Lukas 21
21
Jesu mugueni heb dohor ad bihinou molhege.
1Jesu i da ilndri su, su da daui moni le bogis ad Jehova, i ilndri su labenen. 2Boen i ilndri hom bihinou molhege lie, i daui moni mandehege le bogis ad Jehova. 3Boen i vong: Ndangen io boi le ndro mu: Bihinou ogo molhege, gin daui memrad dsoln hanu le asu masigane. 4Su masi su gin daui heb ge mandehe ber memrad asu le bogis ad Jehova, bihinou ogo gin daui memrad aden masigane gan ansu sumburdi le bogis ad Jehova.
Nongen Jesu ndre bahali Oliva.
5Su holel gin vong le ndro i le um ad Jehova, i da laben ge, su gin nouni i le memrad hian mabosanged. Jesu i bode: 6Mu da lele um ogo, rang na gmehere, bad maruo le um ogo de besbas bui, su ndumbue i sumburdi. 7Su ndemani i: Ndorlaben gehere longu ogo na gmehere? Sehe gelman i gme hanu? 8Jesu i bodeie: Or gulue meluamu, debosan su gdulieni mu le sal momen, su mabosanged su gmeher le ngoro, su vong, su bai: Io Kristo, rang ad Kristo i baghege malabo. Mbue de hilou le ndro su. 9Ar mu hirong nongen le bahun, mbue mu go noh, longu ogo no gmeher hanu, rang ad Kristo masou. 10Boen i boi: Gor si i gob iil le ndro gor si, gor hoger i gob bahun le ndro gor hoger. 11Boan i rerr, i nunueie manden ge, song manden i ghilou, iab momen ge le gor masi, gelman ndoun ndoun, longu ber lang na gmehere. 12Hanu su ghosi mu, su hingismad ademu, su daui mu le numo hernou asu, ma le kalabus, su rui mu le ndro su ndurhian, le ndro su ndorlaben asu, su beg bo momen ndro mu, mu da delengan le nongen ordo. 13Mbue bombulmu i mesi le nongen ordo, aga rang hian le boharni le ndro su. 14Ghanguruen longu hendre ogo: Mbue hanguruen nongen, mu da beg vong le ndro su le gord ademu. 15Io beg hengen le ndro mu bohomu danen vong nongen monen ge. Su ndremda rah admu de dansu dieni mu le nongen ademu bui. 16Su laum, su gob iil le ndro mu, damen e nanen, su ndern ma su gous ademu su grui mu le gord, su gdaii su holel ademu. 17Ndrnesu gor masi i mah le ademu, mu da lodu le ngoro. 18De dansu bo momen de la ndro mu hebsa bui. 19Mu ndoa ge, ir belengeni io, boen mu mamaren sidesi.
20Be su gob iil le ndro Jerusalem, su gulmuni gor, danmu, heb eluen bui muren su ndumbue gor Jerusalem. 21Su ndramed ber Judea su ghilou, su vob le gor bahali ge, su ndramed ber Jerusalem su gbieni gor asu, su da de lonhou, mbue de dogi le gor. 22Rang gin meher, Jehova beg surien longu asu masigane, longu masi beg mehere, su gin hondre le Buk Helian. 23Su bihin, ndurn i da ndrnesu, i da nemesu, su gina momen ge, song manden i hilou le gor masigane. Jehova i gob gord le ndro su ndramed ogo. 24Su glos le mordo borla asu, su ghosi su, su rui su le gor asu manan, su Haiden su ndumbue gor Jerusalem, su gob momen ndro i, mabenan rang asu Haiden gineao gane.
25Boen gelman na gmehere, gelman i da le mernal, i da le vara, ma gelman le biri. Su ndramed ber gor masi su noh manden ge, be su hirong ngasen ber ndas ndoun ndoun. 26Meluasu ndramed na gmed le noh asu, su gina momen gane le longu i da beg meher le boan; ndoui ber lang na glos su ndumbue su. 27Boen Ndurndramed na gmehere gle ndoulang, su gilndri ndoui, ma engerang aden. 28Be longu ogo na gmeher, edne, dendrai le lang, i ge beg meher, i da beg rumburdi mu. 29Boen i vong le ndro su heb nongen dohongein, i boi: E lele gei ogo, ma gei masi: 30Loun mahouen i meher, danmu hian ge loumandri i baghege. 31-32Dagara ar mu ilndri longu ogo masigane, danmu, gor ad Jehova i baghege. Ndangen io boi le ndro mu: Su ndramed ber range su de somad bui, hanu longu ogo masigane na gmeher. 33Lang e boan na glos, nongen ordo ge, de los bui.
34Or gulue meluamu, debosan hanguruen ademu i beb le gous ademu gle memrad ademu ber boan, debosan rang ogo na gmeher roud, mu de gin belengeni bui. 35I gmeher roud le ndro su ndramed masi ber boan. 36Mu named ge sidesi, gob lodu ge, Ndorlaben i ghengen le ndro mu ndoui aden, muren danmu vong le longu ogo masi momen, mu gmeher le bormarn ad Ndurndramed. 37Lorang Jesu i da le um ad Jehova, i henunuen su, lobing i bieni gor, i medir ndre bahali Oliva. 38Su ndramed masi su la ndro i mabing, su la um ad Jehova, beg hirong nongen aden.
Aktuálne označené:
Lukas 21: LLENT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society 1956
