Lukas 10
10
Jesu rendegien su lao aden manondrdilingul.
1Boen Ndorlaben i loh su lao aden manondrdilingul, i rendegien su le gor masi, le gor manden e mandehe, sor marmou gosgoure, sor marmou gosgoure. 2Boen i vong le ndro su: Beleng mandromai, gan mabosanged ge, su holel ge, su da bo mburer leri, soling ndro Ndorlaben ber beleng, i rendegien su lao aden gle beleng aden. 3Al gle gor manan, io rendegien mu, mu dege ndurmeh le molengasu mui. 4Mbue hedi moni, ndob bugane, sumianegen bui, mbue de mugueni homo le sal ademu. 5Be mu iao le um hom, vong le ndro su hanu: Mandri ad Jehova gme ndro mu. 6Be mbunana ad Jehova homo i da le um, Jehova na ghengen i, dege mu gin bai. Mbunana homo ad Jehova i dari bui, nongen ademu na gmul. 7Mu dandon le um hom, gien, e ilmui gan masi, su hengen le ndro mu, homo, i da bo mburer, i vonei le gan anen, mbue al le um hom lie. 8Ar mu gmeher le gor si, su somui le ademu mu gien gan ansu, su hengen i le ndro mu. 9Gregurdueni su, iab gin hedi su, vong le ndro su ndramed ber gor, gor ad Jehova gin meher bage. 10Ar mu gmeher le gor si, su mburesu ademu, mu iao le sal, le marbohongor mu vong mu bai: 11Iou gbieni gas ber sal i da gina le ndegedu giao, iou sibui ndegedu gle rosan. Gas i dandon le gor admu, hanguruen longu hendr ge, gor ad Jehova gin meher baghege ndro mu. 12Io boi le ndro mu: Gor Sodom i horuan ge le gord ad Jehova hanu le gor si i da gin bieni mu dagara. 13Uo gina momen gane, gor Gorasim; uo gina momen gane gor Betsaida; ar su ber Tirus e Sidon, su gin ilndri gelman manden goru, dege mu gin ilndri, su garbelueni bern asu gle houen. 14Gor Tirus e Sidon gord asor i hiau hebe, mu gina momen gane. 15Uo gor Kapernaum, uo da hanu le su gor masi? Bugane, su gbieni uo le gor moan. 16Homo i hirong nongen ademu, i hirong nongen ordo ge, homo i da hangaini mu, i hangaini io leri, homo i da hangaini io, i hangaini Ndorlaben, i da gin rendegien io.
17Boen su manondrdilingul su gin mul, su mugmug manden, su vong, su bai: Ndorlaben, su beld lie delengasu le nongen adu, iou da gin robuldi su gle ngarm. 18I vong le ndro su, i bodeie: Io gin ilndri Satan i gin me dege ndremla ber lang. 19E lele io gin hengen ndoui le ndro mu, mu girgai ndre moad ma ndre sumburungai, io gin hengen ndoui le ndro mu, le ndro su masi, su da bo iil le ndro mu, de dansu bo momen de la ndro mu hebsa bui. 20Mbue mugmug, su beld delengasu le nongen ademu, mugmug ge su gin hondre ngarmu le Buk, i da gor lundielang. 21Malabo Jesu i ngei, i mugmug ge le Meluan Helian, i vong i boi: Io bamugueni uo, Bo Domo, Ndorlaben ber lang ma ber boan, uo da gin gorni longu ogo le ndro su labenen ma le ndro su ndurbodan, uo gin boharni i le ndro su ndramed molhege, su heb ndoun bui. Ehe Bo Domo, aga uo ie lengi sidesi. 22Bo Domo gin hengen longu masigane me ndro io, homo i de danen ndurn bui, Damen ge i danen i. Homo i de danen Damen bui, ndurn ge i danen, dagara homo ma homo, ndurn i boharni le ndro i. 23Boen begmarn gle ndro su lao aden ge, i vong i boi: Begmarsu horuan, mamaren ge, su da ilndri longu mu lele i. 24Io boi le ndro mu, su Provet mabosanged ma su King dsoln, su ha leng ilndri longu mu da lele malabo, su de gin ilndri bui, su ha leng hirong nongen, delengamu hirong i, su de gin hirong i bui.
Heb nongen dohongein le golnisden ad ndramed.
25Boen homo asu ndremda hernou i me, beg seslaini Jesu, i ndemani i: Ndorlaben, io gob sa, beg dogi le gor lundielang? 26Jesu i bodeie: Uo de danem Buk Helian bui, sehe nongen i dari? 27I bode: Golmgisden Jehova, Ndorlaben adem, gle bergolm gane, gle meluam gane, gle hanguruen adem, ma gle ndoui adem masigane, ma hendre lie, golmgisden ndramed i da bage ndro uo, dege voamiso mandrm. 28Jesu i vong le ndro i, i bodeie: Nongen adem monen ge, ghinen i, boen uo da mamaren sidesi. 29Malabo i beg gorni nongen aden i da beg seslaini Jesu leri, i vong, i bai: Sie i ndramed goloisden i dagara? 30Jesu i bode: Hom ndramed ber Jerusalem beg dogi le gor Jerigo. Be i da le sal, su daiandramed gin me, su behena memrad aden masigane, boen su rii i ndoun ndoun, ndrai aden gin muh le boan, baghege ginmad. Boen, su bieni ndramed ogo, su vob la manan. 31Hom ndremda dohor i me dala, be i gin ilndri ndramed ogo le boan, le mandrgos sal, de gin sobani i bui, dogi ge. 32Homo asu Levi i gin me dala, i da bo mburer le um ad Jehova. Be i gin ilndri ndramed ogo, de gin sobani i bui, i dogi ge. 33Homo asu Samaria i gin me, i dogi le sal ogo, i gin me baghege le ndro i, be i gin ilndri i, i golnisden i, 34i la ndro i, i surhi legen gle ndrunvain, i daui ndrelgei ri, boen i hosi mandern, i daui i ndre donki aden, i dulieni le um hom, i sobani i le gan. 35Bing si muren, be i beg dogi le gor manan, i hedi moni maruo, i hengen i le ndro labenen ber um, i vong le ndro i: Or gulue i, hengen gan le anen, aga heb moni le surian, be i de vonei bui, heb eluen bui muren io gmul, io surieni masigane. 36Sie asu madilmou ogo i da golnisden ndramed monen ge? 37Ndremda hernou i bodeie: I ge, i da gin ibdi gahaloseli le ndro i. Boen Jesu i bai: Al, ghinen i dagara lie.
Marta sor Maria ber gor Betanien.
38Boen Jesu i dogi le gor manan, i gin me le gor si, i iao le um ad hom bihin, ngarn Marta. 39Ndern, ngarn Maria i da lugdo im boan baghege ndro Jesu, i hirong nongen aden. 40Marta i da bo mburer le gan anen dsoln, malabo i la ndro Jesu, i vong le ndro i, i boi: Ndorlaben, uo da ilndri bui, io ge homo, io da bo mburer le gan anem, ndere de sobani io bui? Bai le ndro i, i osbani io. 41Ndorlaben i bodeie, Marta, Marta, uo da hanguruen longu mabosanged, uo da bo mburer dsoln. 42Longu hendre ge i hian, aga i vonei, Maria i gin hanguruen leri, i da ndro i ge, homo i de hedi i bui.
Aktuálne označené:
Lukas 10: LLENT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society 1956
