УблапӀэ 35
35
ЯщэкӀэнэрэ тфырэ шъхьэр
Якъубэ Бэтэл дэжь зэрэщыӀагъэр
1Тхьэм Якъубэ къыриӀуагъ: «ЗыӀэти, Бэтэл кӀо, ащ щыпсэу; о пшэу Ӏэсау зышӀобгъэбылъэу узыхэхьажьым, зыкъыозыгъэлъэгъугъэ Тхьэм пае къурмэншӀыпӀэ ащ щыгъэпс». 2Якъубэ ежь иунагъуи зэкӀэ ицӀыфхэми ариӀуагъ: «Хымэ тхьэ сурэтэу шъуиунэмэ арытхэр чӀэшъудзых, зышъуукъэбзыжь, шъуищыгъынхэри зэблэшъухъух, 3Бэтэл тыкӀощт, ащ сэ къурмэншӀыпӀэ щызгъэпсыщт – тхьамыкӀагъом сызыхэт мафэм сыкъызэхэзыхи, сызытет гъогум щысигъусэгъэ Тхьэм пае». 4Арыти зэкӀэ хымэ тхьэ сурэтэу аӀыгъыгъэхэр, тхьакӀумпылъхьэу атхьакӀумэхэм апылъыгъэхэри Якъубэ къыратыгъэх; Якъубэ ахэр Щэхэм пэмычыжьэу щыт чъыгаем ычӀэгъ щычӀитӀагъэх. 5ЕтӀанэ ахэр ежьагъэх. Тхьэм ищынагъо къэлэ гъунэгъухэм адэсхэр зэлъиубытыгъэхэти, Якъубэ ыкъомэ алъежьагъэхэп.
6КъэнаӀан хэгъэгум ит Лузэ, джы БэтэлкӀэ заджэхэрэм, Якъубэ къэкӀуагъ – ежьыри зэкӀэ игъусэ цӀыфхэри. 7Ащ къурмэншӀыпӀэ щигъэпси, а чӀыпӀэм цӀэ фишӀыгъ: Ел Бэтэл#35:7 Ел Бэтэл – ижъырэ джуртыбзэкӀэ къикӀырэр: Бэтэл и Тхь. сыда пӀомэ ежь ышы зышӀуигъэбылъэу зыкӀеӀэжьым, мы чӀыпӀэм Тхьэм зыкъыщыфигъэлъэгъуагъ. 8Дэборэ, Рыбкъэ быдз езгъэшъуагъэу зыпӀугъэр лӀагъэ, Бэтэл ыхэкӀэ чъыгэе чӀэгъым ар щычӀалъхьажьыгъ, Якъубэ а чъыгаем Зыщагъаехэрэ чъыгаекӀэ еджагъ.
9Якъубэ Мэсэпэтам къызекӀыжьым, Тхьэр ащ джыри къыфэлъагъуи, ынэшӀу къыщифагъ. 10Тхьэм ащ къыриӀуагъ: «О пцӀэр Якъуб, ау тапэкӀэ Якъуб къыуаӀожьыщтэп. Джы щегъэжьагъэу о пцӀэр – Исраил!» Джаущтэу ащ къыфиусыгъ Исраил. 11Ащ джыри Тхьэм къыриӀуагъ: «ЛъэкӀ пстэури ЗиӀэ Тхьэр Сэры. Орэбагъу, пхэрэхъу: цӀыф лъэпкъ о птекӀыщт, цӀыф лъэпкъыбэ! Пачъыхьэхэр о къыптекӀыщтых! 12Ибрахьимэрэ Исхьакъырэ ястыгъэ чӀыгур, ори къыптекӀыщтхэми ястыщт». 13Тхьэр ащ къызщыдэгущыӀэгъэ чӀыпӀэм ӀукӀыжьыгъ. 14Ар къызщыдэгущыӀэгъэ чӀыпӀэм Якъубэ мыжъосын щигъэуцуи, шъон къурмэн щишӀи, санэрэ дагъэрэ тырикӀагъ. 15Якъубэ а чӀыпӀэм Бэтэл#35:15 Бэтэл – ижъырэ джуртыбзэкӀэ къикӀырэр: Тхьэм и Ун. фиусыгъ.
Рахъэл Бинямин къыфэхъуи, зэрэлӀагъэр
16Бэтэл дэкӀыгъэхэу, Ефрат нэсынхэкӀэ джыри чӀыгуонэ заулэ къэнагъэу, Рахъэл сабый къыфэхъугъ. Хъошъэным ар ифэгъагъ. 17Сабый къыфэхъуным икъин зыхэтым, мамыкум ащ къыриӀуагъ: «Умыщын, джыри зы шъао уиӀ!» 18Ыпсэ зыщыхэкӀыным Рахъэл ыкъо Бэн Они#35:18 Бэн Они – ижъырэ джуртыбзэкӀэ къикӀырэр: синэшхъэигъо ыкъу. фиусыгъ. Ау ятэ ащ БиняминкӀэ#35:18 Бинямин – ижъырэ джуртыбзэкӀэ къикӀырэр: сӀэ джабгъу ыкъу. еджагъ.
19Рахъэл лӀагъэ, Ефрат, джы Бэтлэхъэм зыфаӀорэм, екӀурэ гъогум дэжь щычӀалъхьажьыгъ. 20Ащ икъэунэ Якъубэ мыжъосын тыригъэуцуагъ. Ар непэ нэсыжьэу Рахъэл икъэунэ имыжъосын. 21Исраили ежьи, Ӏэдэр плъэпӀэ лъагэм ыкӀыб ищэтырэ щигъэӀагъ.
Якъубэ ыкъохэр
22А хэгъэгум Исраил къызеты лъэхъаным Рубэн ятэ ишъуз гуадзэу Билхэ зыцӀэм голъыгъ. Исраил ар зэхихыгъэ.
Якъубэ къо пшӀыкӀутӀу иӀагъ.
23Леа ыкъохэр: Якъубэ иапэрэ сабыеу Рубэн, ащ ыуж ЩымӀон, Лэуй, Ехъуд, Иссашхар, Зэбулун. 24Рахъэл ыкъохэр: Юсыфрэ Биняминрэ. 25Рахъэл иунэӀут бзылъфыгъэ Билхэ ыкъохэр: Данрэ Нафталыйрэ. 26Леа иунэӀут бзылъфыгъэ Зилпа ыкъохэр: Гъадрэ Ащэррэ. Ахэр Якъубэ ыкъохэу Мэсэпэтамым къыщыфэхъугъэхэр арых.
Исхьакъ зэрэлӀагъэр
27Якъубэ ежь ятэ Исхьакъэу, Къыриат Арбэ, джы Хъэурэн зыфаӀорэм пэблэгъэ Мамрэ дэсым дэжь къэкӀуагъ. Ащ Ибрахьими Исхьакъи хэхэсэу щыпсэущтыгъэх. 28Илъэсишъэрэ тӀокӀиплӀырэ Исхьакъ ыгъэшӀагъ. 29Исхьакъ жъы дэдэ хъугъэу ыпсэ хэкӀыгъ, дунаим ехыжьи, ицӀыф лъэпкъ хэхьажьыгъ, ыкъохэу Ӏэсаурэ Якъубэрэ ар чӀалъхьажьыгъ.
Aktuálne označené:
УблапӀэ 35: АдыТГ
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© Институт перевода Библии, 2002-2023