin shkè a sam ga asaɓai, sèi man ntabaw kinè a zhè a verzi kinè di kla! 4Aman ka da va nga kramam nga nkèshèa a verzai, nga dè a nga shum skwi nʼndai. 5Aman ka da va nga azɓai, nga dè azɓai. Aman masli sa a ngaɗa nga: Kin shkè a sam ga asaɓai, sèi kramam kinè a shkè a nda kinè. 6A Israel a ngaɗa: Kin ngreda na ndo sa a kin gaɗa kramam nga a zhè èhèmè? A kin gay matakwan aranta! 7A ta mbeɗa na a ma: Ndo sa a njunjora verzi nga a maya maya, a ndzhaɗ nga: Bab kinè a zhè a nshèffè di ɗè? Kramam kinè ngiɗè a zhi ɗè? A nga ngra na. Nga sunkoɗa a nga gaɗa, a da gaɗa, vo-cko kramam kinè a haha, tema? 8A Juda a ngaɗa na Israel, bab na: Vay kra, a nga slèmbèɗè, a nga dè, a nga mbél nshèffè nga; nga da tiɗ nga, nga a nda ka a wudahi nga tèlèba. 9I va ka va ga a hai, a ka da jhèɗè te ri ga. Aman i da ckoɗa deɓa azɓai, a i Zlatseda kra a sam di ngaya ɓai, mali ga a zhè a sam ngaya, ha i metsi ga. 10A vava, aman nga da ga ndudoh ɓai, ar ani nga menkaɗa deɓa sak cèw ma.
11A Israel, bab ta, a ngaɗa: Aman kin gaɗa, do do ndèzl, vo-do mènè! Va-helda nyi mbelaʼa tʼherkeda nga a rai a gozhèm kinè, a kin dè a kin da na ndo sa, a kin ga na mbali a vna: burdi kètè, votok a kuɗ wof a vanda a menda. 12Va-hela na Suli a va man adatsuta a Suli man kin ngots a deɓa te gozhèm, va-menda na a deɓa; ngiɗè ba nyakede ta. 13Vo-co kramam kinè, vo-do a kin dè a deɓa a sam ndo sa. 14Bi Zhiklè, bi wuɗai da gu a kin ngècè pombai a sam ndo sa, a va na civèɗ a kramam kinè, a Benjamin ba, a kin shkè a deɓa. Aman iyè, man i gi mbelawa, a i nzi a mbelawa di mènè.
15A wudahi ta co skwi mbalai, a ta ca na Suli a va nshèlèkuraʼa, a Benjamin, a ta slambaɗa, a to do a kokwar Egypte, a sam Joseph.
Ta zli gèɗ a Joseph
16Aman Joseph a nrka ta tèlè a nda Benjamin, kramam nengaʼa, a ngaɗa na ndo mɓer gi na: De ta ndohi haha a gai, zlaha ta skwai, ta ta lak, a ta ndi skwi a sam ga. 17A nengaʼa a ngau, ara man Joseph a gaɗa na, a nde ta ndohi a gi Joseph. 18Tengaʼa ta gi zlau, aman Joseph a de ta a gai, a ta gada: Ta pe nga a gi haha, a géɗ Suli man nga ngots te gozhèm sa, nshèlèkuraʼa. Ta woy a ta dzaw nga, ta kala nga va a ta ge nga a ɓèlè, a ta helama nga kɗèhihai. 19A to do a sam ndo mɓer gi Joseph, a ta gaɗa na a ntamagai: 20Ɗakwa, bi nga, nga shkè sak staɗ ma, a nga shum skwi nʼndai. 21Aman nga shèk va, a nga pra gozhèm nga, Suli nga staɗ staɗ tèlèba nga ngots te gozhèm, Suli nga tèlèba. Na haha nga mendkoɗa deɓa. 22A Suli nga man nga hulko na va, a nga shum skwi nʼndi mɓuaʼa antanta. Nga sun ndo man a mpa nga Suli a deɓa a gozhèm ɓai. 23A nengaʼa a ngaɗa: Va-gsa ndav kinè, kin gu zlau ɓai! Zhiklè kinè a Zhiklè bab kinè a mva kinè skwi mèshèlè a gozhèm. I ngots Suli kinè te va nasa. Te deɓaʼa a nda Siméon auda a sam ta.
24A nde ta ndohi a gi Joseph, a mva ta iyam a ta pènè sak ta, a mpa ta dau a kɗèhihai. 25A ta tül skwi man ta woy a ta ga na mbali a vna a Joseph, aman a da shkè ngwai a pats. Ta tsenaʼa, ta da ndi skwi a sam na.
26Aman Joseph a mshkè ngwai, ta cko skwi man ta shkè a vna te rai a gai, a ta ga na mbali a vna. A ta kalahi a deɓ sak nengaʼa. 27Aman nengaʼa a nga ta mbalai, a ngaɗa: Bab kinè man kin gaɗayè, nhala ma, a nza genè cè? A zhè a nshèffè genè cè? 28A ta mbeɗa na a ma: ɓèl ngaya, bab nga, a nza genè. A zhè a nshèffè genè. A ta gurɓahai a sam na, a ta kalahi a deɓ sak nengaʼa. 29Aman a mpu dai, a nrka Benjamin, kramam hwaɗ na, a ngaɗa: Nengaʼa ntabaw kinè, man kin gaɗayè ɗè? Te deɓaʼa a ngaɗa na: Kra ga, Zhiklè da va ka pombai! 30A Joseph a nhu a gi na, a nzlama na ndav, a kuɗa a ndèma na daʼai, a nkuɗi te pa. 31Aman a mpana di na, a mshkè auda zaʼa, a nsassaya dai, a ngaɗa: Vo-cko ta skwi nʼndai! 32A ta va na a nengaʼa a géɗ na, a tengaʼa a géɗ ta, a ndohi Egypte man ta ndau skwi a sam na, a géɗ ta. Aman ndohi Egypte ta ndi skwi a sam staɗ a nda ndohi Hébreu azɓai. A ndara ta ndohi Egypte. 33A ta ɗah ta zuraʼa a nengaʼa, a hinè a sam tsuvomaʼa, a ndè a sam ntabawaʼa, mbegèɗa mbegèɗ. A ta rzl ta a géɗèʼa. 34A mva ta skwi nʼndai te gandaf nengaʼa. Aman a Benjamin ta menda na skwi nʼndi sak 5. A ta sau skwai, a ta ndau skwai, a ta wuffè.
Aktuálne označené:
Genèse 43: MOF89
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Alliance Biblique du Cameroun 1989