Johanes 17
17
Raring ad Jesu le aden, le ndro su lao aden ma su masi ber lodu.
1Jesu gin vong nongen dogoro, boen i dendrai le belengan, i lodu, i vong, i boi: Bo Domo, rang gin meher, daui engerang adem gle ndro Ndurm, Ndurm i gabmugueni uo leri. 2Uo gin hengen ndoui le ndro i, i ndoa le su gor masigane. Uo gin hengen ndoui le ndro i, i ghinen su mamaren, su masigane su adem ge. 3Aga ndoui asu, su mamaren gleri sidegesi: Dansu uo ge, uo da homo ge, Ndorlaben ndangen, ma Jesu Kristo uo da gin rendegien i. 4Io gin bamugueni uo le boan ogo be io da gin bo mburer adem. Uo gin rendegien io, io ghinen i. 5Bo Domo, daui engerang adem gme ndro io. Engerang adem i da ndro io nandugian, nandugian ber gor boan ogo masou.
6Io gin boharni le ndro su ndramed ngarm, le ndro su, uo da gin hengen me ndro io, su adem ge, boen uo gin hengen su me ndro io. Delengasu le nongen adem ge. 7Malabo dansu i, longu masigane uo da gin hengen me ndro io, i adem ge. 8Nongen ordo uo da gin hengen me ndro io, io gin hengen le ndro su, su gin somui leri, dansu nongen adem monen ndangen, dansu uo gin rendegien io, su gin boro i hian ge, uo ge, uo gin rendegien io. 9Io soling ndro uo le asu, io de soling le ndro uo le asu gor masi bugane, le asu ge, uo gin hengeni su me ndro io. Su adem ge. 10Longu adem i ordo ge, longu ordo i adem ge, su gabmugueni io. 11Heb eluen bui muren io do da le boan bui, su ge, su dandon le boan. Io ge, io gmeher ndro uo, Bo Domo Helian, gobgulue su le ngarm, io da gin boharni le ndro su, dege uo gin bai. Io ha lengi, su da bersi ge, dege iouoro. 12Be io da le dogrosu, io gin bogulue su, su masigane, uo da gin hengen su me ndro io. Io da baghege ndro su, homo asu i de gina momen bui, su horuan ge. Homo ge asu i da gina momen gane, aga Judas, dege su gin hondre dugian. 13Malabo io gme ndro uo, io bosoui nongen ogo le ndro su, su da le gor boan. Io ha lengi su mugmug ge, dege io mugmug. Mugmug hian i da le bergolsu. 14Io gin lugi nongen adem le ndro su, gor masi ndrnesu gin mah le asu leri. Su ber gor boan bugane, dege io lie, io ber gor ogo bui. 15Io de ndemani uo bui uo hurdi su giao le boan ogo, io ha lengi uo gobgulue su le longu masi momen. 16Su ber boan ogo bui, dege io lie, io ber boan ogo bui. 17Hinen su helian, su ndoa le nongen adem ndangen. Nongen adem ge i ndangen ge. 18Uo da gin rendegien io le boan, dagara io rendegien su le ndro su gor masi. 19Io hengen le ndro su, su ndoa gle ndoui ordo, boen su helian rosan ge gle nongen ordo ndangen.
20Io soling ndro uo le asu ge bui, le asu masigane, su gboro ndoui ordo bersi muren, be su gobharni i le ndro gor masigane. 21Hengeni su masi bersi ge, dege iouoro bersi. Uo Bo Domo, uo da ndro io, ma io, io da ndro uo. Dagara su masi, su da ndro du, su ghenunuen su gor masi gleri uo gin rendegien io. 22Io gin daui engerang adem, uo da gin hengeni me ndro io, le ndro su. Io ha lengi su bersi ge, dege iouoro bersi ge. 23Io da le bergolsu, uo da ge ndro io, boen su bersi ge. Gor masi dansu i, uo gin rendegien io. Uo golnisden su, dege uo golnisden io. 24Bo Domo, io ha lengi su me ndro io, su da le gor ordo, su ge, uo da gin hengen su me ndro io. Su gilndri engerang ordo, uo da gin hengeni me ndro io, uo da golnisden io sidegesi. Golnisden adem ber nandugian nandugian. 25Bo Domo, uo da hian monen gane, su gor masi de dansu uo bui, io ge, io dono uo, ma su gorbo, su gin boro i, su dansu i, uo gin rendegien io. 26Io gin boharni ngarm le ndro su, io ghinen i muren lie. Io ha lengi golnisden adem i da le bergolo, i da ge ndro su lie, ma io do da le bergolsu lie.
Aktuálne označené:
Johanes 17: LLENT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society 1956
