УблапӀэ 36
36
ЯщэкӀэнэрэ хырэ шъхьэр
Ӏэсау къытекӀыгъэхэр
1Мары Ӏэсау – ар дэдэр Едом – къытекӀыгъэхэр.
2Ӏэсау къэнаӀан цӀыфмэ апхъумэ ащыщхэр шъузкӀэ ыштагъэх: Адэ, хьат лъэпкъэу Елонэ ыпхъур, хъыу лъэпкъэу ЦыбыӀон ыпхъоу Ӏанэ ыпхъу Охъолибамэ. 3Басмати ары, Исмахьилэ ыпхъоу Нэбаиот ышыпхъу.
4Адэ Ӏэсау къыфилъфыгъ Елифаз; Басмат РэӀуел къылъфыгъ. 5Охъолибамэ къыфэхъугъэх ЕӀущ, ЯӀылам, Къорахъ. Ахэр арых Ӏэсау ыкъохэу КъэнаӀан хэгъэгум къыщыфэхъугъэхэр.
6Ӏэсау ишъузхэри, ыкъохэри, ыпхъухэри, зэкӀэ иунэ цӀыфэу исхэри, иӀэхъогъухэри, зэкӀэ ибылымхэри ыугъойхи, КъэнаӀан хэгъэгум зэкӀэ щигъотыгъэ мылъкури зыкӀигъэгъуи, ышэу Якъубэ кӀэрыкӀи, нэмыкӀ хэгъэгу кӀуагъэ. 7Ямылъкухэр бэ дэдэ зэрэхъугъэхэм къыхэкӀэу, зэдыщыӀэнхэ алъэкӀыжьыщтыгъэп; Ӏэхъогъоу яӀэхэр зэрэбэм къыхэкӀэу зыщыпсэухэрэ чӀыгум ахэр тефэжьыщтыгъэхэп.
8Джаущтэу Ӏэсау СэӀир къушъхьэлъэ хэкум итӀысхьагъ. Ӏэсау – ар дэдэр ары Едомыр.
9Къушъхьэлъэ хэкоу СэӀир щыпсэурэ едом цӀыфхэм ятэ пӀашъэу Ӏэсау мары къытекӀыгъэхэр:
10мары Ӏэсау ыкъомэ ацӀэхэр:
Елифаз, Ӏэсау ишъузэу Адэ ыкъор,
РэӀуел, Ӏэсау ишъузэу Басмат ыкъор.
11Елифаз ыкъохэр: Тэман, Омар, Цэфэу, ГъаӀытам, Къэназ.
12Ӏэсау ыкъоу Елифаз ТымнаӀ ыцӀэу шъуз гуадзэ иӀагъ, ащ Ӏамалэкъ къылъфыгъ.
Ахэр арых Ӏэсау ишъузэу Адэ ыкъомэ
къатекӀыгъэхэр.
13Марых РэӀуел ыкъохэр: Нахъат, Зэрахъ, Щам, Мызэ –
ахэр Ӏэсау ишъузэу Басмат ыкъомэ къатекӀыгъэх.
14Мыхэр арых Ӏанэ ыпхъоу, ЦыбыӀон ипхъорэлъфэу, Ӏэсау ишъузэу Охъолибамэ ыкъуагъэхэр:
ЕӀущ, ЯӀылам, Корах.
15Мары Ӏэсау ыкъомэ къатекӀыгъэмэ янахьыжъхэр:
Ӏэсау ищыпэлъфэу Елифазэ ыкъохэр:
нахьыжъхэу Тэман, Омар, Цэфэу, Къэназ,
16нахьыжъхэу Корах, ГъаӀытам, Амалек.
Мыхэр Елифазэ инахьыжъхэу Едом хэгъэгум
щыӀагъэхэр арых; мыхэр Адэ ыкъомэ
къатекӀыгъэх.
17Мыхэр Ӏэсау ыкъомэ къатекӀыгъэмэ янахьыжъхэр арых:
нахьыжъхэу Нахъат, Зэрахъ, Шаммэ, Мызэ.
Мыхэр РэӀуел инахьыжъхэу Едом хэгъэгум
щыӀагъэхэр арых; ахэр Ӏэсау ишъузэу
Басмат ыкъомэ къатекӀыгъэх.
18Мыхэр Ӏэсау ишъузэу Охъолибамэ ыкъох:
нахьыжъхэу ЕӀущ, ЯӀылам, Корах.
Ахэр Ӏанэ ыпхъу Охъолибамэ, Ӏэсау ишъуз,
къылъфыгъэ нахьыжъых.
19Мыхэр Ӏэсау, ар Едом, ыкъомэ къатекӀыгъэхэр арых, мыхэр арых ахэм янахьыжъхэри.
СэӀир къытекӀыгъэхэр
20Мыхэр хор лъэпкъым щыщэу СэӀир ыкъохэу, а хэгъэгум щыпсэущтыгъэхэр арых:
Лотан, Щэуал, ЦыбыӀон, Ӏанэ,
21Дищэн, Ецэр, Дищан.
Мыхэр арых СэӀир ыкъохэу,
хор цӀыфхэм янахьыжъхэу,
Едом хэгъэгум щыпсэущтыгъэхэр.
22Лотан ыкъощтыгъэхэр:
Хъорыйрэ Хэмамрэ; Лотан ышыпхъугъ Тымнэ.
23Мыхэр Щэуал ыкъох:
Ӏалуан, Манахъат, Ӏэбал, Щэфэу, Онам.
24Мыхэр ЦыбыӀон ыкъох:
Айэрэ Ӏанэрэ. Ар Ӏанэу, ежь ятэу ЦыбыӀон
ищыдхэр ыгъэхъухэзэ, шъоф нэкӀым
псыфабэхэр къизгъотэгъагъэр ары.
25Мыхэр арых Ӏанэ къыфэхъугъэхэр:
Дишонрэ Ӏанэ ыпхъоу Охъолибамэрэ.
26Мыхэр Дишон ыкъох:
Хъэмдан, Ещбан, Итран, Къэран.
27Мыхэр Эцер ыкъох:
Билхан, ЗаӀауан, Ӏакъан.
28Мыхэр Дишан ыкъох:
Уц, Аран.
29Мыхэр хор цӀыфхэм янахьыжъых:
нахьыжъхэу Лотан, Щэуал, ЦыбыӀон,
Ӏанэ,
30нахьыжъхэу Дишон, Эцер, Дишан.
СэӀир хэгъэгум исыгъэхэмкӀэ мыхэр арых хор
цӀыфхэм янахьыжъхэр.
Едом цӀыфхэм япачъыхьэхэмрэ ялӀакъохэмрэ
31Мары исраил цӀыфхэм, пачъыхьэ яӀэ хъуным ыпэкӀэ, Едом хэгъэгум ипачъыхьагъэхэр.
32Едом щыпачъыхьагъ БэӀор ыкъоу БэлаӀ,
ащ икъалэ ыцӀэр Динхабэ.
33БэлаӀ зэлӀэм, ащ ыуж Боцрэ щыщ Зэрахъ ыкъоу Иобаб
пачъыхьэ хъугъэ.
34Иобаб лӀагъэ, ащ ыуж тэманхэм яхэгъэгу щыщэу Хъущам пачъыхьэ хъугъэ.
35Хущам лӀагъэ, ащ ыуж Бэдад ыкъо Хадад пачъыхьэ хъугъэ,
Моаб хэгъэгум мыдиан цӀыфхэр щызэхэзыкъутагъэр:
ащ икъалэ ыцӀэр Ӏауит.
36Хадад лӀагъэ; ащ ыуж Масрэкъэ щыщэу Самлэ пачъыхьэ хъугъэ.
37Самлэ лӀагъэ; ащ ыуж псыӀушъом Ӏут Рэхъобот щыщ Саул пачъыхьэ хъугъэ.
38Саул лӀагъэ, ащ ыуж Ӏахбэр ыкъо БаӀал Хъанан пачъыхьэ хъугъэ.
39Ӏахбэр ыкъоу БаӀал Хъанан лӀагъэ, ащ ыуж пачъыхьэ хъугъэ Хадар; ащ икъалэ ыцӀэр ПаӀу; ащ ишъуз ыцӀэр Мэхэтабэл, Мезахаб ыпхъоу Матрэд ыпхъу.
40Мыхэр арых Ӏэсау инахьыжъхэр, ахэмэ ялӀакъохэр, япсэупӀэхэр, ацӀэхэр:
нахьыжъхэу Тымнэ, Ӏалуа, Етэт,
41нахьыжъхэу Охъолибамэ, Елэ, Пинон,
42нахьыжъхэу Къэназ, Тэман, Мыбцар,
43нахьыжъхэу Магъдиел, Ӏирам.
Ахэр арых едом нахьыжъхэр, япсэупӀэхэмкӀэ,
чӀыгоу аӀэ илъыгъэмкӀэ.
Джары Ӏэсау, едом цӀыфхэм ятэ пӀашъэхэр.
Aktuálne označené:
УблапӀэ 36: АдыТГ
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© Институт перевода Библии, 2002-2023